Skip to main content
89

Dette jobopslag er udløbet

Allangarsiuteqqitaq - Atuagaatilerisoq Groenlandicami

Groenlandicami atuagaatilerisutut atorfik inuttassarsiuunneqarpoq. 1. december 2019 isumaqatigiissuteqarnikkulluunniit sulilersussamik.

Groenlandica Nunarput Inuilu Pillugit Atuagaateqarfik Nunatta Atuagaateqarfiata immikkoortortaraa. Ilimmarfimmi inissisimavoq Ilisimatusarfiullu atuagaateqarfia illoqatigalugu. Groenlandicami kulturikkut kingornussassanik katersineq, nalunaarsuineq tammatsaaliuinerlu suliarineqartarput.

Suliassat:

  • Nalunaarsuineq, katalogisering
  • Atugassanik pisiniartarneq
  • Nittartakkami inuillu attaveqatigiittarfiini aaqqissuisuuneq
  • Saqqummersitassanut aaqqissuussinernullu avammut nittarsaassineq
  • Paasissutissanik ujaasineq / misissuineq
  • Atuagaateqarfimmi atuagaatilerisut paarlakaallutik sullissisarnerannut ilaaneq

Naatsorsuutigaarput:

  • Atuagaatilerisutut bibliotekar, DB imaluunniit Cand.Scient.Bibl. ilinniarsimassasutit
  • Kiffartuussinissamut atuisunullu assigiinngitsunut sullissisinnaasutit
  • Katalogiseriinermik misilittagaqassasutit, suliassavit pingaarnerit ilagimmassuk
  • Nittartakkakkut inuillu attaveqaqatigiittarfiini Groenlandica nittarsaassinnaassagit
  • Oqaatsinik arlalinnik atuisinnaassasutit, kalaallisut oqalussinnaaneq iluaqutaasinnaavoq piumasaqaataanngilarli
  • Kalaallit kulturiannut soqutiginnittuussaatit inuiaqatigiillu akornanni suleqataarusussuseqarlutit
  • Cicero LMS imaluunniiit bibliotekssystemit allat misilittagaqarfigigitit


Sapaatip akunneranut 40 tiiminik sulineq

Paasissutissat allat 
Atorfik pillugu paasisaqarnerorusukkuit, Groenlandicami pisortaq Henriette Christensen, henriettec@katak.gl imaluunniit oqarasuaatikkut normu +299 36 23 90 attavigisinnaavat.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk