Unamminarsinnaasunut isikkivinnullu nutaanut sapiissuseqarpit, taava atorfik pissangartoq ilinnut ilinniartitsisutut PI/SPS’imi Ilulissani neqeroorutigaarput. Kalaallit Nunaanni isumaginninnerup iluani allanngueqataanissamut peqataasinnaavutit. PI/SPS kisiartaalluni Kalaallit Nunanni perorsaanermik ilinniarfiuvoq, nunarsuarmi kangerluk iluliaqarfiusut annersaat kusanarnersaallu qanittuaniittoq, UNESCO’p kingornutatut allassimasuutigisaa.
Seminaria 300 missaani ilinniartoqarpoq, ilinniakkallu arfineq marluk ingerlanneqarput, ukuusut: isumaginninnnermi ikiortinngorniarneq, socialassistentinngorniarneq, bachelorimut sammivilimmik perorsaasunngorniarneq, najugaq qimannangu perorsaasunut ikiortinngorniarneq, ulluunerani meeqqanik ikiortinngorniarneq, siunnersuinermi ikiortinngorniarneq aammalu isumaginninnermi suliaqarfimmi siunnersortinngorniarneq. 40’nik sulisoqarpugut, 20’nillu ilinniartitsisoqarluta.

PI/SPS nuna tamakkerlugu pingaarutilinnik makkuninnga suliaqarpoq:

• Ulluunerani neqeroorutini ikiortinik perorsaasunik, socialassistentinik aammalu isumaginninnermi ikiortinik ilinniartitsineq
• Siunneruinermi ikiortitut isumaginninnermilu suliaqarnermi siunnersortitut piukkunnartunik iliaqqinnissaannut isumaginninneq
• Perorsaaanilerinerup iluani ilinniaqqinnerit pikkorissarnerillu
• Perorsaanilerineq toqqammavigalugu suliamut ilinniarnermullu tunngasumik

ineriartortitsiuarneq.

Inuiaqatigiilerinermut tunngasunik ilinniartitsisinnaasumik pissarsiorpugut, ilinniartitaanernut marluusunut ataqatigiissaarisinnaasumik:

• Inuussutissarsiornerup iluani ilinniagaq Siunnersuinermi ikiortitut
• Ilinniagartuutut ilinniagaq Isumaginninnermi suliaqarfimmi siunnersorti.

Ilinniartitsisumik eqaatsumik ineriartortitserusuttumillu pissarsiorpugut, perorsaanermik suliassaqarfiup iluani pimoorussinermi saniatigut suleqammik suleqatiginnikkusuttumik, avatangiisiminik inussiarnersumik suliassaminullu ajunngitsumik suleriaaseqarluni naapitserusuttumik. PI/SPS-ip qitiusumik immikkoortortaqarfiani Ilulissani atorfeqassaatit, ilinniartitaanerup sinaakkutilersorsimaneqarnerisa iluani ilinniarnerullu iluani suliassanik ataqatigiissaarissaatit. Naatsorsuutigissavat sulinermut atatillugu angalanerit pisassammata, ilinniartitaanermi modulit sumi ingerlanneqassanersut apeqqutaallutik.
PI/SPS-imi ilinniartitsisoqatigiinnut ilaassaatit, Kalaallit Nunaanni perorsaanermik suliassaqarfimmi allannguinernut sunniuteqaqataanissamik Seminariap takorluugaanut naapertuuttumik, ilinniartitsinerit sunniuteqarfiginissaannut ineriartortitseqataaffiginissaanullu periarfissaqassallutit. Ataqatigiissaarisutut aamma periarfissaqarputit ilinniartitsinermi sunniuteqarsinnaagavit ineriartortitsillutit Seminariap takorluungaa malillugu, Kalaallit Nunaat tamaat inuiaqatigiinni perorsaanilerinermilu tunniusseqataallutit allanngueqataallutillu.
Atorfimmut aamma pikkorissaanerup ilinniaqqittarnerullu suliassaqarfiit iluanni Kalaallit Nunaat tamakkerlugu ilinniartitsinikkut suliassat ingerlatallu assigiinngitsut naatsorsuutigineqarsinnaapput.

Kissaatigaarput

• Isumaginninnermi ikiortitut bacheloritut naammassisimanissat, taassumalu kingorna masteritut- imaluunniit kandidatitut
• Inulerinerup iluani siunnersuinermi suliaqarneq sulilluni misilittagaqarfigissagit
• Inersimasunut inuusuttunulluunniit atuartitsinermik kajumissuseqassasutit misilittagaqarlutillu
• Kalaallinut inuiaqatigiinnut assigiinngitsunut misilittagaqassasutit ilisimasaqarlutilluunniit   
• Kulturikkut suliniutinut assigiinngitsunut eqqummaarissasutit
• Atuartitsinerit akisussaaffigissavat ilinniartitaanermullu ataqatigiillutik ineriartortinneqassapput
• Suliat akimorlugit suleqatigiinnerit nukittorsaataasoq takusinnaassavat
• Suleqatitut akuersaartuullutit, tatiginnillutit akisussaasuseqassasutit
• Kalaallisut oqaaseqartutit – ilinniartitsinerit kalaallisut ingerlanneqartussaammata

Paasissutissat sukumiinerusut Immikkoortortami aqutsisoq Benedikte Petersen Løvstrøm imal. Tullersorti Marianne Nissen oqarasuaat +299 38 35 50, e-mail: allaffik@pi.sps.gl

Atorfik septemberip aallaqqaataani 2022 tamatumaluunniit kingornatigut piaarnerpaamik inuttalerneqarnissaa kissaatigineqarpoq.

Qinnuteqarfissaq kingulleq tassaavoq augustip 22-at nal. 8:00 (Kalaallit nunaanni kitaata nalunaaqutaa malillugu).

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.     Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk