Skip to main content
103

Allagaatilerisoq

Nunatta Allagaateqarfia allagaatilerisussarsiorpoq – pingaarnertut akisussaaffigalugit Kalaallit Nunaata piorsarsimassutsikkut oqaluttuarisaanera aamma inuit namminneq katersugaataat

Nunatta Katersugaasivia Allagaateqarfialu (maannamit naalisarlugu NKA) ilinniagartuumik
allagaatilerisussamik sulisussarsiorpoq 1. januar 2021 imaluunnit isumaqatigiissuteqarnikkut piaarnerpaamik tamatuma kingorna atorfinittussamik.

Allagaatilerisup suliaminik pilersaarusiortarnermigut aammalu suliffiup iluani allagaatilerisut allat suliffiullu avataani oqartussaqarfiit suleqatiginerisigut suliniutigissavaa Allagaateqarfeqarneq pillugu inatsisartut inatsisaata siunertaanik eqquutsitsiniarnissaq, makkuninnga suliaqarnikkut:

  • allagaateqarfimmut inissiisarneq pillugu allagaateqarnermullu tunngasunik pisortaqarfiit nalinginnaasumik apeqquteqaataannut akissuteqarneq
  • pisortat suliffeqarfiinit inunnillu ataasiakkaanit tunniuneqartunik tigusineq suliarinninnerlu
  • allagaatinik nalunaarsuineq aaqqissuussinerlu pillugit ilitsersuineq nakkutilliinerlu
  • pisortat suliffeqarfiisa oqartussaqarfiillu toqqorsivinnut allaagaateqarfinnullu inisseeriasii pillugit ilitsersuinermik inatsisitigullu nakkutilliisussaatitaanermik ingerlataqarneq.


Allagaatilerisup akisussaaffigissavaa immikkut suliassaqarfik ‘Kalaallit Nunaata piorsarsimassutsikkut oqaluttuarisaanera aamma inuit namminneq katersugaataat’. Immikkut suliassaqarfik tamanna makkuninnga suliassaqarfiuvoq:

  • ilisimatusartunik allanillu allagaateqarfiup katersugaataanik allagaatilerisup immikkut suliassaqarfiisa iluaniittunik misissuerusuttunik ilitsersuineq
  • atuisut nalinginnaasumik apeqquteqaataannut akissuteqarneq
  • immikkut suliassaqarfimmut tunngasunik ilisimatusaatinik ingerlataqarneq, annermik allagaateqarfiup katersugaasiviullu katersugaataannik tunngaveqarluni. Taamatut suliaqarnermut allagaatilerisup piffissap katillugu suliffigisassami 2/7-ia atorsinnaavaa, akunnerit suliartoqqusaaffiusinnaasut ilaanatik
  • katersugaatit ilisimatusarnerillu pillugit avammut ingerlatitseqqiineq, tassunga aamma ilaallutik NKAmi allagaatilerisut inspektørillu allat suleqatigalugit paasissutissiinermik suliniutit annertunerusut
  • allagaateqarfinnik nammineq pigisanik katersinermut, nalunaarsuinermut atorneqarsinnaasunngorsaanermullu iliuusissaliorneq.


Naatsorsuutigaarput qinnuteqartoq

  • Kalaallit Nunaanni inuiaqatigiinni pissutsinik Kalaallillu Nunaata oqaluttuarisaaneranik ilisimasaqarluassasoq – ajornanngippat aamma immikkut suliassaqrfimmut tunngasunik
  • inuiaat kulturiat oqaluttuarisaanerallu pillugu imaluunnit tamatumunnga attuumassuteqartumik kandidatitut ilinniarsimasuusoq
  • nammineersinnaassuseqarluni sulisinnaasoq aammalu suliassaqarfimmi iluani ineriartortitsinissamut iliuuseqarsinnaassusilik
  • qarasaasiat atorlugit sulinermik aammalu qarasaasiatigut inuinnaat naapittarfiinik atuinermik sungiusssisimasoq
  • NKAp iluani suliassaqarfiit assigiinngitsut akimorlugit suleqateqarsinnaasoq
  • kalaallisut, qallunaatut tuluttullu allassinnaallunilu oqalussinnaasoq


Tamakku saniasigut allagaatilerisup, pisariaqartitsineq naapertorlugu, allagaarteqarfimmi suliassaqarfiit akimorlugit suliassat nalinginnaasut naammassinissaannut allagaateqarfimmi sulisut allat suleqatigisassavai.

Neqeroorutigaarput

  • Suliffeqarfik mikisoq pissanganartorli, suliatigut ineriartoqqinnissamut periarfissalik
  • Namminerisamik suliassaqarfiit, aammali amerlasuutigut suleqatit katersugaasivimmeersut allagaateqarfimmeersullu suliassaqarfiillu akimorlugit suleqatigalugit sulineq
  • Suliassarpassuit ataatsikkoorsinnaasarput – aammali ukkataqarnissaq piffissaqarfiuvoq
  • Suliffimmi avatangiisit atortoqarnikkut suleqatigiinnikkullu pitsaasut.


Allagaatilerisoq ilisimatuutut suleqatit allat peqatigallugit suliffeqarfiup suleriaasissaanik,
toqqammavisaanik ilisimatuussutsikkullu suliniutissaanik aalajangersaaqataasassaaq. Allagaatilerisoq pisussaavoq suliassaqarfimmi iluani pisunik paasisimasaqarluassalluni namminerlu iliuuseqarnermigut pikkorissarnerni isumasioqatigiinnernilu peqataasassalluni kiisalu suleqatinik attaveqarneq aallutissallugu, ataavartumik suliaminik ilsimasaqarneq ineriartortikkumallugu. Allaagaatilerisoq Kalaallit Nunnaani, Danmarkimi nunanilu allani allagaateqarfinnik suleqatinillu allanik attavissarsiortassaaq attaveqartassallunilu.

Allagaatilerisup qaninnerpaatut qullersarissavaa allagaateqarfiup pisortaa. Allagaatilerisutut atorfik, inuiaat kulturiat oqaluttuarisaanerallu pillugu assigisaanilluunnit ilinniagalimmit inuttalerneqarusuttoq, ulloq naallugu atorfiuvoq, akissaatitigut sulinermilu atugassarititaasutigut Namminersorlutik Oqartussat Kalaalit Nunaannilu ilinniagartuutut atorfilinnut atuuttumik Dansk Magisterforeningip akornanni atorfiup atuutilernerani attuuttumut toqqammavilik. Atorfimmut atasumik inissaqartitsisoqanngilaq.

Qinnuteqaat NKA-mut apuutereersimassaaq kingusinnerpaamik 1. december 2020.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk