Skip to main content
141

Dette jobopslag er udløbet

Allaffimmi aqutsisoq

Allaffimmi aqutsisoq

Aasianni ilinniarnertuunngorniarfik (GUX Aasiaat) ilinniarluarsimasumik misilittagaqartumillu ilinniarnertuunngorniarfiup allaffiani allaffimmi aqutsisussarsiorpoq.
Ulluinnarni allaffissornermi sulisunut ikittunut aqutsisuussaatit rektorimut akisussaaffeqarlutit ilinniarnertuunngorniarfiup pisortaanut allaffissornermi suliassanik suliaqartassallutit aamma ilinniarnertuunngorniarfiup ilinniartitsisui ilinniarnertuunngorniartuilu sullitarisassallugit.
Allaffissornermi sulisut akisussaaffii pingaarnerit makkuupput:

  • GUX-mut ilinnialernissamut qinnuteqaatit suliarineri
  • Ilinniarnertuunngorniarfiup allaffissornikkut periutsinik pitsaasunik ingerlaavartumik ineriartortitsineq aamma aserfallatsaaliuisarneq
  • Ilinniarnertuunngorniarfiup aningaasanut tigoriaannarnut toqqorsivianik ingerlatsineq
  • Allatseqarnermut tunngasunik suliaqartarneq (nalunaarsuisarneq, toqqortaatinut ilioraaneq, ilinniarnertuunngorniarfiup ataatsimut allakkanut nakkartitsivia, sulinermut atatillugu angalanerit il. il.)
  • Allaffissornermut atortunik assingusunillu ilinniarnertuunngorniarfiup iluani tunisaqartarneq il. il.
  • Akiligassat kollegiamut tunngasut
  • Ilinniarnertuunngornianik allaffissornikkut aqutsineq, tassunga ilanngullugit ilinniartuunersiutit, angalanerit, inigisamut akiliutit aamma nerisaqarnermut aningaasartuutit kiisalu soraarummeernermut allagartat
  • Kisitsisit paasissutissat aamma pisortanik ilisimatitsisarneq
  • Akissarsialerineq aamma sulisunik allaffissornikkut sullissineq
  • Missingersuutit aamma naatsorsuutit

Allaffiup ataatsimoortunik suliassaanik ataatsimut nakkutiginnissinnaaneq aaqqiissutissamillu ataqatigiissaarisarneq suliassarissavatit, ilaatigut nammineq erseqqissunik akisussaaffeqassallutit. Atorfinitsinneqarninnut atatillugu suliassat agguataarneqartarnerat maannakkut atuuttuusup allanngortinneqarsinnaassaaq, taamaaliornikkut illit aamma sulisut allat piginnaasaasa sapinngisamik pitsaanerpaamik atorluarneqarsinnaassammata.
Suliassat naammassineqartassapput AC-fuldmægtigi aamma IT-mik immikkoortortaqarfik suleqatigalugit.
Piginnaanerit kissaatigineqartut:

  • Qungujunnartunut tappissoq aamma ilumoorsaanngitsumik pissuseqartoq
  • Marluinnik oqaaseqarneq iluaqutaassaqaaq (kalaallisut aamma danskisut)
  • Sulilluarsinnaasoq
  • Ulluinnarni allanngortumik suliffiusartumi allanngoriasaarnissamut sillimasinnaassuseqartoq
  • Sullisserusussuseqartoq
  • Ilinniarnertuunngorniarfiup atugaanik IT-mut atortunik ilisimasaqarneq (Microsoft Office, Lectio, IRIS aamma XAL)
  • Suleqatigiinnissamut piginnaaneqarneq aamma attaveqaqatigiinnermut – allaffiup iluani aamma ilinniartitsisunut ilinniarnertuunngornianullu
  • Ataqatigiissumik aaqqissuussisartoq, tamanik malinnaaneq, torersuunissamik piginnaaneqarneq aamma akisussaassusermik pingaartitsisoq
  • Ulluinnarni aqutsinissamut piumassuseqarneq aamma piginnaaneqarneq
  • Allaffimmiutut ilinniagaqarsimaneq aamma pisortani allaffissornermik annertuumik misilittagaqartuuneq, tassunga ilanngullugit aningaasaqarnermik aamma sulisoqarnermik

Neqeroorutigaavut

  • Atorfimmi suliassanut sunniuteqarnissamut periarfissaqarneq
  • Nammineq suliaqartarsinnaanermut akisussaassuseqarnissamullu periarfissat
  • Suleqatit aallussilluartut
  • Sulisunut pitsaaqutit soorlu assersuutigalugu timigissartarfimmiittarnissaq aamm qaannamik sisoraatinillu attartorsinnaaneq

Atorfik 16. januar 2023 imaluunniit tamatuma kingornatigut piaartumik inuttalerneqarnissaa kissaatigineqarpoq.
Paasissutissat atorfimmut tunngassuteqartut pissarsiarineqarsinnaapput Dorthie Siegstad uunga dorthie@gux-aasiaat.gl, tlf. +299 56 01 46.

Qinnuteqarnissamut piffissarititaasoq kingusinnerpaaq tassaavoq 09. december 2022. Qinnuteqartut ingerlaavartumik oqaloqatigineqarnissamut aggersarneqartarumaarput.

 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk