ALLAGARSIUTEQQITAQ: Aqutsisutut sulinissat aamma inuiaqatigiinni mingutsitsinnginnerunissat soqutigaajuk, taava immaqa Avatangiisinut Upalungaarsimanermullu immikkoortortaqarfimmi pisortassarivatsigit

Ulloq sulilerfissaq: 1. aggusti 2023 imaluunniit sukumiinerusumik isumaqatigiissuteqareernerup kingorna.

Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfimmi Avatangiisinut Upalungaarsimanermullu immikkoortortaqarfimmi pisortamik aqutsinermik nuannarisalimmik  ujaasivoq.  

Atorfik pillugu:
Avatangiisinut Upalungaarsimanermullu iluani naalakkersuinikkut ineriartornikkullu suliassat, suleqatit pisortallu suleqatigiit pikkorissut suleqatigalugit aqutsinikkut akisussaaffigilissavatit. Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfimmi Naalakkersuisoqarfiup pisortaanut tunngavilersuisuussaatit.

Avatangiiseq piujuartitsinerlu nunarsuarmi tamarmut politikkitigut ullormut oqaluuserisassanut pingaaruteqartuuvoq. Taamaammat nunat assigiinngitsut kiisalu Kalaallit Nunaata soquigisaata akornanni ullormut oqaluuserisassani suliat soqutiginartut sumiissusersinissaanut imaqarput.

Avatangiisinut upalungaarsimanermullu immikkoortortaqarfiup Naalakkeruisunut pilersaarutit pilersaarusianullu annertuunut atuuttussanngortitsinissamut akisussaasuuvoq. Avatangiisinut upalungaarsimanermullu immikkoortortaqarfik 12-nik AC-fuldmægtiginik inuttaqarpoq, amerlanerillu avatangiisinut suliassaqarfimmi suliaqartuullutik.

Immikkoortortaqarfiup suliassaqarfiit soorlu, eqqagassalerineq, imeq imerneqarsinnaasoq, sinerissap qanittuani imaani avatangiisit, errortuutikoq, ASN, poortuusersuutit aamma upalungaarsimaneq akisussaaffigai. Immikkoortortaqarfiup avatangiisinik allanngutsaaliuineq pillugu nunani tamalaani isumaqatigiissutinik aqutsineq akisussaaffigaa. Avatangiisinut suliassaqarfimmi mingutsitsinissap pitsaaliornissaa akiuiniarnissarlu kiisalu piujuartitsiviusumik ineriartortitsinissamut killissaliussanik pitsaasunik qulakkeerinninnissaq ukkatarineqarput. Upalungaarsimanermut susassaqarfiup suliassaqarfiit innuttaasut isumannaatsuunissaannut inuiaqatigiinnilu ajutoornernut ajunaarnersuarnullu suliniuteqarnissamut tunngasut isumagineqarput. Immikkoortortaqarfiup tamatuma saniatigut Upalungaarsimanermut ataatsimiititaliarsuarmut allattoqarfittut atuunnissaq isumagisaraa.

Avatangiisinut upalungaarsimanermullu suliassaqarfimmi ineriartortitsinermut inerniliussisinnaanissamullu qularnaarinissamut peqataassaatit. Kisimiillutit ineriartortitsissanngilatit, kisianni inerniliussisinissamut siumut ineriartortitseqataassaatit.

Aqutsisutut soqutigisaqartuuvutit inituujullutillu, sammivik paarinissaa artunngilat, naammassisinnaavat kiisalu ulapaarfiusuni tamaat ataatsimut isiginnissinnaanissat attassinnaavat aamma ulluinnaat pissanganartut, suliassat assigiinngitsut apeqqutaagajupput soorlu saaffiginninnerit politikkikkut tunngassuteqarsinnaasut, innuttaasuninngaanneersinnaasut imaluunniit kommuneqarfinninngaanneersinnaasut. Atorfik suliassaqarfimmik annertuumik akisussaaffilik pineqarpoq, Inatsisartullu ataatsimiinnerisa nalaani aamma piffissami ulapileruttorfinni unnukkut aamma weekendini sulisarnissaq naatsorsuutigineqassaaq.

Naalakkersuisoqarfimmi pisortat sullivimmi atugarissaarnerup pitsanngorsarnissaa attatiinnarnissaalu aalluppat. Taamaattumik immikkoortortami pisortatut pitsaasumik atugarissaartumik ineriartortumillu suleriuseqassaatit, kajumissuseqalersitsisinnaanissat, akisussaaqataanissat suliakkersuisinnaanissallu kiisalu pilersitsiviulluartumik utersaallaqqissuussaatit. Sulisuvit iluatsitsilluartinnissaat pikkoriffigaat. Sulisut ataasiakkaat ineriartornissaannut periarfissaqartitsinissat pingaartittuuat, aamma immikkoortortaqarfiup sukkasuumik aammalu aallussiviulluartumik atorsinnaasunik patajaatsunillu angusaqartarnissaat pingaartittuuat.

Immikkoortortaqarfiup politikkukkut suliassatigut sullissineq qaffasissumik aalangiusimasssavaa. Avatangiisinut immikkoortortaqarfimmi ineriartortitseqataassaatit, ilaatigut Kalaallit Nunaanni anartarfilerineq pillugu iliuusissatut suliamut pilersaarusiamut naammassinninneq kiisalu portuutinut inatsisit allangortinneqarnissaannut politikkitsigut akuerineqartumut suliamut peqataassaatit.

Piukkunnassuseqarnerit

Ingerlaqqiffiusumik ilinniagaqarsimavutit aammalu pisortani imaluunniit namminersortuni suliffeqarfimmi atorfeqarnermit ukiut arlallit allaffissornikkut misilittagaqarlutit. Attaveqaqatigiinneq aamma pitsaassutsinik isumannaarineq suliassanni pingaaruteqartunut ilaammat, oqaaseqatigiiliullaqqissuunissat pingaaruteqarpoq, pingaartumik allattariarsornermi.

Tamatuma saniatigut naatsorsuutigaarput:

• Pisortatut misilittagaqartutit aamma pisortatut piginnaaneqartutit
• Politikkikkut aalajangiiniarnerit ingerlasarnerannik misilittagaqartutit paasisimasaqartutillu
• Avatangiisimut paasisimasaqartuunissat, suleqatiginnissinnaalluassasutit sunniuteqarluartuussasutillu
• Kalaallit Nunaanni avatangiisinut upalungaarsimanermullu sulianut paasisimasaqartuuvutit imaluunniit soqutiginnittuuvutit kajumissuseqarlutillu.
• Ulluinnarni ulapaarfiusuni ullormut oqaluuserisassanut suliassanullu allanngorartunut tulleriiaarisinnaanissat isumalluartuussasutillu. Pilersaarusiornermut tappiffiginnittuunissat aamma tamaat ataatsimut isiginnissinnaassasutit allanullu assinganik ikiuussinnaassasutit. Piffissaliussanut eqquutitsinissannut qularnaarinissaq aamma eqqissisimasuunissaq pikkoriffigivat.
• Suliniutinut ataavartunut malinnaasinnaanissat pikkoriffigivat. Suleqatitit qanoq pisoqarneranik suliaanullu sianigisaqarfigivatit, aamma peqatigiiffiit suleqatillu avataaneersut akornanni ingerlalluarnerannik qularnaarinnillaqqipputit  

• Immikkoortortaqarfimmit tigusisussanut sulianut inerniliussanut atorfimmut pikkorissusermut pitsaassusaanullu pingaartitsisuuvutit. Kajumissuseqartitsisarputit aamma allattariarsornikkut oqaluttariarsunnikkullu erseqqissumik attaveqallaqqittuuvutit.
• Suleqatinnut qanilaartuuvutit imminullu qisuariitsinnut, misilittakkannut, kajumissusinnut apeqqarittuullutit aamma suliffivit anersaavanut.
• Naalakkersuisoqarfimmi ukiorpaalunni pingaaruteqaqataallutit peqataasinnaanissat aalaakkaallutillu imminut takusinnaanissat

Kalaallit Nunaanni pissutit ilisimasaqarfigigukkit aamma kalaallisut, danskisut tuluttullu oqalusinnaaguit iluaqutaassaaq.

Neqeroorutigaarput:

• Inuiaqatigiinnut akisussaaffik annertooq aamma naleqquttumik akuersaartumik allannguuteqarfiusinnaasoq
• Pisortatut atorfik soqutiginartoq aamma aqutsisutut ineriartornissamut periarfissaqarluarfiusoq
• Aqutsisut ingerlalluartut qanimut suleqatigiinnissamut pingaartitsisut tatiginartullu
• Suliffik pilerinartoq persuarsiortorpalaanngitsoq aamma ataqqinniffiusoq tatiginartorlu
• Suliassaqarfik soqutiginartoq tamatigoortoq annertuumiillu inuiaqatigiinnut aamma nunarsuarmut tamarmut ukkatarinniffiusoq

Aningaasarsianut atorfininnermilu atugassarititaasut
Atorfik akissaateqarfimmi LR-38-mi  maanna inissisimavoq. Aningaasarsiat aalajangersimasunik aningaasarsianut ilallit LR-38-mi 1. april 2022-miit qaammammut 56.910 kr.-iupput ukiumullu 682.930 kr.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Sillimaniarnermut akuerisaaneq
Atorfininnissaq eqqarsaatigalugu sillimaniarnermut akuerisaasinnaanerit ‘Isertuussassaq’-mut
piumasaqaataavoq, tamanna atorfeqarnerup tamaat atuutsinneqarsinnaavoq.

Ini
Atorfimmut atatillugu sulisunut inissiamik pequsersorsimanngitsumik innersuussisoqarsinnaavoq malittarisassat qaqugukkulluunniit atuuttut naapertorlugit. Inissiamut innersuussutigineqartumut akiliutit qularnaveeqqutillu malittarisassat qaqugukkulluunniit atuuttut naapertorlugit akilerneqartassapput. Sulisunut inissiaq atorfeqarnermut tunngavoq atorfeqarunnaarnermilu qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il. apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisut imaaluunniit utaqqiisaagallartumi inissiami anginerusunik uumasuuteqarneq soorlu qimmiuteqarneq qitsuuteqarnerluunniit ajornarpoq.

Annertunerusumik paasisaqarusuppit?
Atorfik pillugu paasissutissat annertunerusut Naalakkersuisoqarfiup pisortaaneranut Natuk Lund Olsen-imut, oqarasuaat +299 34 64 76, e-mail: natl@nanoq.gl saaffiginninnikkut pissarsiarineqarsinnaapput.


Qinnuteqaatinut piffissamut killiliussaq
Qinnuteqaat, CV aamma soraarummeersimanermut uppernarsaatit assilineri ilanngullugit, link matuma kingulianiittoq aqqutigalugu kingusinnerpaamik ulloq 16. juuni 2023 nassiunneqassaaq.E-mail-ikkut qinnuteqaatinik tigusineq ajorpugut.

Qinnuteqaat nassiuguk