Skip to main content
100

Allagarsiuteqqitaq - Ineqarnermut Attaveqaqatigiinnermullu Naalakkersuisoqarfik Ineqarnermut Illuuteqarnermullu Immikkoortortaqarfimmi AC-fuldmægtigimik pissarsiorpoq

Immikkoortortaqarfimmi mikisunnguamiippugut, uatsinnut qanilluta suleqatigiilluta aammalu suliassanik assigiinngitsorpassuarnik suliaqarluta, taakkununngalu Namminersorlutik Oqartussat illuutaanni aqutsinerup pingaarnerup isumagineqarnera, Namminersorlutik Oqartussat sillimmasiissutaasa ataatsimoortut isumagineqarneri, inissianik illunillu pisinerit tunisinerillu, kiisalu ineqarnermi inatsisit attuumassutillit ilaatinneqarlutik. Aammattaaq ineqarnermi illuuteqarnermilu aningaasaliissutinik aqutsineq akisussaaffigaarput.

Maannarpiaq ineqarnermut pilersaarutit ataatsimoortut annertuut ingerlappagut, taakkunanilu naalakkersuisoqarfiit akimorlugit suliani suleqatigiissitat arfineq marluupput. Tamatumani misissueqqissaarnermut tunngavissat, Namminersorlutik Oqartussat inissiaataasa kommuninut tunniunneqarnissaannut atugassat qulakkeerniarneqarput. Suliamut tassunga akuutinneqarnissat naatsorsuutigissavat.

AC-fuldmægtigimik assigiinngitsorpassuarnik suliaqarnermik nuannarisalimmik pissarsiorpugut
Inuttut tamatigoortuunissat aammalu suliassanik assigiinngiiaartunik angisuunik taamatullu mikisunik suliaqarnissamik nuannarisaqarnissat naatsorsuutigaarput.

Suliassatut pingaarnertut Namminersorlutik Oqartussani illuuteqarnermik suliassaqarfik, tassungalu illuutinik pisisarnerit tunisisarnerillu, sillimmasiisarnermi akunnermuliuttunut, kiisalu Namminersorlutik Oqartussani immikkoortortani atuisunut ataqatigiissaarisarneq ingerlaavartumillu malinnaasarneq attaveqartarnerlu ilangullugit isumagissavatit. Taamatuttaaq inatsisinut nutaanut suliniutissanut, pingaartumik inissianik kommuninut tunniussinermut atatillugu suleqataanissat kissaatigisorujussuuarput.

Suliassat tassaapput:

  • Namminersorlutik Oqartussani immikkoortortaqarfiit tamaasa sullillugit illuutinik pisinernik tunisinernillu isumaginnittarnerit.
  • Sillimmasiisarnermi internetikkut atuisunut attaveqaqatigiiffimmik ineriartortitsinermi suleqataaneq.
  • Sulianut annerusunut atatillugu naalakkersuisoqarfiit akimorlugit suleqatigiissitani suleqataaneq.
  • Naalakkersuisunut Inatsisartunullu naalakkersuinikkut akissuteqaatinik suliaqarnerit.
  • Ineqarnermut politikkikkut malitassanik ineriartortitsinermi atuutsitsilernermilu suleqataaneq.
  • Namminersorlutik Oqartussani immikkoortortaqarfinnut kommuninullu paasissutissiissutinik ilitsersuutinillu suliaqarneq.
  • Isumasioqatigiinnernut qaammarsaaviusunut, kommuninut aamma Namminersorlutik Oqartussani immikkoortortanut sammitinneqartunut pilersaarusiortarneq peqataasarnerlu.
  • Namminersortut taamatullu pisortat saaffiginnissutaannut akissuteqartarneq, taakkununnga tusarniaanerit ilaatinneqarlutik.


Naatsorsuutigaarput, ilinniagartuutut attuumassutilimmik ilinniagaqarsimassasutit, aammalu namminersorlutit, tamatumalu peqatigisaanik suleqateqarlutit isumagissaarlutillu sulisinnaassasutit. Misissueqqissaarneq ataqatigiissaarinerlu pikkoriffigigukkit, aammalu inatsisit tunngavigalugit nassuiaasinnaaneq misilittagaqarfigigukku iluaqutaassaaq, tamannali piumasaqaataanngilaq ilinniartitsisoqartussaammat. 

Aamma iluaqutaassaaq - piumasaqaataananili:

  • XAL aningaasaqarnermilluunniit aqutsissutit assingusut ilisimasaqarfigigukkit (ilinniartitsisoqarsinnaavoq),
  • excel-imik atuinissamik sungiussisimaguit, (ilinniartitsisoqarsinnaavoq imaluunniit pikkorissartoqarsinnaavoq)
  • cBrain F2 ilisimaarigukku (ilinniartitsisoqassaaq),
  • suliatit paasisimaarisinnaagukkit aammalu suliassanik ataatsikkut amerlasuunik suliaqarsinnaaguit,
  • naapertuisuuguit,  tatiginnittuuguit aammalu ulluinnarni ulapaarfiusuni naleqqussarnissamut piginnaaneqaruit,
  • namminersorlutit sulisinnaaneq nuannarigukku,
  • Kalaallit Nunaanni Namminersorlutik Oqartussani naalakkersuinikkut allaffissornikkullu aalajangiisarnernik misilittagaqaruit ilisimasaqarlutillu.


Neqeroorutigaavut:

  • Naalakkersuisoqarfimmi, naalakkersuinikkut aalajangiisarnerit qanillugit sulineq.
  • Sullivimmi avatangiisit ammasut suleqatigiillu tunniusimasut, pingaartorsiorfiunngitsumik pissuseqartut.
  • Inuttut suliatigullu unammilligassat pissanganartut, kiisalu assersuutigalugu sillimmasiisarnermi akunnermuliuttutut ilinniartitaanermi ilinniaqqinnissamut periarfissat.
  • Suliffeqarfik sulisut toqqissisimanissaannik ersarissumik pingaartitsiviusoq


1. oktober 2019-imi imaluunniit isumaqatigiissuteqarnikkut piaartumik atorfinitsitsisoqassaaq.

Paasissutissat amerlanerusut
Atorfik pillugu annertunerusumik paasisaqarusukkuit Immikkoortortaqarfimmi pisortaq Jeanette Holding telefon 345446 imaluunniit e-mail jeah@nanoq.gl aqqutigalugit, imaluunniit Allaffimmi pisortaq Ane Marie Sakariasen telefon 34 54 35 eller e-mail amsa@nanoq.gl aqqutigalugit attaveqarfigisinnaavatit.

Qinnuteqaat
Qinnuteqarnissamut 29. august 2019 killigitinneqarpoq. Atorfinitsitsinissamut atatillugu oqaloqatiginninnerit sap. ak. 35-mi ingerlanneqarnissaat naatsorsuutigineqarpoq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk