Skip to main content
122

Dette jobopslag er udløbet

Allagarsiuteqqitaq: Psykolog Nuuk

Allagarsiuteqqitaq: Tarnip pissusaanik ilisimasalimmik inuttassarsiuussineq. Nuna Tamakkerlugu Siunnersuisarfimmi. Nuummi inissisimasoq

Tarnip pissusaanik ilisimasalimmik ujarlerpugut atorfinitsitserusulluta. Kissaatigaarput aggustusip ulluisa aallaqqaataani 2021 atorfinitsitsinissaq, immaqaluunniit taassumap kingorna siusinnerpaamik. Ilinniartunut Siunnersuisarfik nuna tamakkerlugu tallimanik immikkoortortaqarfeqarpoq, 12-t missaani sulisoqarluni. Atorfik Nuummi inissisimavoq. Assigiinngittunik suliaqartut akornani suleqataassaatit, tarnip pissusaanik ilisimasallit, psykoterapeutit, isumaginninnermullu siunnersortit akornanni. Taakku siunnersuisarfinni tallimaasuni agguataarsimapput. Atorfillit tamarmik Nuna Tamakkerlugu Siunnersuisarfiup tarnit pissusaannut ilisimasalinnut ittuanut imaqarniliortarput.
Nuna Tamakkerlugu Ilinniartunut Siunnersuisarfik pisortaniit ingerlanneqarpoq. Ilinniartunullu akeqanngitsumik neqeroorutaalluni, taannalu Nuna Tamakkerlugu Ilitseruisarfimmit ingerlanneqarluni.

Suliassat
Sullississutigut maannakkut ineriartortinneqarput, sullitatsinnullu nalimmassarneqarlutik. Oqaloqatiginnittarnerup ingerlanneqarnerata saniatigut, pinaveersaartitsineq aamma eqqumaffigivarput, ilinniarfinnillu suleqateqarneq pilersipparput ineriartortillugulu.

Tarnip pissusaatut ilisimasalittut Ilinniartunut Siunnersuisarfimmi suliassavit pingaarnersarissavaa, ilinniartunut tarnikkut ajornartorsiutilinnut oqaloqateqartarnermik ingerlatsinissaq. Taassuma saniatigut sulinermut atatillugu angalanissaq periarfissaavoq, tassanilu Ilinniartunut Siunneruisarfik sinnerlugu, nunatta iluani sulisinnaassallutit. Taassuma saniatigut aamma periarfissaqarputit atorfinni suliavit sunniuteqaqataaffiginissaanut, sulianik nutaanik aallarnisaaqatallutit. Pingaarnertut anguniakkatsinnut ilinniartut ilinninakkaminnik unitsitsiinnartarnerat annikillisarniarlugu aammalu ilinniartut akornanni iluarisimaarinninnerup annertusarnissaanik suliaqarnermi.

Sullitagut tassaapput inuusuttut aamma inersimasut ilinniagaqarnermik ingerlatallit. Taamaammat iluaqutaassaaq ilinniarmut, inooqatigiinnermut- aamma peqqinnissaqarfiup ingerlaneranut ilisimasaqaruit.

Naatsorsuutigivarput:

  • Tarnip pissusaanik ilisimasalittut ilinniarsimassasutit, orniginassaaq tarnip pissusaanut ilisimasalittut sulinissannut allagartaqaruit, immaqaluunniit taassuma tigunissaanut ingerlataqaruit.
  • Inunnik ataasiakkaanik oqaluussinermik misilittagaqaruit.
  • Ilinniartitsinermik aamma saqqummiinermik misilittagaqarnissat.
  • Immikkoortortat akimorlugit suleqateqarnissannut piumassuseqarlutillu piginnaasaqartutit.
  • Unammillernarsinnaasunik suliaqarnissannut piumassuseqartutit aamma sulinermut atugassarititaasumut neqeroorummut nutaajusumut.
  • Suliassat agguataarnissaanut pikkoriffeqaruit.
  • IT atornissaa ilisimagukku.
  • Oqarasuaatit aamma internet atolugu siunnersuisinnaanermik ingerlataqarsinnaanneq.
  • Iluaqutaasorujussuussaaq kalaallisut, qallunaatut tuluttullu piginnaasaqaruit.

Tunniussinnaasagut:

  • Kalaallit Nunaanni ilinniarnerup tungaatigut annertuumik sunniuteqarneq.
  • Atorfik sulinermi aammalu inuttut peroriartornermi periarfissallik.
  • Suliffiup iluani avataanilu ilitsersorneqarnissamut ilinniaqqinnissamullu periarfissat pitsaasut.
  • Suliffeqarfik allanngorartoq.
  • Suleqatigiinneq pitsaalluinnartoq, suleqtillu pikkorissut aamma tunniusimasut.
     

Qinnuteqaat aamma killigititaq
Qulaani pineqartut soqutiginnilersippaatit? Paasissutissanillu annertunerusunik pisariaqartitsiguit Tarnip pissusaanik ilisimasallit ittuat attaviginissaanut tikilluaqqusaavutit, uunga:
Bjørn Noer tlf. +299 34 68 65 mail: bjno@aqqut.gl.
Qinnuteqaat Nuna Tamakkerlugu Ilitseruisarfimmi tigoreersimassavarput kingusinnerpaamik tallimanngorneq junip ulluisa 25-ani 2021.
Qinnuteqaat uunga nassiunneqassaaq nti@aqqut.gl  
 
Akissarsiat- aamma atorfininnermi atugassarititaasut
Atorfinitsitsineq akissarsianut isumaqatigiisummik aallaaveqarpoq. Atorfinitsinneqartoq atorfilittut sulisooreersimaguni taamannak atorfinitsinneqassaaq, aammalu atorfinitsitsinermi akisssarsiat taamaassallutik. Akissarsiaqarnermi- atorfinitsinneqarnermi atugassarititaasut iluaniipput atorfininnermi- soraarnermilu pigisat nutsersinnaaneri. Atorfininnermi Namminersorlutik Oqartussat aammalu suliffeqarfigisimasap akornani isumaqatigiissut atuutissaluni.
Naalagaafimmi atorfillit aamma AC-p ataani akissarsianut isumaqatigiissutillit, soorlu DJØF aamma Aningaasaqarnermi ministeriaqarfiup ataani inissisimasut pisinnaatitaaffeqarput sulinngikkallarnermi aningaasarsiaqartinneqarnissaminnut, Namminersorlutik Oqartussani atorfininnermut atatullugu. Naalagaafimmi pissutsinut ministereqarfiata innersuussutigaa kommunini aamma nunap immikkoortortaqarfiini qinnuteqartunut Namminersorlutik Oqartussani atorfininnermi akissarsiaqarluni sulinngiffeqarneq akuerissagaat. Sulinngiffeqarnermi akissarsiaqartitsinermut aalajangersaatit Namminersorlutik Oqartussani atorfinitsinneqartup aapparisanut/inooqatigisanut aamma atuuppoq.
Sulinerup sivisussusaa sapaatip akunneranut 40 tiiminik sivisussusilimmik aallaaveqarpoq.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk