Skip to main content
116

Dette jobopslag er udløbet

ALLAGARSIUTEQQITAQ Aalisarnermut, Piniarnermut Nunalerinermullu Naalakkersuisoqarfimmut inatsisileritooq

Inatsisileritooq pikkunartunik suliaqartussaq, tassani inatsisit ingerlatsinermut tunngasut kiisalu Kalaallit Nunanni inuussutissarsiutit pingaarnersaannut inatsisiliorneq qitiussallutik. Alisarnermut, Piniarnermut Nunalerinermullu Naalakkersuisoqarfimmi Kalaallit Nunaanni pisuussutit uumassusillit aqunneqarnerinut tunngasut suliarineqartarput: Aalisarneq, Piniarneq, nunalerineq, nakkutilliineq misissuinerlu kiisalu inuussutissalerinermut tunngasut. Naalakkersuisoqarfik tallimanik immikkoortortaqarpoq, matumani inatsisilerinermut, aningaasaqarnermut pilersaarusiornermullu immikkoortortaqarfik, katillugit 7-inik sulisoqarpoq, taakkunannga inatsisilerituut sisamaapput kiisalu immikkoortortaqarfimmi pisortaq. Kalaallit Nunaanni pisuussutinik uumassusilinnik aqutsinermi inatsisilerineq, aningaasaqarnermut misissuinerit pilersaarusiornerillu kiisalu Aalisarnermut, Piniarnermut Nunalerinermullu Naalakkersuisup kiffartuunnera immikkoortortaqarfiup pingaarnertut suliassarai.
 
Suliassat:
Naalakkersuisoqarfimmi inatsisilerituutut sulinermi amerlasuunik assigiinngitsorpassuarnillu suliassaqassaatit. Atorfik taanna aqqutigalugu periarfissaqassaatit naalakkersuisoqarfiup immikkoortortaqarfiinut kiisalu naalakkersuisumut inatsisitigut ikorfartuinerup annertusarnissaanut. Suliassat pingaarnerit ilaatigut ukuusinnaapput:  

  • Malittarisassanik aalajangersimasunik suliaqarneq nutarterinerlu akisussaaffigissavatit, tassani suliniutit politikkikkut isumassarsianiit atuutilernissaannut malinnaavigisassavatit.
  • Ombudsmandip Inatsisartunut saaffiginnissutaanik akissuteqartarnermik suliassat.
  • Politiinut unnerluussutinik suliaqarneq tamatumalu kingorna Aalisarnermut, Piniarnermut Nunalerinermullu Naalakkersuisoqarfiup politiinut oqaaseqaataanik suliaqarneq
  • Allagaatinik takunnissinnaatitaaneq pillugu sulianik suliaqarneq
  • § 37-mut tunngatillugu Inatsisartut apeqqutaannik akissuteqarnerit
  • Aalisarnermut, Piniarnermut Nunalerinermullu Ataatsimiititaliap apeqqutaanik akissuteqarnerit
  • Aalisarnermut, Piniarnermut Nunalerinermullu Naalakkersuisumik kiffartuussineq
  • Inatsisinut tunngasunik allakkianik suliaqarneq
  • Sulianik sullissinermut ingerlatsinermilu inatsiseqarneq pillugit immikkoortortaqarfimmi sulisunik siunnersuineq
  • Inatsisinut tunngasunik nassuiaassinerit
  • Inatsisilerinikkut pitsaassutsimik qulakkeerinninnerit
  • Atorfimmut tunngatillugu annertunngitsumik angalasoqarsinnaavoq.

Naatsorsuutigaarput,

  • Cand jur.-itut cand.merc.jur.-itulluunniit ilinniarsimasuussasutit.
  • Politikkikkut aqunneqartumi aaqqissuussaanermi sulinermik paasisimasaqassaatit pisortallu allaffissorneranik soqutigisaqarlutit.
  • Allanik suleqateqarsinnaasutit nammineerlutillu sulisinnaassuseqarlutit 
  • Sulianut tunngasutigut siamasissumik piginnaasaqartutit ajornartorsiutaalersunillu sukkasuumik iliuuseqartarnermik piginnaasaqassasutit.
  • Naalakkersuisoqarfiup suliassaanik ataatsimoortumik suliaqarnissamut piareersimaneq, ingammik piffissami ulapaarfiusumi. 
  • Suliassaqarfinni ineriartorneq pillugu ilisimasassanik katersillaqqissuussasutit.

 
Kissaatigaarput:

  • Siusinnerusukkut suliffigisannit misilittagaqassasutit, ilinniakkaminnilli naammasserlaat atorfimmut qinnuteqarnissaat aamma kajumissaarutigaarput.
  • Kalaallit Nunaanni pissutsinik Kalaallit Nunaallu pillugu ilisimasaqassasutit imaluunniit kalaallit Nunaanni inuiaqatigiinnik soqutigisaqassasutit.

Paasissutissat annertunerusut uannga pissarsiarisinnaavatit: Immikkoortortaqarfimmi Pisortaq Emanuel Rosing tlf. +299 34 53 32 / e-mail emro@nanoq.gl.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk