Skip to main content
106

Allagarsiuteqqitaq - adjunktit (ph.d) –lektorit marluk inuttassarsiuuppagut

Atorfik ilinniartitsinermik, ineriartortitsinertalik aammalu ilisimatusarnermik imaqarsinnaasoq. Ilinniartunik qanimut suleqateqarsinnaaneq, ilinniartitsisoqatit eqimattat amerlanngitsut suleqatigalugit ilisimatusarnerullu iluani suliaqarnermik imalik soqutigaajuk?  

Studieadjunktitut – lektoritut / adjunktitut (ph.d) -lektoritut atorfiit marluk inuttassarsiuuppagut Peqqissaanermut Ilisimatusarfimmi piaartumik isumaqatigiissuteqarnikkulluunniit atorfiniffigineqartussaq.

Suliassat
Ilinniartitsineq

  • peqqissaasunngorniarnermi atuagarsornermik, periutsinik allanillu ilisimasassanik ilinniartitsineq
  • suliassat allanneranni projektillu ingerlanneranni ilitsersuineq
  • ilinniartunik praktikkertunik praktikkerfigisaannillu suleqateqarneq
  • ilinniarnerit ilisimatusarnertallit ingerlanneqarneranni pilersaarusiorlunilu ineriartortitsineq
  • piginnaasat malillugit ineriartortitsinermut ilisimatusarnermullu pilersaarusianut peqataanerit

Neqeroorutigaavut

  • suliassat suliarineranni nammineerluni ingerlatsisarnissaq
  • ilinniartut arlariinnik kulturillit ilinniartitaaneranni piukkunnarsarneranni unammilligassat
  • ilisimatusarnermut piffissaq atugassaq isumaqatigiissuteqarnikkut pisartussaq
  • ilisimatusarnikkut ingerlatat ineriartortinneqartut
  • adjunktinut (ph.d) – lektorinullu ilisimatusarnermut piffissaq periarfissaavoq.
  • suleqatit tunniusimallutillu kajumissuseqartut
  • sunngiffimmi periarfissat pitsaasut, pinngortitaq kulturilu tamaasa eqqarsaatigalugit (paasisaqarnerugit: www.nuuk.gl)

Piukkunnaatit

  • ilinniartitsinermik misilittagaqarneq, tunngaviusumillu ilinniakkat pillugit ilitsersuisinnaaneq
  • ilisimasaqarnermut aammalu misissuinernut  ineriartortitsiusunullu suliaqarnermut pikkoriffeqarnissamut soqutigisaqarneq
  • peqqissaasutut sulisimasuunissaq
  • nunatsinni peqqissaasutut uppernarsaateqarneq
  • kandidatitut angusisimaneq

Peqqissaasunngorniarnermut ilinniagaqarneq pillugu aammalu Napparsimasunik Paarsinermut Peqqissutsimullu Misissuinermut institutti pillugit paasisaqarnerorusukkuit www.uni.gl iserfigalugu paasisassarsiorsinnaavutit.

Atorfimmut atorfinitsitsinermullu tunngassutillit paasisaqarfiginerorusukkukkit Instiuttimi aqutsisoq Suzanne Møller, oqarasuaatikkut +299 551328 attavigineqarsinnaassooq.

Qinnuteqaat
Qinnuteqaat soraarummeerutit uppernarsaataanni aammalu siornatigut atorfigisimasanit takussutissanik, atassuteqarfissanik ilisimatusaatitullu saqqummersisimasat allattorsimaffiannik ilallugu qinnuteqaammut ilanngullugit nassiunneqassapput.
Kalaallit Nunaanni sulinissamut uppernarsaat immersoriigaq ilanngunneqassaaq. Akuersissummut qinnuteqarfissaq nittartagaq una aqqutigalugu aaneqarsinnaavoq  www.nanoq.gl/naalakkersuisut/departementer/landslægeembedet

Ilisimatusarfik pillugu.
Ilisimatusarfik – Grønlands Universitet – issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu.
 
Ilisimatusarfik sisamanik instituteqarpoq.  

  • Kulturimik, Oqaatsinik Oqaluttuarisaanermillu Ilisimatusarfik
  • Ilinniartitsinermik Ilisimatusarfik ilinniartitsisunngorniarfittaqarlunilu meeqqat atuarfianni ilinniartitsisunut ilinniaqqiffissartalik
  • Peqqissaanermik Ilisimatusarfik peqqissaasunngorniarfittalik

Inuiaqatigiilerinermik, Aningaasaqarnermik Tusagassiornermillu Ilisimatusarfik
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk