Find job
Dette jobopslag er udløbet
Allaffimmi pisortaq – Attaveqaasersuutinut immikkoortortaqarfiup imarsiornermut allaffiani
Kalaallit Nunaanni attaveqaasersuutit ineriartupiloorput – maannalu suleqatigiinnut ilaasinnaalerputit!
Allaffimmi pisortamik, allaffissornermi piginnaaneqarfeqarfeqartumik, allaffimmik immikkoortortaqarfimmilu sulianut immikkut ilisimasalinnik suleqateqarusuttumik pissarsiorpugut. Attaveqaasersuutinut immikkoortortaqarfimmi ulluinnaat ulapaarfiupput, assigiinngitsorpassuarnik suliassaqarfiullutik.
Imarsiornermut allaffik aalajangersimasumik isigalugu Namminersorlutik Oqartussat umiarsualiveqarnermi oqartussaasutut qitiuvoq, nunalu tamakkerlugu Namminersorlutik Oqartussat umiarsualiviutaannut immikkoortortami iluarsaassinermut aserfallatsaaliuinermullu akisussaasuulluni. Tamatuma saniatigut allaffimmiit imarsiorneq isumagineqarpoq, tassalu nunat tamalaat aallaavigalugit suliassanik annertuunik suliaqarpoq, kiisalu Namminersorlutik Oqartussani Naalakkersuisoqarfiit allat Danmarkimilu suliassaqarfiit akimorlugit suliassanik annertuumik isumaginnittuulluni.
Atorfik inatsisilerinermi allaffissornermilu suliassanik, isumaqatigiissutinik aqutsiffigineqartunik aqutsinerup, kiisalu Naalakkersuisut naalakkersuinikkut anguniagaanik piviusunngortitsisarnerup, tamanit eqqumaffigineqartup akornanni inissisimavoq.
Atorfik pillugu nassuiaat
Imarsiornermut allaffik attaveqaasersuutinut immikkoortortaqarfiup ataaniippoq, aammalu Ineqarnermut Attaveqaasersuutinullu Naalakkersuisoqarfimmi immikkoortortanut sisamaasunut ilaalluni. Allaffik immikkoortortaqarfimmi allaffiit marluusut aapparaat.
Attaveqaasersuutinut immikkoortortaqarfimmi “nunami, immami silaannarmilu” suliassanut tamanut pilersaarusiorneq, ataqatigiissaarineq suliaqartarnerlu isumagineqarput, taamaattumillu imarsiornermi, silaannakkut angallassinermi, mittarfeqarnermi, umiarsualiveqarnermi, naaralaartitsiveqarnermi kiisalu nunakkut imaatigullu assartuussinerni suliassaqarfinnut akisussaaffik tigummineqarluni.
Attaveqaasersuutinut immikkoortortaqarfimmi suliassat assigiinngitsorpassuit isumagineqarput, nunamut isorartuumut, siammasissumik inoqarfiusumut, aammalu attaveqaasersuutit ingerlalluarnissaannik pingaartitsiffiusumik kiffartuussisuuvoq.
Attaveqaasersuutinut immikkoortortaqarfiup suliai naalakkersuinikkut annertuumik eqqumaffigineqarput, aammalu inunnit tamanit tusagassiorfinniillu soqutigineqarlutik. Suliassat suleqataaffigisagut innuttaasut tamarmiusut ulluinnarni inuunerinnut annertuumik pingaaruteqarput, aammalu nunatsinni ineriartortitsiffiusinnaasut piviusunngortinneqarnissaannut pingaaruteqarlutik.
Allaffimmi pisortamik, apeqqutini misissueqqissaarnermut, teknikkimut allaffissornermullu tunngasuni aqutsisinnaasumik suleqateqarsinnaasumillu pissarsiorpugut.
Tamatuma saniatigut allaffimmi pisortaq allanik suleqateqarluni attaveqaasersuutit pillugit suliassaqarfiit akimorlugit sulinermik nukittorsaanermi suleqataassaaq.
Suliassat siumut ingerlanissaannut qulakkeerisarneq, isumalluutit suliassallu naalakkersuinikkut oqallisaasut ingerlasut naapertorlugit ingerlaavartumik tulleriiaarisinnaaneq, aammalu suleqatinik aqutsisunillu suliani suleqateqarsinnaaneq pikkoriffigigukku, imaassinnaavoq illit atorfimmut eqqortuusutit.
Attaveqaasersuutinut immikkoortortaqarfimmi sulisut pikkorissuupput, namminersorlutik suliassanik aaqqiisinnaasut aamma nammineq sulianut aningaasaqarnermullu akisussaaffeqartut. Allaffimmi sulisut peqatigalugit tunngavissat isumannaatsut pissasiariniartarnissaat uppernarsartarnissaallu suliassarissavat, tassanilu immikkoortortaqarfimmi pisortaq naalakkersuinikkut aalajangiisartunut siunnersuisinnaassaaq.
Sulineq avatangiisini ulapaarfiusuni suliatigullu unammillernartuni ingerlanneqarpoq, tassanilu sullivimmik nuannarisaqarneq akisussaaffeqarnerlu suliat tulluusimaarutigisinnaasatsinnik pitsaasumik inerneqarnissaannut ingiaqataatinneqarput.
Pissusilersorneq pingaartorsiorfiunngilaq, aammalu ulluinnarni amerlanertigut ulapaarfiusuni qiimaneq atuutsinneqarpoq. Suliffeqarfiuvugut inissaqartitsilluartoq, suleqatigiit ataatsimoorluarfigisaat aammalu sulinerup ilaqutariittullu inuunerup ataqatigiinnissaannut ataqqinniffiusoq.
Tunngaviusumik ilinniagartuutut kandidatimik, ajornanngippallu aaqqissuussaanermi naalakkersuinikkut aqunneqartumi, aningaasanut inatsimmik suliaqarfiusumi sulinermik ukiualunni misilittagalimmik pissarsiorpugut. Aamma qinnuteqartoq naleqquttoq imarsiornermi sulianik misilittagaqarsimassaaq. Kalaallisut oqalussinnaaguit iluaqutaasaaq, tamannali piumasaqaataanngilaq.
Tusarfiginissat qilanaaraarput, aammalu Kalaallit Nunaanni Naalakkersuisuni sulineq, attaveqaasersuutinut immikkoortortaqarfiup suliassai suliffeqarfippullu pitsaasoq pillugu ilisimasassanik pissarserusukkuit ikiorusuppatsigit.
Isumannaallisaanermi akuerisaaneq
Atorfimmut piukkussanut ilaassaguit, maleruagassat atuuttut naapertorlugit isumannaallisaanermi akuerineqarsinnaanissat piumasarineqarpoq. Taamaattumik aallaqqaammut pinerlussimasunut nalunaarsuiffimmiit naqitamik ilanngussillutit nassiussigit. Taanna najukkani politiit oqartussaaffiannut imaluunniit www.politi.dk/bestil/bestil-straffeattest aqqutigalugu aaneqarsinnaavoq.
Akissarsiat atorfinitsitaanermilu atugassarititaasut
Atorfik akissarsiat sinaakkutaannut 36-mi inissisimapput.
Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemanditut atorfeqareersimaguni nunatsinni pisortani tjenestemandit pillugit inatsisit malillugit tjenestemandinut atugassarititaasut naapertorlugit atorfinitsinneqarsinnaavoq.
Akissarsianut atorfeqartitaanermullu piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.
Piffissaq suliffiusussaq
Aallaaviusumik sapaatip akunnerani suliffiuvoq akunnerit 40-t, suliartoqquneqaratarsinnaanermut ukiumoortumut akunnerit 320-upput, qaammatinullu pingasunut avillugit 80-it, taamaattoq ulloq sulinngiffiusussaasoq annaagaani ajunngitsorsiassaqarfiunngilaq.
Inigisaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job