Skip to main content
137

Dette jobopslag er udløbet

Allagarsiuteqqitaq: Aqqutissiuussinermut inerisaanermullu immikkoortortami aqutsisoq

Allagarsiuteqqitaq: Aqqutissiuussinermut inerisaanermullu immikkoortortami aqutsisoq

Aqqutisiuussinermut inerisaanermullu immikkoortortamut akiusussaasoorusuppit? Aqutsissiuussinermut tunngatillugu inerisaanermi siuttoorusuppit? Suleqatigiinnut piginnaanilinnut ataatsikkut arlalinnik ingerlatalinnut akoorusuppit?
 
Nuna Tamakkerlugu Ilitsersuisarfimmi (NTI) sulisorisassatut aalajangersakkat 18-iupput assigiinngitsunillu tunuliaqutaqarpugut assersuutigalugu  inerisaanermi siunnersorteqarpugut, tarnip pissusanik immikkut ilisimasalinnik sulisoqarpugut, tarnikkut katsorsaasoqarpugut il.il. Aqqutissiuussinermut inerisaanermullu immikkoortortaqarfimmi aqutsisoqarpoq siunnersortillu pingasuupput.

NTI aaqqissuussaanikkut Ilinniartitaanermut, kulturimut, ilisimatusarnermut Ilageeqarnermullu  Naalakkersuisoqarfiup ataani inissisimavoq.   

Aqqutissiuussinermi iliuuserisanik naliliinissaq inerisaanissarlu kiisalu ilinniarfinni assigiinngitsuni aqqutissiuussisunut ilinniartitaanernik pikkorissarnernillu neqeroornissaq siunertaralugit NTI pilersinneqarpoq. Tamatuma saniatigut NTI ilinniartunik inuttut atukkanut tarnimullu tunngasutigut siunnersuinermik suliaqarpoq.   

Inummik ilinniagaqassutsikkut, aqutsinikkut inuttullu piginnaaneqarluartumik pissarsiorpugut. 

Suliffik inerisaanerup ulluinnarni initungaatsiarnissaanik naatsorsuuteqarfiusussaq matumani pineqarpoq. Aqutsisutut pilersitassat aallarnisartinnerini ineriartortinnerinilu malinnaavigineqarluassapput, suleqatit suleqatigisallu allat peqatigalugit.

Aqutsisoq nunatsinni aqqutissiuussinermik suliaqarnermik inerisaanermi qitiusumik inissisimavoq taamaammallu nunatsinni inuiaqatigiinnik ilinniartitaanermullu tunngasunik ilisimasaqarluarlunilu paasisimasaqarluassaaq. Aqutsisoq aaqqisuussaanikkut Ilitsersuisarfiup pisortaata ataani inissisimavoq Ilitsersuisarfimmilu aqutsisoqatigiinnut ilaassalluni.

Aqutsinermut atatillugu suliassat ilaatigut makkuupput

  • Aqqutissiuussinermi inerisaanermilu immikkoortortamut akisussaasuuneq
  • Sulisunullu inerisaanermi siunnersortinut tamatumunngalu atatillugu aqqutissiuussisutut tunngaviusumik ilinniartitaanermi- modulit nangitsiviit ilanngullugit- ilinniartitsisunut akisussaasuuneq
  • Inuiaqatigiinni aqqutissiuussinermut tunngatillugu anguniagassatut siunniussassatut aalajangersakkanik piviusunngortitsinissamik qulakkeerinneqataaneq
  • Pingaarnertut aqutsineq, aqqutissiuussisutut tunngaviusumik ilinniartitaanermi – modulit nangitsiviit taakkununngalu atatillugu pikkorissaanerit, isumasioqatigiinnerit, suleqatigiissuteqarnerit /neqeroorutit il.il. ilanngullugit- sulianut akisussaasuuneq ataqatigissaarisuunerlu
  • Aqqutissiuussinermik suliaqarnermik misissueqqissaanermi inerisaanermilu akuliutinngikkaluarluni aallartitsineq
  • Aqqutissiuussineq pillugu Nunani Avannarlini katersuunnerni peqataaneq
  • Aqqutsissiuussinermi aqqutissiuussisunut ilinniartunullu paasissutissanik ujaasinermi iserfissamik nittartakkamillu inerisaaneq
  • Aqqutissiuussisunut qarasaassiakkut sakkussaasivimmik inerisaaneq
  • Aqqutissiuussineq pillugu nalunaarutissamut isummersueqataaneq
  • Aqutseqatigiit iliuusissiaannik aalajangersagaannillu piviusunngortitseqataaneq
  • Pikkorissaanerni ilinniatitseqataasinnaaneq


Naatsorsuutigaarput  

  • Aqutsisutut misilittagaqarnissaq
  • Nunatsinni aqqutissiuussinermut, ilinniartitaanermut, inussutissarsiornermut suliffeqarnermullu tunngasunut paasisimasaqarnissat
  • Naapertuuttumik ilinniagaqarnissat   
  • Aqutsinermik misilittagaqarnissat  
  • Ilinniagaqassutsikkut inuttullu sunniuteqarluarsinnaanissat 
  • Pingaartumik ilinniakkat akimorlugit suleqatiginnilluarsinnaanissat
  • Suliassat pisariaqartitallu assigiinngiiaartut akornanni isummat assigiinngitsut naapiffianni kinguneqarluartussamik iliuuseqarsinnaanissat
  • Pædagogikkimik soraarummeersimaneq (ilinniarnertuunngorniarfik imal. inuussutissarsiutinut ilinniarfik) tamatuminngaluunniit naammassinninnissamut piareersimanissat
  • Attaveqatiggiinnermut ingerlatitseqqiinermullu nukittuujunissat 
  • Ilinniartitsinikkut misilittagaqarnissaq


Neqeroorutigaagut

  • Nunatsinni aqqutissiuussinermut ilinniartitaanermullu tunngatillugu sunniuteqarnissamut periarfissinneqarneq
  • Ilitsersuisarfik suli nutaajungaatsiarmat ineriartornerani sunniuteqarnissamut periarfissinneqarneq
  • Atorfik ilinniagaqassutsikkut inuttullu ineriartornissamut periarfissalik. 
  • Suliffik uummaarissoq 
  • Suliffik ineriartupiloortoq 
  • Suleqatit pimoorussisut pikkorissullu 

   
Qinnuteqarfissaq kingulleq: 28. maj 2021.

Atorfik pillugu qulaani pineqartut soqutiginnilersitsisimappata imal. atorfik pillugu annertunerusunik paasisaqarusukkuit, Nuna Tamakkerlugu Ilitsersuisarfiup pisortaanut Christine Tønnesenimut oqarasuaatikkut: +299 34 68 80, imal. e-mailikkut: chto@aqqut.gl attaveqarsinnaavutit.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk