Skip to main content
91

Dette jobopslag er udløbet

Allagaatilerisoq

Nunatta Katersugaasivia Allagaateqarfialu allagaatilerisussarsiorpoq – pingaarnertut
akisussaaffigalugit oqartussaqarfiit allagaateqarfii suliallu oqartussaqarfinnut tunngasut

Nunatta Katersugaasivia Allagaateqarfialu (maannamit naalisarlugu NKA) ilinniagartuumik
allagaatilerisussamik sulisussarsiorpoq 1. januar 2021 imaluunnit isumaqatigiissuteqarnikkut
piaarnerpaamik tamatuma kingorna atorfinittussamik.
Allagaatilerisup suliaminik pilersaarusiortarnermigut aammalu suliffiup iluani allagaatilerisut allat
suliffiullu avataani oqartussaqarfiit suleqatiginerisigut suliniutigissavaa Allagaateqarfeqarneq
pillugu inatsisartut inatsisaata siunertaanik eqquutsitsiniarnissaq makkuninnga suliaqarnikkut:

  • Suliassaqarfimmut ’oqartussaqarfiit allagaateqarfii’, t.i. allagaateqarfeqarneq pillugu inatsit tunngavigalugu oqartussaqarfinnut suliffeqarfinnullu tunniussisussaatitaasunut tamanut iliuusissamik pilersaarusioqataaneq
  • allagaateqarfimmut inissiisarneq pillugu allagaateqarnermullu tunngasunik pisortat oqartussaqarfiinit nalinginnaasumik apeqquteqaatinut akissuteqarneq
  • pisortat suliffeqarfiinit inunnillu ataasiakkaanit tunniuneqartunik tigusineq suliarinninnerlu
  • allagaateqarfinnut inissiisarneq aamma allagaateqarfeqarneq pillugu inatsit pillugit paasissutissanik ilitsersuusianillu pisortat oqartussaqarfiinut immikkut sammititanik suliaqarneq
  • pisortat suliffeqarfiisa oqartussaqarfiillu toqqorsivinnut allaagaateqarfinnullu inisseeriaasii pillugit inatsisitigut nakkutilliisussaatitaanermik suliaqarneq
  • pigiinnagassat eqqagassallu pillugit kommuunit Namminersorlutillu Oqartussat allaffeqarfii suleqatigalugit pilersaarusiorneq
  • IT-allagaateqarfilerisup pisortat oqartussaqarfiisa qarasaasiatigoortunik allagaateqarfimminnik tunniusisarnerat pillugu sulineranut tapertaaneq Tamakku saniasigut allagaatilerisup pisariaqartitsineq naapertorlugu allagaarteqarfimmi suliassaqarfiit akimorlugit suliassat nalinginnaasut naammassinisannut allagaateqarfimmi sulisut allat suleqatigisassavai, ilaatigut allagaateqarteqarfiup katersugaataannik qarasasiatigut nalunaarsuinermi. Allagaatilerisup allagaateqarfimmi allagaatilerisut allat qanimut suleqatigisassavai, taakkumi suliaat aamma annikinnerusumik annertunerusumilluunnit oqartussaqarfinnut attuumassuteqartarmata.


Naatsorsuutigaarput qinnuteqartoq:

  • Kalaallit Nunaanni inuiaqatigiinni pissutsinik ilisimaarinnilluartuussasoq
  • inuiaat kulturiat oqaluttuarisaanerallu, paasissutissiinermi aqutseriaaseq/paasissutissiinermik ilisimatusarneq imaluunnit taakkunnga assingumik kandidatitut ilinniarsimasuussaaq
  • soqutigisarissagai suliat uppernarsaatissarsiornermut allagaateqarfeqarnermullu tunngasut, ilanngullugu paasissutissanik oqaluttuarisaanermut tunngasunik ujartuineq
  • nammineersinnaassuseqarluni sulisinnaasoq aammalu suliassaqarfimmi iluani ineriartortitsinissamut iliuuseqarsinnaassusilik
  • kalaallisut qallunaatullu (ajornanngippallu tuluttut) allassinnaallunilu oqalussinnaasoq.


Neqeroorutigisinnaavagut:

  • Suliffeqarfik mikisoq pissanganartorli, suliatigut ineriartoqqinnissamut periarfissalik
  • Namminerisamik suliassaqarfeqarneq, aammali amerlasuutigut suleqatit katersugaasivimmeersut allagaateqarfimmeersullu suleqatigalugit suliassaqarfinnik akimuilluni sulineq
  • Suliassarpassuit ataatsikkoorsinnaasarput – aammali ukkataqarnissaq piffissaqarfiuvoq
  • Suliffimmi avatangiisit atortoqarnikkut suleqatigiinnikkullu pitsaasut.


Allagaatilerisoq ilisimatuutut suleqatit allat peqatigallugit suliffeqarfiup suleriaasissaanik,
toqqammavisaanik ilisimatuussutsikkullu suliniutissaanik aalajangersaaqataasassaaq.
Allagaatilerisoq pisussaavoq suliassaqarfimmi iluani pisunik paasiniaajuassalluni namminerlu
iliuuseqarnermigut pikkorissarnerni isumasioqatigiinnernilu peqataasassalluni kiisalu suleqatinik
attaveqarneq aallutissallugu, ataavartumik suliatigut ilsimasaqarneq ineriartortikkumallugu.
Allaagaatilerisoq Kalaallit Nunnaani, Danmarkimi nunanilu allani allagaateqarfinnik suleqatinillu
allanik attavissarsiortassaaq attaveqartassallunilu.
Allagaatilerisup qaninnerpaatut qullersarissavaa allagaateqarfiup pisortaa. Allagaatilerisutut atorfik,
inuiaat kulturiat oqaluttuarisaanerallu pillugu assigisaanilluunnit ilinniagalimmit
inuttalerneqarusuttoq, ulloq naallugu atorfiuvoq, akissaatitigut sulinermilu atugassarititaasutigut
Namminersorlutik Oqartussat Kalaalit Nunaannilu ilinniagartuutut atorfilinnut atuuttumik Dansk Magisterforeningip akornanni atorfiup atuutilernerani attuuttumut toqqammavilik. Atorfimmut atasumik inissaqartitsisoqanngilaq.

Qinnuteqaat NKA-mut apuutereersimassaaq kingusinnerpaamik 1. december 2020.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk