Skip to main content
89

Allatsitut/nutserisutut/saaffiginnittarfimmiittutut atorfik Allorfik Sermersooq Nuummiittumi

Allorfik Sermersooq allatsissarsiorpoq sapaatip akunneranut tiimit 40-t sulisartusamik. Suliassatit assigiinngitsuupput, pingaarnerpaavorlu atuisutsinnut tikilluaqqusisarnissat misigisimatitsilluarnissallu. Aamma neqeroorutivut eqqartortaritit, qinnilinnik ikkussuillutit sukaterisutit imaluunniit inunnik isumaginninnermut allaffimmut saaffiginnissutissiissutit.

Allorfik Sermersooq sisamanik katsorsaasoqarpoq allatseqarlunilu. Sullissiviup Kommune Sermersuumi najugallit imigassamut, ikiaroornartumut aningaasanoorajunnermilu ajornartorsiutillit sullitarissavai kognitiv metode (qanoq pissuseqartarneq – ileqqoqartarneq) tunngavigalugu katsorsaaneq atorlugu. Sullissivik Pinngitsuuisinnaajunnaarnermut Paasisimasaqarfiup Nuummiittup ataani inissisimavoq, taanna nuna tamakkerlugu katsorsaanermi pilersaarut malillugu siunissami katsorsaanissamut atuutilertitsinermik suliaqarpoq.

Allatsitut/nutserisutut ilaatigut uku suliassaraatit

  • Allorfik Sermersuup avammut kiinnernerissavaatit
  • Innuttaasunik saaffiginnittunut katsorsaaneq pillugu sullissineq
  • Innuttaasunik suleqatigisatsinnullu qanimut attaveqarneq
  • Sullissiviup naatsorsuuserinermi sulianik aallussineq, sulinermi nalunaarsuineq allattorsimaffiutitsinnik isumaginninneq
  • Specialistinut sulisunullu sulianik nutserineq, nutsigassanillu annikitsunik nutserineq
  • Katsorsartinniartunik misissuinermi oqaloqatiginninneq il.il.

Allorfik Kujalleq pilersinneqqaqqaqqammermat suliassannut sunneeqataalluarsinnaavutit sulisuni aqutsisoq Pinngitsuuisinnaajunnaarnermilu Paasisimasaqarfik suleqatigalugit.

Naatsorsuutigaarput:

  • ammasuusutit inuttullu akuersaartuusutit
  • innuttaasut qitiutillugit sullissisoq
  • namminersorsinnaasoq allaffissornermilu nalinginnaangitsumik ingerlatsisoq
  • aaqqissuisinnaasoq
  • Iris atorlugu naatsorsuuserisinnaasoq – imaluunniit ilinnarusussusilik
  • F2 atorlugu journaliseeriisassaatit

Marluinnik oqaaseqartuussaatit, kalaallisut qallunaatullu.

Naatsorsuutigaarput allaffimmiutut tunngaviusumik imaluunniit saaffiginnittarfimmi sulinissamut ilinniagaqartuunissat. Ilinniakkat malillugit isumaqatigiissutit naapertorlugit atorfinitsinneqassaatit.

Atorfik pillugu apeqqutissaqaruit attavigissavat nakorsatut siunnersortaaneq, Allorfimmi ingerlatsisoq Birgit V. Niclasen oqarasuaat 346652, mail bivn@allorfik.gl immaqaluunniit immikkoortortami ningiuusumut Henni Kielsen oqarasuaat 345264, hela@allorfik.gl

 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk