Skip to main content
136

Dette jobopslag er udløbet

Allagarsiuteqqitaq Aatsitassanut Suliassaqarfimmi Avatangiisinut Aqutsisoqarfimmut AC-fuldmægtigi/immikkut ittumik siunnersorti

Allagarsiuteqqitaq. Aatsitassanut Suliassaqarfimmi Avatangiisinut Aqutsisoqarfimmut AC-fuldmægtigi/immikkut ittumik siunnersorti

Aatsitassanut Suliassaqarfimmi Avatangiisinut Aqutsisoqarfimmut tunniusimasumik pikkorilluartumillu sulisussarsiorpoq.

Aatsitassarsiornerit avatangisinut illersorsinnaasumik ingerlanneqarnissaanut suleqataarusuppit?  Aatsitassanut Suliassaqarfimmi Avatangiisinut Aqutsisoqarfik sulisussamik tunniusimasumik pikkorissumillu pissarsiorpoq. Avatangiisinut Aqutsisoqarfik pillugu Aatsitassanut Suliassaqarfimmi Avatangiisinut Aqutsisoqarfik (Avatangiisinut Aqutsosqarfik) Namminersorlutik Oqartussani Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfimmi immikkoortortaqarfiuvoq tallimanik sulisulik.

Aamma Avatangiisinut Aqutsisoqarfik Aarhus Universitet-imi Nationalt Center for Miljø-miit kiisalu Pinngortitaleriffimmiit siunnersuinerit tunngavigalugit nammineerluni aatsitassarsiornermi avatangiisit, pinngortitaq silallu pissusia pillugu naliliisarpoq aalajangiisarlunilu.

Atorfik pillugu
Avatangiisinut Aqutsisoqarfimmi atorfik piaarnerpaamik inuttalerneqarsinnaalluni inuttassarsiuunneqarpoq.

Suliassatit
Aatsitassarsiornermi avatangiisini pissutsinut tunngasut pillugit sullissinermik, aammalu aatsitassarsiorfiit aatsitassanik saffiugassanik ujarlerneraut atuinerannullu avatangiisinut maleruagassianut atatillugu suliassat ataqatigiissaarnerqarnerinik isumaginnittassaatit. Tamanna ilaatigut suliffeqarfiup iluani avatangiisinut maleruagassianut atatillugu suliassat ataqatigiissaarinermik isumaqatiginninniarnernillu aqutsinermi suliassanik, kiisalu sulianik aqugsinermik isumagisassaqarfiuvoq.

Aqutsisunut ilisimatitsissutinik uppernarsarluarneqarsimasunik aammalu suliassaqarfiup iluani Naalakkersuisut aalajangiinissaannut tunngavissianik suliaqartassaatit, aammalu avatangiisinik nakkutilliinermut atatillugu suliassanik isumagisaqartassaatit. Aamma ilitsersuutinik maleruagassanillu nutarterisarnermi suleqataasassaatit.

Ulluinnarni pingaartumik Avatangiisinut Aqutsisoqarfimmi suleqatitit suleqatigisassavatit. Aammalu Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik aamma Aatsitassanut Naalakkersuisoqarfik kiisalu Aatsitassanut Aqutsisoqarfik qanittumik suleqatigissavatit.

Tamatuma saniatigut Avatangiisinut Aqutsisoqarfiup ilisimatusarnikkut siunnersortai, Nationalt Center for Miljø og Energi-mi Pinngortitaleriffimmilu inissisimasut suleqatigisassavatit, aammalu aatsitassarsiornermi ingerlatseqatigiiffinnut soqutiginnittunullu ingerlaavartumik attaveqaqateqartassaatit.

Naatsorsuutigaarput:
 

  • Pinngortitaq pillugu ilisimatusarnermi, naalagaaffik pillugu ilisimatusarnermi, avatangiisit pillugit ingerlatsinermi assigisaaniluunniit attuumassutilimmik ilinniagaqassasutit.
  • Suliassanik ilisimaarinnilluassasutit, peqqissaartuussasutit, namminersorsinnassasutillu, aammalu sulianni angusaqarnissaq naammassinninnissarlu piginnaaneqarfigissagitit.
  • Avatangiisinut suliassaqarfimmut kiisalu Kalaallit Nunaanni aatsitassarsiornermut soqutiginnittuussasutit suliassanillu paasisimaarinnittuussasutit.
  • Avatangiisinut tunngassutilinnut nalilersuisinnaanermut ilisimasaqarluarnissaq aammalu ilisimasaqarluarnissaq
  • Pisortat ingerlatsinerannik pisortallu inatsisaannik ilisimasaqassasutit misilittagaqassasutillu
  • Avatangiisit nunanit tamalaanit eqqumaffigineqartut namminersorlutit aaqqissuussamillu suliarinissaannut soqutiginnissasutit piginnaaneqassasutillu.
  • Inussiarnersuussasutit ilakkuminartuussasutillu, kiisalu isumaqatiginninniarnermni suleqatigiinnernilu attaveqarnernik pilersutsiviusinnaasunik pilersitsinissamut piginnaaneqarluassasutit.
  • Sakkortuumik akisussaassuseqarneq aammalu siulliullutit suliniarsinnaassuseqarneq, sulininnilu aaqqissuussamik sulisinnaassuseqarneq takutissinnaassagitit.
  • Tuluttut oqalussinnaassasutit allassinnaassasutillu
  • IT-mut piginnaaneqarluassasutit aammalu ajornanngippat F2-mik GIS-imillu atuisarnermik ilisimasaqassasutit.
  • Attaveqaqateqarnissamut nukittullutit piginnaaneqarputit aammalu suliarisatit siunnerfinnut assigiinngitsumik ersarissumik akuersaartumillu saqqummiussinnaavatit.
  • Inuiaqatigiit kalaallit kulturiallu ilisimasaqarfigaatit.


Neqeroorutigaavut
Atorfik tamatigoortoq unamminartorlu, suliatigut inuttullu piginnaaneqarfinnik ineriartortitsinissamut periarfissaqarfiulluartoq.
Ulluinnaat ulapaarfiusut pissanganartullu, nuannersunik suleqateqarfiusut pingaartorsiorfiunngitsumillu pissuseqarfiusut.

Angalasarnissaq
Kalaallit Nunaanni avataanullu annikitsumik angalasarnissaq naatsorsuutigineqartariaqarpoq.

Paasissutissat annertuut
Atorfik pillugu paasissutissat annertunerusut aqutsisoqarfimmi pisortaq Steen Christensen, tlf. +299 34 51 87-imut, e-mail: chrs@nanoq.gl, saaffigalugu pissarsiarineqarsinnaapput.

Kalaallit Nunaanni aatsitassarsiorneq pillugu paasissutissat amerlanerusut Aatsitassanut Oqartussaasut nittartagaat www.govmin.gl alakkarlugu takuneqarsinnaapput. Aamma una nassaarisinnaavat – Aatsitassarsiornermi Avatangiisinut Aqutsisoqarfik, www.asaa.gl .

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.



 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk