Skip to main content
122

Dette jobopslag er udløbet

Allaffimmi pisortaq – Ineqarnermut immikkoortortaqarfik

Assersuutigalugu cand. jur., cand. merc. Jur assingusumilluunniit ilinniarsimasumik kiisalu allaffissornikkut aqutsinermilu piginnaasalimmik allaffimmi pisortassarsiorpugut.

Ineqarnermut immikkoortortaqarfik aaqqissuusseqqinnermik massakkut suliaqarpoq. Naalakkersuisoqarfiit attuumassuteqartut qanimut suleqatigalugit, Naalakkersuisut politikkikkut anguniagaasa piviusunngortinneqarnissaat atorfimmi suliassaapput.

Atorfik pillugu nassuiaat
Ineqarnermut, Attaveqatigiinnermut, Naligiisitaanermullu Naalakkersuisoqarfiup ataani immikkoortortaqarfiit sisamaasut, ineqarnermut immikkoortortaqarfik ilagaat.

Ineqarnermut Immikkoortortaqarfiup suliaat politikkikkut annertuumik eqqumaffigineqarput, soorluttaaq  inunnit tusagassiorfinniillu soqutigineqartut. Aaqqiissutissat tapersiissuteqarfigisagut innuttaasut tamagimmik ulluinnarni inuunerinut isumalerujussuupput, nunallu tamakkiisumik ineriartortinneqarnissaata piviusunngortinneqarnissaanut pingaarutilimmik aalajangiisuullutik.

Ineqarnermut immikkoortortami nutaamik aaqqissuusseqqinnerup ingerlanneqarnerani naalakkersuisoqarfiit akimorlugit misissueqqissaarnerit ingerlanneqarput, taannalu “Ineqarnermut immikkoortumut tamakkiisumik pilersaarut”-mik taaguuteqarluni. Misissueqqissaarnermi ineqarnermut tunngatillugu inuiaqatigiit aallaavigineqarput. Aserfallatsaaliisimannginnerit, siunissami pilersaarutaasumik aserfallatsaaliinissat, ineqarnermut akiliutit inissinneqarnissaat, ineqarnermullu tapiissutit ilaatigut misissorneqarput. Tassunga tunngatillugu pisortat inissiaataasa nutarterneqarnissaanni assassortut amigaatigineqannginnissaat qulakkeerumallugu, sanaartornermik suliaqartuni piginnaasat qaffassarneqarnissaat sammineqarpoq.

Namminersorlutik Oqartussani immikkoortortaqarfiit susassaqartut arlaqartut, kommunit, inuutissarsiutillillu akuutillugit, suliniut soqutiginarluinnartoq annertoorlu pineqarpoq.

Teknikkikut, aningaasaqarnermut, misissueqqissaarnernut, inatsisinut, allaffissornermullu tunngatillugu immikkoortortaqarfimmi sulisunik siunersiueqateqarsinnaasumik allaffimmi pisortassarsiorpugut. Tamatuma saniatigut suleqatigisat allat akornanni akimortumik suleqatigiinnerup nukittorsarneqarnissaanut allaffimmi pisortaq nukittorsaaqataassaaq.

Suliassat naammassineqarnissaannut qulakkeerinnillaqqikkuit, politikkikkullu suliassat eqqarsaatigalugit nukissat suliassallu ataavartumik tulleriiaarneqarnissaannut qulakkeerinnissinnaaguit, taava immaqa illit atorfimmut naleqqupputit.

Immikkoortortaqarfipput angisoorsuunani qanimut suleqatigiiffiuvoq, siammasissumillu suliassaqarfiulluni, matumani Namminersorlutik Oqartussat inissiaataat attartortittakkat, ineqarnermut tunngatillugu inatsit, immikkoortortaqarfiup suliaasa iluini tusarniaassutinut akissuteqaatit, Ombudsmandimit innuttaasuniillu saaffiginnissutit akineqarnissaat ilanngullugit. Ineqarnermut immikkoortumut tunngatillugu aningaasaliissutit aqunneqarnissaat immikkoortortaqarfiup aamma akisussaaffigaa.

Suliassanik assigiinngitsorpassuarnik suliaqartussamik, inatsisilerinermillu misilittagalimmik ujartuivugut.

Pingaarnertut akisussaaffigissavatit:

  • immikkoortortaqarfiup iluani tusarniaassutinut akissuteqaatit,
  • ineqarnermut immikkoortup iluani isumaqatigiissusiornerit, nakkutilliinerillu,
  • aaqqissuusseqqinneq; politikkikkut aalajangiinerit naapertorlugit inatsisiliornerit,
  • immikkoortortaqarfimmi sulisunik aqutsineq, suliassanillu agguataarineq.


Silaannakkut angallanneq, illuliortiternermi oqartussaaneq, nalunaarasuartaateqarneq il.il. pillugit naalakkersuisoqarfiit allat inatsisitigut siunersiueqatigineqarsinnaanissani qinnuteqartup aamma naatsorsuutigisinnaavaa.

Naatsorsuutigaarput
Qaffasinnerusumik ilinniagaqartutit, assersuutigalugu cand. jur., cand. merc. jur assingusumilluunniit kiisalu politikkikkut allaffissornikkullu aalajangeeriaatsit ilisimasaqarfigigitit kiisalu sulisunik aqutsineq misilittagaqarfigigit. Taamatuttaaq naatsorsuutigaarput;

  • IRIS, aningaasaqarnermilluunniit aqutsinermi systemi assingusoq ilisimasaqarfigigit (ilinniartitsisoqarsinnaavoq),
  • cBrain F2 ilisimasaqarfigigit (ilinniartitsisoqarsinnaavoq),
  • tamat isiginnissuseqarsinnaasutit, suliallu assigiinngitsut ataatsikkut ingerlassinnaagitit,
  • sunniuteqarsinnaasutit,
  • tatiginartutit, positiviusutit, naleqqussarsinnaassuseqartutillu,
  • eqeersimaartutit suleqateqarsinnaasutillu, namminersorlutillu sulisinnaassuseqartutit,
  • allattariarsornikkut oqaasiinnakkullu paasissutissiillaqqittutit kiisalu
  • atortut paasiuminaatsut paasiuminartunngorlugit saqqummiussinnaagitit


Tamatuma saniatigut immikkoortortaqarfimmi ataatsimoortumik piginnaasanik allaffimmi pisortatut atorluaanissat, nukissanik atorluaanissat, tulleriiaarinissallu pingaaruteqarpoq, aamma ilaatigooriarluni nukissat qaangerlugit suliassat annertusinnaaffiini. Akimortumik tamat isiginnissinnaassuseqassaatit, aaqqiissutissanullu tapersiisarlutit. Pingaarutillit takusinnaallugit eqqissisimasumik suleriaaseqarlutit tamat isiginnissuseqarsinnaaguit, aallaaveqarluarputit.

Kalaallisut qallunaatullu oqalussinnaallutillu allassinnaaguit, Kalaallit Nunaatalu inuiaqatigiivinut tunngatillugu ilisimasaqarluaruit iluassaqaaq, tamannali piumasaqaataanngilaq.

Neqeroorutigaarput

  • Politikkikkut aalajangissat qanillugit Naalakkersuisoqarfimmi sulineq.
  • Suliat suliarineqarnerini aqqutissat arlaqaratik, piumassuseqartunillu suleqateqarluni persuarsiunngitsumik, ammasumillu suliffik.
  • Inuttut suliatigullu unammillernartut kiisalu ilinniaqqinnissamut periarfissat.


Suliassaminnik namminneerlutik suliaqartartunik, suliassaminnullu namminneq akisussaaffeqartunik Ineqarnermut immikkoortortaqarfik pikkorissunik sulisoqarpoq. Immikkoortortaqarfimmi pisortaq politikkikkut aalajangiisartunut, allaffiullu sinneranut siunnersuisinnaatillugu tunngaveqarluarnissaq, immikkoortortaqarfimmi sulisut peqatigalugit aqqutissiuussinissat, piukkunnarsaanissallu suliassarissavat.

Suliffimmi nuannaarneq, akisussaassuteqarnerlu ingiaqatigiillutit angusat tulluusimaarutigisinnaallutigit, suliffik ulapaarfiullunilu suliatigut unammillernarfiuvoq.

Pitsaasumik persuarsiunngitsumillu suleqatigiit oqaluuteriaaseqarput, ulluinnarnilu nalinginnaasumik ulapaarfiusumi isumagissaarlutik sulisarlutik. Suliffeqarfiuvugut inissaqartitsilluartut, suleqatigiit ataatsimoorluartut, soorluttaaq suliffeqarnerup ilaqutariittullu inuunerup ataqatigiinnissaanik ataqqinniffiusoq.

Tusarfiginissat qilanaaraarput, Kalaallit Nunaannilu Naalakkersuisuni sulineq, ineqarnermut immikkoortortaqarfiup suliassai, suliffeqarfippullu nuannersoq pillugit ilisimasanik avitseqatiginissannut piareersimalluta.

Paasissutissat annertunerusut
Atorfik pillugu annertunerusumik paasisaqarusukkuit, immikkoortortaqarfik pisortaq Jeanette Holding oqarasuaammut 34 54 36-imut imaluunniit jeah@nanoq.gl-imut attavigisinnaavat.

Qinnuteqaat
Qinnuteqaammik kingusinnerpaamik tunniussivissaq 2021-mi marlunngornermi juunip 29-ani nal. 12.00-imut killeqarpoq.
Qinnuteqarnissamut killissarititaq qaangiunniariarpat, atorfinitsitsinissaq siunertaralugu oqaloqatiginninnerit ingerlanneqassap

Akissarsiat atorfeqartitaanermilu atugassarititaasut:
Atorfik akissaateqarfimmi (LR 36-mi) maanna inissisimavoq.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk