Skip to main content
138

Dette jobopslag er udløbet

Allaffissornermi Ilinniartumik ikortissarsiorneq

Aaqqissuussaasumik suleriaaseqarpit, piffissaq eqqorlugu takkuttarpit, ammasuuit sullissilluarusullutillu? Akisussaaffeqartorujussuarmik amerlasuunillu inunnik attaveqaateqalerfiusumik ilinniartuunervit saniatigut suliffeqarusuppit? Ataatsimut isiginnissinnaassuseqarpit, naammassisassanillu naammassinnilluarsinnaallutit? Taamaassimappat immaqa illit tassaavutit Isumaginninnermut Aqutsisoqarfimmi ilinniartoq ikiortissarput.

Atorfik pillugu
Allaffissornermi ilinniartumik allaffissornikkut assut ilisimasalimmik aamma Isumaginninnermut Aqutsisoqarfik tamakkerlugu suliassarpassuarnik suliaqartarnitsinni suleqataarusuttumik ikiortissarsiorpugut. Aqutsisoqarfipput suli annerusumik pitsanngorsarniarlugu illit ilinniartutut isumassarsiaqarluartutit nukissaqartutillu ilimagaarput. Uatsinni ilinniartutut ikiortitut ineriatorluarsinnaavutit misilittakkanillu pissarsilluarsinnaallutit. Ilinniartissavatsigit ilimagaarpullu suliassanik ajornakusoornarsinnaasunik naammassinnilluarsinnaasutit. Suliffimmut tulluutissaguit aaqqissuussamik sulisinnaassuseqassaatit, akisussaaffimmik tigumminnissinaallutit aamma suliassanik namminersorlutit allallu ilagalugit suliaqarsinnaassallutit. Suliassarsiortuunissat, alapernaatsuunissat aamma nammineerlutit suliassanik aallartitsisinnaanissat neriuutigaarput.

Suliat annerusut minnerusullu suliarineqarnerini illit suliassatit ilaatigut makkuussassapput:

  • sammisassaqartitsinermut ullorsiutinik ukiumullu pilersaarutinik suliaqarneq
  • angalasoqarnissaanut pequtinullu assartuisoqarnissaanik inniminniinerit
  • tapiissutit pillugit qinnuteqaatinik suliaqarneq qarasaasiakkullu qinnuteqaatinut immersuisarfipput aqqutigalugu qinnuteqaatinik Excel-imut ataatsimut nussuineq
  • aalajangiinermut allakkianik aaqqissuineq kommuninullu paasissutissanik nassiussuineq
  • aaqqissuussanik pilersaarusiorneq
  • allakkanik agguaassivigisartakkat oqarasuaatillu normuisa allattorsimaffiinik nutarterineq illillu iluani suliassanik suliaqarneq
  • allaffissornikkut suliassaalersunik allanik suliaqartarneq

Naatsorsuutigaarput:

  • TNI-mi, Ilinniarfissuarmi, Ilisimatusarfimmi imaluunniit assigisaanik ilinniagaqartutit
  • Digitalikkut aaqqissuussanik ilisimasaqarluartutit Excel-ilu pikkoriffigilluarit
  • attaveqaqatigiinnikkut piginnaasaqarluartutit - kalaallisut qallunaatullu
  • Nammineersinnaassuseqartutit, aaqqissuussaasumik suliaqarsinnaasutit, isumaqatigiissutigisanik piffissaliussanillu malinnissinnaasutit
  • sullisserusussuseqartuusutit, aalajaatsuullutit ilisimasaqarfigisannullu apeqqutit minnerusut annerusullu ikiuuffigissinnaagitit

Illilli makku pissarsiarissavatit:

  • suliffik siammasissumik suliassanillu assigiinngiiaartunik pissanganartunik suliassaqarfiusoq
  • attaveqaaterpassuit allaffissornikkullu assut ineriartorneq suliassanullu sunneeqataasinnaaneq
  • suleqatitit allat assigalugit angisuumik akisussaaffeqarneq ilinniarnerilli eqqarsaatigineqassaaq.
  • aqutsisoq suliamut tunngasunik piginnaasannut tatiginnittoq, piviusorsiortunik piumasaqaateqartartoq ineriartornissannillu salliussisoq
  • suleqatit pitsaasut suleqatigiilluarnissamik pingaartitsisut - aamma ulapaarfimmi
  • suliffeqarfik ilinniarfiusoq, siunissamilu ilinniareernerup kingorna suliffissarsiulernermi iluaqutissanik aallerfiusoq.

Ulloq atorfiniffissaq
Piaarnerpaamik, imaluunniit isumaqatigiissuteqarnikkut.

Qinnuteqarnissamut killigititaq tassaavoq ataasinngorneq 18. juuli 2022 nal. 12.00 (Nunatta nal.).
Sulilersitsinissamut oqaloqatiginninnerit ingerlaavartumik ingerlanneqarsinnaapput imaluunniit qinnuteqarnissamut killigititap kinguninnguani pisinnaallutik.
 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasissutissat allat
Atorfik pillugu itinerusumik paasisaqarnerorusukkuit Allattoqarfimmi pisortaq Sheila Flyckt Steen saaffigisinnaavat uunga oqarasuaammut:  +299 54 66 66 sianerlutit.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk