Skip to main content
149

Dette jobopslag er udløbet

ALLAGARSIUTEQQITAQ Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmi departementschef

Namminersorlutik Oqartussat misilittagartuumik pisortassarsiorpoq Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmut.
Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfiup suliassarpassuaqarfiuvoq, Naalakkersuisumik kiffartuussinermit Naalakkersuisoqarfimmi aqutsi-nermut tamakkiisumut. Ataatsimut isigalugu pisortaqarfiup sulissutigivaa inuiaqatigiinni ilinniaga-qarsimassutsip qaffassarnissaa, ilisimatusarnermi periarfissat pitsanngorsarnissaat, kulturikkut nu-kittorsaaneq, kiisalu innuttaasut inuillu ataasiakkaat inuunermikkut ilorlikkut nukittullutillu pit-saasumik inuuneqarnissaat, ilaatigut timersorneq oqaluffillu aqqutigalugit. Ilinniartitaaneq, atuar-feqarneq ilanngullugu, naalakkersuinermi pingaartinneqartorujussuupput, pingaaruteqarluinnarpor-lu meeqqat inuusuttullu atuarfimmiit ilinniagaqarlutik ingerlaqqittarnissaat.
Pisortaqarfik maannakkut 40-nik sulisoqarpoq, immikkoortortaqarfinni sisamaasuni: Ilinniartitaa-nermut ilisimatusarnermullu immikkoortortaq; kulturimut ilageeqarnermullu immikkoortortaq; inatsisit, aningaasaqarneq ilinniartunillu kiffartuussineq pillugit immikkoortortaq, kiisalu sisamaat-tut ilinniartuunersiutisiaqarneq ilinniartullu ineqarfiinik aqutsineq pillugit immikkoortortaq Nuum-miittoq.
Taamatuttaaq Ilinniartitaanermut Aqutsisoqarfik Naalakkersuisoqarfiup ataaniippoq. Ilinniartitaa-nermut Aqutsisoqarfik 47-nik sulisoqarpoq, pingaartumik meeqqat atuarfii, efterskolet, højskolit, napparsimavinni atuartitsineq atuarfiillu nerisaqarfiutigisut immikkut ittut nakkutigisaralugit. Ilinniartitaanermi Aqutsisoqarfimmi pisortaq toqqaannartumik departementschef-imut attaveqar-poq.
Naalakkersuisoqarfiup akisussaaffeqarfiani kisitsisit atorlugit paasissutissat Inatsisartunut Naalak-kersuisunullu atugassat eqqortumik tunngaveqarnissaat qulakkeertussaavaa.
Naalakkersuisoqarfiuttaaq ulluinnarni allaffissornikkut aqutarai ilinniartitaaneq pillugu EU-miit aningaasaliissutaasut, taakkulu qanoq atorneqarneri pillugit nalunaarusiorneq Inatsisartunut EU-mullu.

Akisussaaffik:
Naalakkersuisunut siunnersuinerup kiffartuussinerullu qaffasittumik pitsaassuseqarnissaa Departe-mentschef-ip suliassaraa pisortaqarfimmilu ulluinnarni aqutsineq, pisortaqarfimmi pisortaqatini peqatigalugit pisussaaffigalugu.
Allaffissuaqarfimmi aqutsisoqatigiinnut Departementschefi ilaavoq.

Departementschef-ip aamma akisussaaffigai:

  • Siunnerfilimmik angusaqarumallunilu naalakkersuinermi aqutsisut aalajangiinissamut tunnga-vissaannik suliaqarsinnaassuseqarneq naalakkersuinikkullu aalajangikkanik piviusunngortitsisin-naassuseqarneq
  • Naalakkersuisoqarfiup suliaanik naammassinninniarnermi naalakkersuisoqarfinnik, aqutsisoqar-finnik suliffeqarfinnillu il.il. attaveqarnermi ataqatigiissaarisinnaaneq, tamakkununngalu pitsaasumik suleqatiginnissinnaaneq pillugu ikummarissaasuusinnaaneq  
  • Allaffissornermi najoqqutassanik, periutsinik pitsaassutsimillu piumasaqaatinik atortuulersitsisinnaaneq
  • Pisortaqarfimmi aqutsineq, ilanngullugit:
  • Aaqqissuussaanermik sulisoqarnikkullu ineriartortitsineq pitsaasumillu erseqqis-sumillu attaveqaqatigiinnerup tungaatigut piginnaasanik ineriartortitsineq
  • Suliassat pillugit sulisutigullu isumalluutit pillugit atuilluarsinnaaneq pilersaaru-siorluarsinnaanerlu

Naatsorsuutigaarput:

  • Suliamut pineqartumut naleqquttumik ilinniagaqarsimanissaq, soorlu kandidatitut taamaaqataa-nilluunniit, naalakkersuisoqarfiullu suliassaqarfiinik suliassatigut ilisimasaqarnissaq
  • Sulisunik siulersuinermi misilittagaqarnissaq aqutsilluarsinnaanermilu piginnaasaqarnissaq, asser-suutigalugu suliffeqarfinni politikkikkut aqunneqartunit
  • Kalaallit, qallunaat tuluillu oqaasiinik atuilluarsinnaanissaq
  • Kalaallit Nunaanni ilinniartitaaneq inuiaqatigiillu pillugit ilisimasaqarluarnissaq
  • Naalakkersuinerup iluani aalajangigassanik pilersaarusiortarneq pillugu ilisimasaqarnissaq, Namminersorlutillu Oqartussat iluani inatsisiliortarnerup qanoq ingerlariaaseqartarneranik ilisimasaqarnissaq, ilanngullugu Naalakkersuisut Inatisartullu akornanni suleqatigiinneq ilan-ngullugu
  • Nalilersuisinnaassuseqarlunilu tamakkiisumik takunnissinnaassuseqarnissaq
  • Pingaarnersiuilluni periusissiorlunilu aalajangikkanik atortuulersitsisinnaallunilu angusanik pilersitsisinnaassuseqarnissaq  
  • Illup iluani illullu avataani suleqatinik peqataatitsilluarsinnaanissaq naalakkersuisoqarfiup sulias-saqarfiisa pingaarnerpaat pinasuartumik isumagineqarnerini  
  • Aqutsilluarsinnaaneq, ataqatigiissaarisinnaaneq suliniutillu angisuut piviusunngortinniarnerini qulakkeerinnissinnaassuseqarnissaq,
  • Attaveqaqateqarnermut suleqateqarnissamullu piginnaasaqarluarnissaq
  • Pisortaqarfiup immikkoortuinik ataatsimuulersitsisinnaassuseqarnissaq
  • Maligassaqqissutut pissuseqarsinnaanissaq, ilisimaaralugu oqaatsitit, iliuutsitit aqutseriaatsillu aqutsisoqarfimmi tamarmi pissuseqarnermut sunniuteqarsinnaanera

Namminersornerullutik oqartussat pisortanut malittarisassaat uani takukkit:
https://naalakkersuisut.gl/departementer/formandens_departement/ledelsesgrundlag?sc_lang=kl-gl

Attaveqarneq
Departementschefi Ilinniartitaanermut, Kultureqarnermut, Timersornermut Ilageeqarnermullu Naalakkersuisumut attaveqarpoq, Naalakkersuisut politikkikkut naalakkersuisoqarfimmi susassa-qarfiisa iluini anguniagaasa piviusunngortinneqarnissaat eqqarsaatigalugit, kiisalu naalakkersuiso-qarfimmi suliamut tunngatillugu aqutsineq ingerlatsinerlu eqqarsaatigalugit. Apeqqutini naalak-kersuisoqarfimmi suliassanik isumaginninnermi naalakkersuisoqarfinnik allanik allaffissornermi najoqqutassallu eqqarsaatigalugit attaveqarnermi departementschefi Naalakkersuisut Siulittaasuata pisortaqarfiani departementschef-imut attaveqartarpoq.

Akissarsiat atorfeqarnermilu atugassarititaasut
Akissarsiat aalajangersimasumik tapit ilanngullugit, kiisalu ukiunut sisamanut atorfininnermi tapeq ilanngullugu 1. april 2022 aallaavigalugu annertussuseqarput kr. 90.821 qaammammut, ukiumullu kr. 1.089.852 soraarnerussutisiassanut nammineq akiliutaasussaq ilanngunnagu.
 
Ukiunut sisamanut atuuttussamik atorfinitsitsisoqassaaq, isumaqatigiissuteqarneq tunngavigalugu. Atorfinittussaq tjenestemand-itut atorfeqareersimappat Kalaallit Nunaanni pisortat suliffeqarfiu-taanni tjenestemand-eqarneq pillugu inatsisit tunngavigalugit aamma atorfinitsitsisoqarsinnaavoq.

Aallaaviusumik sapaatip akunnerani suliffiuvoq akunnerit 40-t, taamaattorli atorfimmi qanoq sivi-sutigisumik sulisinnaaneq pillugu aalajangersagaqanngilaq, qaangiuttoornermusiaqartitsisoqarnerlu atuulluni, soorlu aamma ullunut sulinngiffeqarnissaanut annaasaqaatisiaqartitsisoqartarani.


Akissarsiatigut aamma atorfeqartitaanermi atugassarititaasut, taakkununga ilanngullugit atorfinikkiartorluni soraarlunilu angalasinnaatitaanermut aamma pequtit nuunneqarsinnaanerat akiliunneqartarneq, Namminersorlutik Oqartussat aamma pineqartup kattuffiata isumaqatiginninniarsinnaatitaasup akornanni atorfinitsitaanermi piffissami atuuttumi isumaqatigiissutaasa/sulisunut isumaqatigiissutaat naapertorlugit ingerlanneqartarput.

Ineqarneq
Atorfimmut atatillugu inissaqartitsisoqanngilaq. Qinnuteqartoq Namminersorlutik Oqartussani atorfeqarnerminut atatillugu ineqarsimappat, inissamik innersuunneqarsinnaatitaaneq pigiinnar-neqassaaq. Atorfeqarnermut atatillugu ineqartitaaneq atorfeqarnerup nalaani atuuppoq, soraarnermi iperarneqartussaalluni.

Paasissutissanik annerusumik perusukkuit, qinnuteqarfissaq kingulleq il.il.:
Aaqqissuussaaneq pillugu naalakkersuisoqarfiullu suliassaqarfii pillugit annertunerusumik allaaserisat uani takuneqarsinnaapput: www.naalakkersuisut.gl.
Atorfinitsitsiniarneq jobs.gl aqqutigalugu ingerlanneqarpoq. Piukkunnartorsiuinermi piukkunneqar-tut misilitsinnissartik naatsorsuutigissavaat.
Atorfik pillugu paasiniaaffigineqarsinnaavoq departementschef Hans-Peder Barlach Christensen hape@nanoq.gl atorlugu. Piukkunnartorsiuinerup ingerlarnga pillugu attavigineqarsinnaavoq Managing Partner Jan Mørch Pedersen jan@jobs.gl-imut imlt. Oqarasuaat +299 538 708 imlt. +45 5431 0600-imut.

Qinnuteqaat, CV, ilinniagaqarnermut uppernarsaatit, paasissutissallu allat pisariaqarsorisat ilanngul-lugit nassiunneqassapput toorlugu ”Send ansøgning”.
E-mail atorlugu qinnuteqaatinik tigusineq ajorpugut.
Ulloq qinnuteqarfissaq kingulleq tassaavoq 3. januar 2023 nal. 12.00.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk