Skip to main content
76

ALLAGARSIUTEQQITAQ - Immikkoortortami aqutsisoq

Allagarsiuteqqitaq Angerlarsimaffik Uulineq ataatsimik immikkoortortami aqutsisussarsiorpoq.
Uulineq ulloq unnuarlu paaqqinnittarfiuvoq pingasunik immikkoortortalik. Ulloq unnuarlu paaqqinniffiuvoq meeqqanik, inuusuttuaqqanik inersimasunillu autistertunit Autisme Spektrum Forstyrrelser (ASF) -ertunit najugaqarfiulluni. Najugaqartumut ataatsimut najugaqarfiusumi immikkoortortami aqutsisussarsiorpugut.
Immikkoortortaq Uulineq aqutsisussamik amigaateqarpoq, aqutsisussallu suliassaasa ilagai aqutsinermut ataqatigiissaarinermullu tunngasut, ulluinnarnilu immikkoortortaqarfimmi suliassani akuusassalluni. Nakkutilliinerit nikerartut takkussinnaasassapput.
Immikkoortortaqarfinni pisortamut saaffiginnittassaatit, aqutseqatigiinnilu forstander -iusumut aqutsisunullu pingasuusunut ilaassallutit.
Immikkoortortaqarfinni ineriartornermut sunniuteqarnissannut, inuttut sulianullu ineriartornermut tunngasunut periarfissaqarluassaatit. Nunatsinni autisme -mut tunngasunik ineriartuutissanut suliniutit arlallit ineriartortillugit aallartinnikuuagut.
Qinnuteqartup suliamut tunngasunik piginnaasai tunuliaqutaalu:

  • Perorsaasumik/isumaginninnermi siunnersorti assingusuanilluunniit naammassinnissimanissaq.
  • Specialpædagogik -ip iluani sulerusussuseq.
  • Qarasaasiamik atuisinnaaneq.
  • Akunnermiliulluni sullissisinnaaneq attaveqarluarsinnaanerlu.
  • Tarnikkut timikkullu sulisinnaanerup pingaartinnissaa.
  • Nutaanik pilersitsisinnaaneq, allatullu aaqqeeriarsinnaanermut piginnasaq.
  • Oqaluttariarsornermut allattariarsornermullu piginnaasaqarluarneq.
  • Tamakkiisumik isiginnissinnaaneq, allannguisinnaanermullu piareersimalluarneq.
  • Suleqateqarluarnissanut arlaqarsinnaasunut piginnaasaqarneq.

Qinnuteqaat ilinniaqarsimanermik uppernarsaatinik imalik, siusinnerusukkullu suliaqarsimanernik imalik uunga nassiunneqassapput:
Uuanga:  https://naalakkersuisut.gl/kl-GL/Naalakkersuisut/Job/Ledige-stillinger
Sukumiinerusumik paasissutissanik pissarsiniaraanni uunga saaffiginnittoqarsinnaavoq:
Pisortaq tlf. +299 342610 / 529691 mail: uulineq@uulineq.com  imaluunniit hjemmeside -put www.uulineq.com (ajuusaarnartumilli nutarterneqanngilaq).

Atorfinitsinneqarnissaq: 16. december 2019 imaluuniit isumaqatigiissuteqarnikkut.
Atorfininnissamut oqaloqatiginninnissaq sap. ak. 50-mi pinissaanut naatsorsuutigineqarpoq. Qinnuteqartunut naliliinerup ataavarnissaanut pisinnaatippugut.

Angerlarsimaffik Uulineq
Uulineq 2, Postboks 7121, 3900 Nuuk, Grønland
Tel. +299 34 26 11 · Mob. +299 55 91 93 · E-mail: uulineq@uulineq.com
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk