Skip to main content
95

Dette jobopslag er udløbet

Allagarsiuteqqitaq - SIUNNERSORTI Ineqarnermut Attaveqaqatigiinnermullu Naalakkersuisoqarfimmut (siunnersortimut imaluunniit siunnersortaanermut tapeqartitsisoqarsinnaavoq)

Piviusut isumaqatigiissutillu ataqatigiissinnissaat nuannaraajuk, aammalu ineriartortitsineq ataqatigiissaarinerlu pikkoriffigaagit? Taamaappat immaqa illit ujartorpatsigit!

Ineqarnermut Attaveqaqatigiinnermullu Naalakkersuisoqarfik, Namminersorlutik Oqartussat pigisaannut nalilinnut tamanut sillimmasiisarnermik isumagisaqartoq siunissami sillimmasiisarnermi aqutsinermut ingerlatsinermullu tunngavissanik patajaatsunik ineriartortitserusuppoq, taakkununngalu ilaapput; siunissami sillimmasiisarnermi akunnermuliuttumut akiliutissanik neqerooruteqartitsisarnissat, paasissutissanik, sillimmasiisarnermut pilersaarutit neqerooruteqartitsivigineqarnerinut atugassanik katersuisarneq aamma Namminersorlutik Oqartussani immikkoortortaqarfiit suleqatigalugit ineriartortitsineq.

Allatut oqaatigalugu tunngavissanik, siunissami ilaatigut Namminersorlutik Oqartussat sillimmasiisarnermut akunnermuliuttuat aamma sanaartornermut sillimmasiisarnermullu paasissutissanik katersivimmi ineriariartortitsisoq suleqatigalugit eqaatsumik aqutsinissamut qulakkeeriviusinnaasunik pilersitsisoqarniarpoq.
 
Immikkoortortaqarfimmi suleqatigiit imminnut qanillutik sulisuupput suliassanillu assigiinngitsorpassuarnik isumagisaqarlutik, taakkununngalu ilaatinneqarput Namminersorlutik Oqartussat illuutaannik aqutsinerup pingaarnerup isumagineqarnera, Namminersorlutik Oqartussat sillimmasiissutaat tamarmiusut isumagineqarnerat, inissianik illunillu pisinerit tunisinerillu, aammalu minnerunngitsumik immikkoortortaqarfiup suliassaasa iluanni inatsisit attuumassutillit. Tamatuma saniatigut ineqarnermi illuuteqarnermilu aningaasaliisarnermut aqutsissutinut akisussaaffeqarneq isumagineqarpoq.

Siunnersortitut pingaarnertut sillimmasiisarneq akisussaaffigissavat, kiisalu missingersuutit, naatsorsuutit suliassallu malinnaaffigisassat allat pillugit inissiaatileqatigiiffik INI A/S-ip ingerlaavartumik nakkutigineqarnera oqaloqatigineqarneralu akisussaaffigissallugu – taakkununngalu naalakkersuinikkut isummernissamut tunngavissianik suliaqarneq nalunaarusiortarnerlu ilaatinneqarput. Aamma Namminersorlutik Oqartussat inissiaataannut attartortittakkanut atatillugu suliniutinut suliassanulluunniit malinnaaneq atorfimmut ilaatinneqarput. Aamma allaffimmi pisortap peqannginnerani allaffimmi pisortatut suliassat isumagisarnissaat naatsorsuutigissavat.

Siunnersortip nutaap pingaartumik suliarisassavai:

  • Namminersorlutik Oqartussat sillimmasiissutinut paasissutissaasivissaanik aamma Namminersorlutik Oqartussat pigisaannik nalilinnik (sanaartukkat, illut, inissiaatit il.il.) ineriartortitsinermi suliassanik atuutsitsilertarneq ingerlaavartumillu nutarterisarneq
  • Namminersorlutik Oqartussat sillimmasiissutaannik ingerlaavartumik nakkutilliineq, taakkununnga aningaasaqarnermut paasissutissanik naatsorsuinermilu najoqqutarineqartunik – sillimmasiisarnermi akunnermuliuttoq suleqatigalugu – ingerlaavartumik malinnaaneq ilaatinneqarluni
  • Siunissami sillimmasiissutinut neqerooruteqartitsisarnerit kiisalu sillimmasiisarnermi akunnermuliuttup suliassaanik neqerooruteqartitsisarnerit suliarineqarnerini suleqataaneq
  • Isumaqatiginninniarnerit ingerlanneqarneri kiisalu Namminersorlutik Oqartussanut isumaqatigiissutissanut tunngavissanik qulakkeerineq


Namminersorlutik Oqartussat inummik imaalerusuttumik:
 

  • Suliassaqarfinni suliniutissanik misissueqqissaarnermi kisitsisinillu tunngaviusunik suliaqarnermi suleqataaneq
  • Pisariaqartillugu inissianik attartortittakkanik nakkutilliisussaatitaanerup suliarineqarnerani ikiuunneq
  • Sillimmasiisarnermi ineqarnermilu inatsisinik siunnersuusiornermut nutaanilluunniit suliniuteqarnermut atatillugu tunngavissanik misissueqqissaarnerit suleqataanerillu
  • Namminersorlutik Oqartussat inissiaataasa kommuninut tunniunneqarnissaannut piareersaanermi suleqataaneq
  • Aningaasanut inatsisissap suliarineqarneranut, oqaasertaliussat il.il. suliarineqarnerini ikiuunneq
  • Kiisalu Naalakkersuisoqarfiit akimorlugit suleqatigiissitanut suleqataaneq


Atorfimmut matumunnga qinnuteqartut ilinniartitaanikkut soorlu cand.oecon., cand.merc.jur. imaluunniit cand.polit. aamma/imaluunniit inuussutissarsiornermi atorfimmut naleqquttumik misilittagaqarneq tunuliaqutarissavaat (Qinnuteqartumut  eqqortunik piginnaanilimmut maleruagassat atuuttut naapertorlugit immikkut ittumik siunnersortimut imaluunniit siunnersortaanermut tapeqartitsisoqarsinnaavoq.)

Tamatuma saniatigut iluaqutaassaaq,

  • XAL aningaasaqarnermilluunniit aqutsissutit assingusut ilisimasaqarfigigukkit (ilinniartitsisoqarsinnaavoq),
  • excel-imut piginnaaneqarluaruit,
  • cBrain F2 ilisimaarigukku (ilinniartitsisoqarsinnaavoq),
  • suliatit paasisimaarisinnaagukkit aammalu suliassanik ataatsikkut amerlasuunik suliaqarsinnaaguit,
  • naapertuisuuguit, tatiginnillutit aammalu ulluinnarni ulapaarfiusuni naleqqussarnissamut piginnaaneqaruit, sulininnilu namminersorsinnaaguit,
  • Kalaallit Nunaanni Namminersorlutik Oqartussani naalakkersuinikkut allaffissornikkullu aalajangiisarnernik misilittagaqaruit ilisimasaqarlutillu iluaqutaassaaq


Atorfimmik pissanganartumik ilinnut neqerooruteqarpugut:

  • Naalakkersuisoqarfimmi naalakkersuinikkut aalajangiisarnerit qanillugit atorfik
  • Sullivimmi avatangiisit ammasut suleqatigiillu tunniusimasut, pingaartorsiorfiunngitsunik pissuseqartut
  • Inuttut suliatigullu unammilligassat pissanganartut, kiisalu assersuutigalugu sillimmasiisarnermi akunnermuliuttutut ilinniartitaanermi ilinniaqqinnissamut periarfissat
  • Suliffeqarfik, sulisut toqqissisimanissaannik ersarissumik pingaartitsiviusoq
  •  Atorfinnut atatillugu sulisunut inissiani inissaqartitsisoqarpoq


1. oktober 2019-imi imaluunniit isumaqatigiissuteqarnikkut piaartumik atorfinitsitsisoqassaaq.

Kalaallit Nunaanni Namminersorlutik Oqartussat atorfimmut inuttassarsiuinermi matumani Pointer A/S suleqatigaa. Taamaattumik Pointer A/S-imi pisortaq Inger Ingvardsen +45 29 36 86 36-imut imaluunnit e-mailikkut imi@pointersearch.dk attaveqarfigisinnaavat. Saaffiginnissutit suulluunniit isertuussiviusumik suliarineqartassapput.
q

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
Imaluunniit e-mailikkut imi@pointersearch.dk

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk