Skip to main content
122

Dette jobopslag er udløbet

Allagarsiuteqqitaq | Aningaasaqarnermut Naalakkersuisoqarfimmut inatsisileritooq

Aningaasaqarnermut Naalakkersuisoqarfimmi inatsisilerinikkut suliassanut assigiinngitsorpassuarnut atatillugu suleqatissarsiorpugut.
 
Aningaasaqarnermut Naalakkersuisoqarfik immikkoortortanut tallimanut agguataarneqartunik 30-t missaannik sulisoqarpoq: Inatsisilerinermut immikkoortortaq, aningaasaqarnermik pilersaarusiorfik, nuna tamakkelrugu pilersaarusiornermut immikkoortortaq, namminiilivinnermut immikkoortortaq aammalu aqutsisoqatigiit allattoqarfiat.
 
Atorfik Inatsisilerinermut imikkoortortami inissisimavoq. Inatsisinermut immikkoortortamiipput inatsisilerituut pingasut immikkoortortamilu pisortaq. Suleqatigiinnut inatsisilerituumik nutaamik ujartuivugut.
 
Naalakkersuisoqarfimmi kiisalu suliffeqarfinnut naalakkersuisoqarfimmut atasunut: Naatsorsueqqissaartarfimmut, Akileraartarnermut Aqutsisoqarfimmut kiisalu Aningaasaqarnermik Sulisoqarnermillu Aqutsisoqarfimmut, inatsisilerinikkut pitsaasumik siunnersuisoqarnissaanik qulakkeerinissaq immikkoortortap pingaarnertut suliassaraa.
 
Neqeroorutigaarput suliffik persuarsiorfiunanilu ammasumik avatangiisilik aammalu misilittagaqarluartunik tunniusimasunillu sulisulik. Suliffeqarfiuvugut aalajangiisartunut qanittut aammalu isumasioqateqarnissamut suliatigullu ineriartornissamut pitsaasunik periarfissalik.
 
Suliassat
Ilinniakkatigut assigiinngitsunik tunngaveqartumik atorfik assigiinngitsorpassuarnik suliassaqarfiusoq pineqarpoq, tassunga makku ilaallutik:

  • Suleqatinut aqutsisunullu isumasioqatiginnittarneq
  • Inatsisinik malittarisassanillu nutaanik suliarinnittarnermi pioreersunillu nutarterinermi peqataaneq
  • Suliassaqarfimmi inatsisinik malittarisassanillu nassuiaaneq kiisalu tamanna tunngavigalugu ilitsersuutinik suliarinninnermi peqataaneq, ilaatigut akileraarutit akitsuutillu pillugit
  • Naalakkersuisoqarfimmi suliniutik aqutsinermi peqataaneq aammalu nunat allat oqartussaasui qitiusumillu allaffeqarfimmi immikkoortortat peqatigalugit suliniutini assigiinngitsuni peqataaneq
  • Naalakkersuisunut Inatsisartunullu il.il. allakkianik, tusarniaanermut akissutinik atortussanillu suliaqarneq
  • Sulianik aalajangersimasunik ingerlatsineq

Suliassaqarfitsinni suliassaqarfik sorleq immikkut soqutigisaqarfigalugu piginnaaneqarfiginerit apeqqutaatillugu eqqartuussivimmi suliat suliassannut ilaasinnaapput, soorluttaaq immikkoortortanut suliffeqarfitsinnut atasunut nuukkallarsinnaasutit oqartussaasut taakku suliassaqarfiini ineriartuuteqarnissat kissaatigigukku.
 
Illit pillutit

  • Cand.jur. imaluunniit cand.merc.jur.-itut ilinniagaqartuuvutit
  • Ukiuni arlalinni sulinermik misilittagaqarnissat kissaatiginarpoq, ilinniarnerminnilli naammassinneqammersut piginnaaneqarluartut aamma soqutigineqarsinnaapput
  • Pisortat aqutsinerannik aammalu suliffeqarfimmi naalakkersuinikkut aqunneqartumi sulinermik misilittagaqarnissat kissaatiginarpoq
  • Oqallorissuullutillu allallaqqissuuvutit
  • Inunnut assigiinngitsunik tunuliaqutilinnut aammalu inatsisilerituujunngitsunut attaveqallaqqissuuvutit suleqateqallaqqissuullutillu
  • Aaqqissuulluagaasumik sulisarputit aammalu suliamut annertuumik akisussaassuseqartuullutit
  • Suleqatit qanimut suleqatigalugit suliassanik assigiinngitsorpassuarnik ingerlatsisinnaavutit
  • Suliassanik assigiinngitsorpassuarnik ingerlataqarusussuseqarputit aammalu suliassaqarfinnik nutaanik ingerlatsinissamut sapiissuseqartuullutit
  • Allassimasunik paasinnilluarsinnaassuseqarputit aammalu kisitsisilerillaqqissuuguit ilaqutaassaaq
  • Kalaallisut, danskisut tuluttullu oqalussinnaallutillu allassinnaaguit iluaqutaassaaq

Kalaallit kulturiat Kalaallillu Nunaanni inuiaqatigiit pillugit ilisimasaqarnissat iluaqutaassaaq
 
Danmarkimi sulinngiffeqarnissamut periarfissat:
Naalagaaffimmi atorfillit (tjenestemandit) kiisalu atorfillit AC-mut isumaqatigiissutit arlaallit tunngavigalugit atorfillit piginnaatitaapput Namminersorlutik Oqartussani atorfininnermut atatillugu aningaasarsiaqaratik sulinngiffeqarnissaminnut. Kiisalu Indenrigsministeriap kommuninut piumasaraa, Namminersorlutik Oqartussani atorfininnermut atatillugu, aningaasarsiaqarnani sulinngiffeqarnissamik qinnuteqaateqartoqartillugu akuersaartoqartarnissaa. Sulinngiffeqarnissamut tunngatillugu aalajangersakkanut ilaatinneqarput Namminersorlutik Oqartussani atorfinittup katissimasaa/katissimanngikkaluarlugu inooqatigisaa.
 
Paasissutissat annertunerusut
Atorfik pillugu annertunerusumik paasisaqarusukkuit immikkoortortami pisortamut Morten Selvejer, telefon 346528 imaluunniit e-mail mws@nanoq.gl saaffiginninnissannut tikilluaqqusaavutit.
 
Qinnuteqarnissamut killissarititaq: tallimanngorneq ulloq 29. marts 2019.
 
Atorfinitsitsinissamut atatillugu oqaloqateqarneq piffissap qinnuteqarnissamut killiliussap naanerata kingunitsianngua ingerlanneqassasoq naatsorsuutigineqarpoq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.