Skip to main content
64

Dette jobopslag er udløbet

Allattoqarfimmi allatsi

Kiffartuusserusussusilik pinngitsoorsinnaanngisaq suliassat suussusiinik ataatsimut isiginnissinnaassusilik allaffissorusussusilillu.
 

Aqutsisoqarfiup, attaveqaqatigiinnerup, peqqinnerup politikkillu akornanni sulerusuppit? Ataatsimut isiginnissinnaassuseqarpit ulapaarfiugaluartumilu sulisinnaallutit? Inuit ulapaartut sullikkusuppigit?

Qulaani allattorsimasut angersinnaagukkit ataanilu piumasarineqartut ilisarisinnaallugit taava immaqa illit Peqqissutsimut Pitsaaliuinermullu Aqutsisoqarfiup allattoqarfiani allatsissatut sulisussaraatsigit oktobarip aallaqqaataani isumaqatigiissuteqarnikkulluunniit aallartissinnaasoq. Atorfik sapaatip akunneranut 40 tiiminik sivisussuseqarpoq.

Atorfik pillugu
Allaffissornerup iluani pingaarutilittut inissisimassaatit Peqqissutsimullu aqutsisoqarfimmut kiffartuussissallutit, tassanilu atorfeqartuusut tassaapput Aqutsisoqarfimmi pisortaq, Nakorsaaneq, Peqqissutsimullu qullersaq, taakkualu saniatigut allattoqarfimmi suliassanut assigiinngitsunut ataqatigiissaarisuussallutit. Suliassatit tassaasassapput aqutsisoqarfiup suliariniagaanut suliffeqarfiullu ineriartornissaanut attuumassuusillit.

Makkuusinnaasassappullu:

  • Allattoqarfimmi kiffartuussineq, ullorsiutinik aqutsineq, ataatsimiinnissanik inniminniineq suliffeqarfiullu iluani avataanilu ataatsimiittoqarnissaanut piareersaasiornerit
  • Ataatsimiinnernut ataatsimiititalianullu assigiinngitsunut nalinginnaasunut ullormut eqqartugassanik suliaqarneq kiisalu allatsiuneq kinguneqartitsinerlu
  • Saqqummiussassanik aaliangiussanillu saqqummiussassanik suliaqarneq
  • Aaliangiinernik ataqatigiissaarineq kinguneqartitsinerlu
  • Avataaneersunit saaffiginninnernut politikkimit suliaqartunittaaq akissuteqarnerit
  • Allattoqarfiup pitsaassutsimik suliaqarniarnerannut peqataaneq
  • Allanillu sullissinerit

Piginnaasatittaaq aallaavigalugit attaveqaqatigiinnerup, upalungaarsimaarnerup, fundraidingimut ESHD-mullu attuumassusilinnut akisussaaffeqarumaarputit kiisalu peqqinnissaqarfiup iluani suliffeqarfiullu iluani ingerlataareersunut suliniutinullu peqataasarumaarlutit.

Illit pillutit
Ilinniagartuujuvutit ingerlaqqiffiusumi ilinniarsimasoq, suliffeqarfimmi politikkikkut attuumassuteqarfiusumi sulerusussuseqarlutit. Peqqinnissaqarfiup isumaginnittoqarfiulluunniit iluani misilittagaqarneq iluaqutaasinnaavoq. Ukiualunni inuussutissarsiorfimmi misilittagaqassaatit imaluunniit ilinniakkannik naammassinneqammersinnaavutit ilinniartuunernilu suliffigisimasanni assigiinngitsutigut pineqartut misilittagaqarfigilersimallugit.

Inuttut peqqissaartuuvutit namminersorluitt suliaqarsinnaallutit suliassarisannut suliaqarfissallu iluini ataatsimut isiginnissinnaassuseqarlutit. Piffissamik atuinissanut tulleriaarinnillaqqipputit, suliassat ilaat erngertumik nammassineqarsinnaammata, naatsumik toqqaannartumik akissuteqarfigineqarsinnaammata suliassalli ilaat pingaaruteqarlutik iluamik eqqortumik suliarineqarnissaat.

Kiffartuusserusussuseqarputit inussiarnersuullutit attaveqaaterpassuaqarlutillu sulisinnaallutit. Allat pisariaqartitaat takusinnaavat, paasissutissanillu mianernartunik suliaqarnissat ilisimaarinniffigalugu. Suliffeqarfimmi assigiinngitsunik kulturilimmi – oqaaseqarfiusumi ilisimasaqarfiusumilu atorfinissaatit, taamaattumik pingaaruteqarpoq akuersaartuunissat, inissaqartitsinissat naammagittarsinnaassuseqarnissallu.

Neqeroorutigisinnaasagut
Suliat iluanni inuttullu piginnaanivit atorluarsinnaaneri. Suliassat pissanganartut ulluinnarnilu suliat assigiinngisitaartut. Ilaat sulianut nalinginnaasunut attuumassusillit ilaali itinerusumik suliarisariallit.

Aqutsisoqarnermut allattoqarfik pillugu
Peqqissutsimut Pitsaaliuinermullu Aqutsisoqarfimmi aqutsisoqarnermut allattoqarfik, aningaasaqarnermut immmikkoortortaqarfik sulisoqarnermut immikkoortortaqarfik qarasaasialerinermullu immikkoortortaqarfimmik imaqarpoq. Atorfik inuttassarsiuussaq aqutsisoqarnermut allattoqarfimmi inissisimavoq.

Aqutsisoqarnermut allattoqarfik teamiuvoq mikisoq kisiannili nukittooq, tassanngaanniit Peqqitsutsimut aqutsisoqarfimmut kiffartuussivugut, taannalu Kalaallit Nunaanni Peqqinnissaqarfiup iluani qaffasinnerpaamik inissisimavoq. Allattoqarfimmi kiffartuussinerup toqqorterinerullu saniatigut suliassat inatsisilerineq attaveqaqatigiinneq kiisalu napparsimasunut ilitsersuutinik suliaqarnnerit aamma allattoqarfimmi inissisimapput. Allattoqarfimmi qeratasuumik suleriaaseqanngilagut taamaakkaluartorli piginnaasat, akisussaaffik, paasisanik avitseqatigiinneq qiimanerlu pingaartitaralutigit.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginninniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Paasissutissat allat
Atorfik pillugu paasisaqarnerorusukkuit allattoqarfiup pisortaa Else-Marie Brødsgaard oqarasuaat +299 34 47 00 imalt. e-mailikkut embr@peqqik.gl attavigisinnaavat.
Kalaallit Nunaanni peqqinnissaqarfik pillugu paasissutissanik allanik nittartakkakkut www.peqqik.gl pissarsisinnaavutit.

Peqqinnissaqarfiup Qullersaqarfia allaffissornikkullu ingerlatsivia Peqqissutsimut Pitsaaliuinermullu Aqutsisoqarfimmi aaqqissuussaanikkut Peqqissutsimut Naalakkersuisoqarfiup ataaniittumi inissisimavoq.
Peqqinnissaqarfiup qitiusumik allaffissornikkut ingerlanneqarnera Aqutsisoqarfiup isumagisaraa Naalakkersuisullu peqqinnissamut tunngasunut iliuusissatut siunniussaasa eqquutitsisussanut ilusiliisuusarluni. 

Qinnuteqaat
Qinnuteqaammik tunniussivissaq piffissaq kingulleq 20. august 2018
Sap. ak. 34-mi qinnuteqartunik oqaloqateqarnerit ingerlanneqarnissaat naatsorsuutigineqarpoq.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk