Skip to main content
89

Allaffimmioq

Biskopeqarfik allaffimmioq
allaffimmi silarlermiittussamik atorfinittussarsiorpoq



Namminersorlutik Oqartussat ataanni Biskopeqarfimmi Nuummiittumi allaffimmiuunertut atorfik (allaffimmi silarlermi) inuttassarsiuunneqarpoq, kingusinnerpaamik 1. december 2019.
Biskopeqarfik Kalaallit Nunaanni Ilagiit sinnerlugit oqaluffeqarnikkut allaffissornikkullu isumaginnittuuvoq. Biskopeqarfik ilagiit naalagaaffiup tapersersugaannik aqutsiveqarfiuvoq, provsteqarfinnut pingasunut, palaseqarfinnut 17-iusunut, suleqatinut 250-it missaanniittunut aammalu ilagiit sinniisaannut 200 missaanniittunut. 
Biskopi allaffeqarfimmut ningiuuvoq, sulisullu taassuma saniatigut tassaapput biskopeqarfimmi allaffimmut pisortaq, ilinniartitaanermut akisussaasoq, kontorlederi suliassanik isumaginnittuusoq taavalu allaffimmiuuneq inuttassarsiuunneqartoq allaffimmi silarlermiittussaq.
Allaffimmi silarlermi allaffimmiuunerup ilaatigut makku suliassarai:

  • Allagaataasivimmut inississuineq
  • Kontorlederi suliassanik isumaginnittoq suleqatigalugu journalimut allattuineq
  • Avammut allakkianik kukkunersiuineq (kalaallisut qallunaatullu)
  • Nutsigassat oqinnerusut
  • Biskopimut allattaasarneq
  • Suliffimmut atatillugu angalanissamut isumagisassat (kursusertussanut billetissanik inniminniisarneq il.il.)
  • Databasit, atuagaasiviit nioqqutissanullu toqqorsivimmut aserfallatsaaliineq nakkutilliinerlu
  • Allaffiup ammasarnissaanut akisussaaneq oqarasuaatinillu paarsineq
  • Allaffissornikkut suliassat allat

Atorfik inummik oqaluffeqarnermut ilageeqarnermullu tunngassuteqartunik soqutiginnillunilu ilisimasaqartumik inuttaqassasoq kissaatigineqarpoq.
Makkuttaaq piginnaaneqarfigissagitit kissaatigaarput:

  • Suliffeqarfimmi ulapaarfiusinnaasartumi sulinissamut sungiussisimasoq
  • Namminersortuussaatit, sullerissoq pisussaaffimmullu aalajaalluinnartoq
  • Ilikkajasuussaatit
  • Suliffinnit siusinnerusumit napparsimaqattaartarsimassanngilatit
  • Torersaallaqqissuussaatit
  • Teoriimut tunngasunut pikkorissuussaatit! (niuernikkut ilinniarsimasoq, TNI, N1 assigisaaluunniit)
  • Marluinnik oqaaseqassaatit kalaallisut/qallunaatut) allattariarsornermi oqaluttariarsornermilu.



Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk