Find job
Dette jobopslag er udløbet
Allagarsiuteqqitaq - Ilinniartitaanermut Aqutsisoqarfik atuarfinnut ilitsoqqussaralugu oqaatsinut siunnersortissarsiorpoq
Allagarsiuteqqitaq - Ilinniartitaanermut Aqutsisoqarfik atuarfinnut ilitsoqqussaralugu oqaatsinut siunnersortissarsiorpoq
Ilinniartitaanermut Aqutsisoqarfimmi allagarsiuteqqinneqarpoq, atuarfinnut siunnersortimik, kalaallisut ilitsoqqussaralugu oqaasilinnut kiisalu atuartitsissutinut humanistiskiusunut imaluunniit pilersitsiffiusumik tunngasunik ilisimasalimmik. Atorfininneq 1. novembari pissaaq imaluunniit isumaqatigiissuteqarnikkut.
Atorfik perorsaanermik tunngasunut immikkoortortaqarfimmi inissisimavoq, tassani pisortap ataaniilluni.
Atuarfimmi siunnersortip suliassai
- Naalakkersuisut ilinniartitaanermut pilersaarutaanni suleqataanissaq
- Ilinniartitsisut piginnaanngorsarnissaannut ineriartortitseqataaffigissallugit
- Meeqqat atuarfiat pillugu inatsit ineriartortitseqataaffigissallugu
- Nalunaarut pillugu ineriartortitseqataassalluni kiisalu atuutsitsilerneq peqataaffigissallugu
- Sammisat kattullugit/akimorlugit aammalu immikkoortortaqarfiit akimorlugit suleqatigiinnermi ataqatigiissaareqataanissaq.
Atuarfimmut siunnersortip suliaasa ilagissavaat
- Kalaallisut ilitsoqqussaralugu oqaatsinik ineriartortitseqataassalluni kiisalu atuartitsissutini allani, aammattaaq IT atuartitsinerni ineriartortissallugu
- ilinniusiornermut atortussanik ineriartortitseqataanissaq
- Allakkiorneq, akissuteqarneq, nalunaarusioneq il.il.
- Isumasioqatigiisitsineq pikkorissaanerlu
- Nammineq atuartitsissummut attuumasunik Ilikkagassatut pilersaarutinik ineriartortitseqataaneq
- Ilinniartitsisunik, atuarfinnik kommuninillu siunnersuineq ilitsersuinerlu
- Misilitsinnerni atortussanik suliaqarneq
- Aaliangersimasunik qulequtsikkanik allanik peqateqarluni suliaqarnermi peqataaneq – atuarfimmut siunnersortit allat immikkoortortaqarfiillu suleqatigalugit kiisalu suliffiup avataaneersut suleqatigalugit.
- Ilinniartitaanermut aqutsioqarfimmi suliassanut allanut peqataaneq
Ilinnut tunngasut
Qinnuteqartoq piukkunnaateqarluartoq:
- Naleqquttumik ilinniarsimasoq
- Ilitsoqqussaralugit oqaatsinik didaktikimillu ilisimasalik
- Nunatsinni meeqqat atuarfiannik kultureqarnermut inuiaqatigiinnullu sukumiisumik ilisimasalik
- Pædagogikkip atuartitsinerullu iluini assigiinngitsunik nutaarsiassanik ilisimaarinnilluartoq
- Allannermi oqalunnermilu ersarissuliorsinnaasoq
- Tulleriiaarisinnaasoq, akisussaassuseqartoq aaqqiissuteqarsinnaassuseqartorlu
- Eqeersimaartoq namminersorlunilu sulisinnaassusilik kiisalu suleqatiginnissinnaassuseqarluartoq.
Ilinniartitaanermut Aqutsisoqarfik pillugu
Ilinniartitaanermut Aqutsisoqarfik tassaavoq suliffeqarfik politikkikkut aqunneqartoq, naalakkersuisoqarfimmik politikkerinillu sullissisoq kiisalu inerisaanermik saqqummersitsinernillu suliaqartoq. Ilinniartitaanermut Aqutsisoqarfik maannakkut suliaminik saqqummersitsisarnerminillu nutarsaavoq – peqataaffigiumaagassannik.
Suliffeqarfiuvugut assigiinngitsorpassuarnik sulialik, aqutsinerit atuutereersut saniatigut ilaatigut aamma saqqummersitsivilik, naqiterivilik paasititsiniaanermik atorniartarfimmillu tunngasunik katersugaatilik. Aqutsisoqarfiup annerusumik sammisarpai meeqqat atuarfiat, efterskolit friskolillu. Suleqatigiit 45-t missaaniippugut, suliffeqarfimmi pingaartorsiorpallaanngitsumi suliat pitsaasuunissaannik pingaartitsisut.
Qinnuteqarneq
Atorfinikkusulluni qinnuteqaat, CV-mik nutartikkamik ilanngussanillu imalik, ataani nassiussiffissamut nassiunneqassaaq.
Paasissutissat allat
Atorfimmut tunngasunik allanik paasisaqarusukkuit saaffiginnissinnaavutit uunga immikkoortortaqarfimmi teamlederi Karla Petrussen tlf. toqq. (+299) 34 56 58 imlt. karp@nanoq.gl.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job