Skip to main content
116

Dette jobopslag er udløbet

Allaffimmi fuldmægtigimik (kontorfuldmægtig) Aalisarnermut, Piniarnermut Nunalerinermullu Naalakkersuisoqarfimmut, Piniarnermut Immikkoortortaqarfik

Piniarnermut aallaaniarnermullu immikkoortortaqarfik Aalisarnermut, Piniarnermut Nunalerinermullu Naalakkersuisoqarfiup, nunatsinni pisuussutit uumassusillit iluaqutiginiarneqarnerisa aqunneqarnerannik suliassaqarfiusup, ilagaa. Immikkoortortaqarfik inuttaligaavoq immikkoortortaqarfiup pisortaa ataaseq, AC-fuldmægtigit tallimat  aamma immikkoortumi ingerlatsisoqfuldmægtig-lu ataaseq.
 
Suliffeqarfimmi naalakkersuinikkut aqunneqartumi pisuussutinik uumassusilinnik piniarnermik aqutsinermik suliaqarusuppit, piginnaasannillu Kalaallit Nunaanni inuussutissarsiutit pingaarnersaannik piujuartitsinissamik tunngaveqarluni ineriartortitsinissamik qularnaarinermut ilisimasanit atuerusullutit? Kalaallit Nunaanni aalisarneq piniarneq nunalerinerlu naalakkersuinikkut eqqumaffigineqartorujussuuvoq, nunami namminermi nunanilu tamalaani soqutigisallu imminnut aporaattartut naammattoorneqartarmata, malinnaaginnarsinnaanissaq pisariaqartarluni.
 
Allaffimmi fuldmægtigitut atorfik allaffissornikkut atorfiuvoq, kommuninut annertuumik attaveqarfiusartoq, taamaattumillu atorfimmi attaveqaqatigiissinnaanermut piginnaaneqarnissaq aamma iluaqutaassalluni.
 
Suliassat

  • Arfernik angisuunik, qilalukkanik qernertanik qaqortanillu, nannunik aavernillu immikkut pisanik nalunaarutinit paasissutissanik qarasaasianut immiussisarnissaq akisussaaffigissavat
  • Immikkut pisanik nalunaarutini amigaatit piniagassanillu pisassiisarluni killilersukkanik pisassiissutinik atuineq pillugit kommuninut attaveqartarnissaq
  • Naalakkersuisoqarfiup piniarnermik allagartaqarfianut ikiortaanissaq
  • Immikkoortortaqarfiup ataatsimiinnerini imaqarniliartoq.

 
Piginnaasassat

  • Nammineersinnaassaatit akisussaassuseqarlutillu
  • Aaqqissuussamik peqqissaartumillu sulisinnaaneq
  • Suleqatikkuminarneq qiimasuunerlu
  • Paasissutissanik qarasaasiakkut, taassuma ataani excel-regneark suliaqarnermik, minnerunngitsumik databasinik, soqutigisaqarneq
  • Qarasaasiat atorlugit allakkanik aqutseriaatsimik Cbrain/F2-imik ilisimasaqarnissaq.

 
Akissarsiat atorfeqarnermilu atugassarititat
Akissarsiat atorfeqarnermilu atugassarititat atorfininnerup nalaani Naalakkersuisut SIK-llu isumaqatigiissutaat atuuttut malillugit pissaaq. Suliffimmut atasumik inissaqartitsisoqarpoq, malittarisassallu naliginnaasut malillugit ineqarnermut akilersuisoqassalluni.
 
Annertunerusumik paasisaqarumagaanni attavigineqarsinnaavoq immikkoortortap pisortaa Amalie Jessen, oqarasuaat 34 53 04, amalie@nanoq.gl
 
Atorfininneq: 1. Juni 2019 imaluunniit isumaqatigiissuteqarneq malillugu.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk