Skip to main content
142

Dette jobopslag er udløbet

ALLAGARSIUTEQQITAQ Marlunnik pikkorissunik TAMU kantine-mi suleqatissarsiorpugut

Nutaanik pilersitsisinnaassuseqartumik pikkorissumillu peqqissusermik isiginiagaqartumik Namminersorlutik Oqartussat kantiinaanut TAMU-mut sulisussasiorpugut.

Suleqatigiinnut nutaanut peqqinnissamik sammisaqartumik inuttullu malunniuteqarnissamut periarfissaqarluarlutit ilaarusuppit, taava Namminersorlutik Oqartussat kantiinaani inunnik marlunnik piaartumik atorfinissinnaasunik sulisussarsiorpugut. Suliamut naleqquttumik igasutut, nerisassanik tunioraasutut kantiinamilu ikiortitut, imaluunniit inuussutissalerinermut ikiortitut ilinniagaqarsimasutit.
Qaffasissumik pitsaassuseqartunik peqqinnartunik nerisassiorsinnaasunik marlunnik suleqatissarsiorpugut. Peqatigisaanik nutaanik nerisassiornermut najoqqutassianik misiliinissamut piumassuseqarpit, aammalu nerisassat allattorfiannik katiterinissamut peqataarusukkuit periarfissaqalissaatit inuttut assassorlutit suliavit takutinnissaanut periarfissaqarluassaatit ulluinnarnilu namminiussuseqartumik sunniuteqarlutit. Suleqatigiinnut allanngornissamut piareersimasunut ingerlaavartumik peqqinnartunut najoqqutassiamik ineriartortitsinermik ukkataqartunut ilanngutissaatit.

Piffissaq suliffiusoq ullukkoorpoq aamma unnukkut imaluunniit sapaatip akunnerisa naanerineri sulisoqarneq ajorluni.

Suliarisartagassatit:

  • Kantiinap ullaakkorsiutinik, ullup qeqqanut, akornatigullu nerisassanik sassaalliutit aammalu nerisassanut piariikkanut annissassanut kiisalu ataatsimiinnernik aaqqissuussinerni il. il. nerisassanik allanngorartunik illinnartunillu sassaallertarnissaq  pingaarnertut suliassarissavatit.
  • Sukkortunut inunnullu immuup sukkuanik akulinnut qajuusiassallu proteiniinut sapigalinnut sammisunik nerisassanik illinnartunik tunniussisinnaassaatit
  • Kantiinap atuisorpassuisa nerisassiat sorliit kajungerinerussaneraat pillugu isumassarsianik pilersitsisarneq siunnersueqatigisaqartarnerlu.

Naatsorsuutigaarput illit:

  • Nammineertoq, nutaanik pilersitsisinnaassaatit pikkorillutit silatussaartuullutillu.
  • Suleqatiginnikkusuttuuvutit, suliniuteqarumatuujullutit kiisalu akisussaassuseqarluarlutit, suliavillu naammassinissaasa tungaanut malinnaavigisassallugit.
  • Suliartortuaannartuullutit takujuminartuullutillu
  • Naleqquttumik suliamik ilinniagaqarsimasutit igasutut, igaffimmi ningiutut, nerisassanik tunioraasutut kantiinamilu ikiortitut, imaluunniit inuussutissalerinermut ikiortitut.
  • Naleqquttumik misilittagalik – sulisut kantiinaannit ullormullu nerisassanik nerisassiornermik.
  • Igaffimmi eqqiluisaarnermik aqutsisinnaassallutit.
  • Iluaqutaassaqaaq kalaallisut danskisullu oqallorikkuit.

Neqeroorutigaavut:

  • Suliffik pissanganartoq akisussaassuseqarfiusorlu
  • Suleqatigiinnut nutaanik pilersitsisinnaasunut ilanngunnissat, utertitsivigeqatigiinnerlu qitiutillugu isumassarsiamiit piviusunngortitsinermut sivikitsumik sulisinnaassallutit.
  • Suliffeqarfik pitsaasunik avatangiisilik, immitsinnut mianeraluta ataasiakkaarluta peqqilluta atugarissaarnermillu pingaartitsisorujuulluta.
  • Suliffeqarfik nutaaq pissanganartunillu avatangiisigissaartoq
  • Iluatsitsilluarnermut peqataalernissaq
  • Sapaatip akunneranut akunnerit 40-it suliffiusarput, unnukkut akunnerullu naaneri sulinngiffiusarlutik.
  • Suleqatigiinnut sisamaasunut ilanngutissaatit
  • Isumaqatigiissutit atuuttut naapertorlugit aningaasarsiaqarnermi atorfeqartitaanermilu atugassarititat.


Kantiina pillugu:
Kantiina TAMU, Namminersorlutik Oqartussani sulisunut, kiisalu Naalagaaffiup politiivini Naalagaaffiullu Sinniisoqarfiani atorfilinnut inniminnigaavoq ulluinnarnilu atuisut 150-it sullittarlugit. Kantiina nutarteqqammerpoq ammaqqinneqarporlu nutaamik pissanganartumik peqqinnerulernissamut siuarsaatitalimmik nammineq nerisassianik tigooqqaaffilerlugu.
TAMU-p ulluinnarni piffissami 7.30 – 13.30 neqeroorutigai ullaakkorsiutit, ullup qeqqani nerisassat, akorniinnakkut nerisassat, nerisassallu piariikkat annissassat.

TAMU nerisassat qaffasissumik pitsaassusillit sassaalliutigisarpai kiisalu kantiinamut neriartortartut assigiinngisitaartunik pitsaasunik misigisaqartittassallugit. Nerisassanik mamarluartunik nererusussuseqalersitsisartunik, peqqinnartunik toqqaanissamut kajumilersitsinikkut tamanna qulakkeerneqartarpoq. Nerisassat tunisassiassanit nutaarluinnarneersuussapput inuussutissaqarnermikkut qaffasissumik pitsaassusillit ukiullu qanoq ilinerani tunisassiarineqartartut malillugit neriassiarineqartarlutik. Nerisassiorneq avatangiisit eqqarsaatigalugit akisussaassuseqartumik suliaassaaq nerisanik igitsisarneq annikillisinneqarsimassalluni kalaallillu neriassaataannik atuiffiussalluni.

TAMU nerisassanut peqqinnartunut politikkeqarpoq, atuisunik  immuup sukkuanik akulinnut qajuusiassallu proteiniinik sapigallit isiginiarneqassapput.

Attaveqarneq aamma qinnuteqarneq
Atorfik pillugu apeqqutissaqaruit, igaffiup pisortaa Charlotte Efraimsen saaffigissallugu tikilluaqquneqarputit ugguuna oqarasuaat 34 67 05 immaqaluunniit emailikkut Chef@nanoq.gl. Kalaallit Nunaanni Namminersorlutik Oqartussat pillugit paasissutissat nalinginnaasut pissarsiarineqarsinnaapput nittartakkakkut www.naalakkersuisut.gl.
Qinnuteqaat nalunaaqutserneqassaaq ”TAMU-mi sulisoq”, ilanngunneqassappullu CV, ilinniarsimanermut uppernarsaat, karakteerit assilineri kiisalu ilanngussassat suliffimmut attuumassuteqartut allat.
Sisamanngorneq Ulloq 13. december 2022 qinnuteqarnissamut killiliunneqarpoq. Atorfimmut tunngatillugu oqaloqatigiinnerit ingerlaavartumik ingerlanneqassapput. Atorfik www.naalakkersuisut.gl aqqutigalugu suliffissat ataanni qinnutigineqassaaq.
Akissarsianut atorfeqarnermilu atugassarititaasut Akissarsiat atorfeqarnermilu atugassarititaasut, taakkununnga ilaallutik atorfininnermi soraarnermilu angalanissamut kiisalu pisattat nassiunneqarnerini aalajangersakkat aallaavigalugit Namminersorlutik Oqartussat sulilertussallu kattuffiata isumaqatiginninniarsinnaatitaasup akornanni isumaqatigiissutit naapertorlugit pissapput.

Inissiaq
Atorfimmut atatillugu sulisunut inissiamik innersuussisoqanngilaq. Qinnuteqartorli Namminersorlutik Oqartussani atorfeqarnini aqqutigalugu sulisutut ineqareersimaguni sulisunut inissiamik innersuussiffigineqarsinnaanini pigiinnassavaa. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Naalakkersuisut pillugit                                                                                                 Suliassanik unammillernartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq.
Annertuumik akisussaaffeqarsinnaasutit naatsorsuutigaarput aammalu suliamut tunngatillugu sulisutut piginnaasaqarnissaq, pissutsinut misissueqqissaarneq kiisalu allanngornernut piareersimajuarneq pingaartitarilluinnarpavut. Tamakku saniatigut ulluinnarni suliassannik ilusilersuisinnaanerit ataatsimoortumillu takunnissinnaanerit pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Naalakkersuisut aalajangernissaannut tutsuiginartumik tunngavissinnissaat kiisalu politikikkut aalajangikkat piviusunngortinnissaat Qitiusumik Allattoqarfiup suliassaraa.

Namminersorlutik Oqartussat pillugit annertunerusumik uani atuarsinnaavutit www.naalakkersuisut.gl/job
 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk