Skip to main content
114

Dette jobopslag er udløbet

Allaffimmi aqutsisoq

Nunatta Atuagaateqarfia aningaasanik aqutsisussamik sulisussarsiorpoq 1. september 2021 isumaqatigiissuteqarnikkuulluunniit sulilersussamik.

Qaninnertut Nunatta Atuagaateqarfiata pisortaa suleqatigisassavat. Namminersorlutik Oqartussani Aningaasaqarnermut Sulisoqarnermullu pisortaqarfimmut attaveqaataassaatit kiisalu atuagaateqarfiup qullersaqarfianut Ilinniartitaanermut, Kultureqarnermut, Timersornermut Ilageeqarnermullu pisortaqarfimmut.

Suliarisassavatit:
•    Atuagaateqarfimmi aningaasaqarnermik ingerlatsinermi pingaarnertut inissisimassaatit.         Ingerlatsinermut suliniutinullu naatsorsuutinut akisussaasuussaatit
•    Atuagaateqarfiup pisortaa teamillu aqutsisui peqatigalugit aaqqissuussat suliassat il. il.         qaammatikkaartumik kvartalikkaartumillu aningaasatigut missingersuutaat               suliarisassavatit
•    Atuagaateqarfip pisortaa teaminilu aqutsisut suleqatigalugit atuagaateqarfiup         aningaasatigut missingersuutai suliarisassavatit
•    ERP systemimut akisussaasuussaatit minnerunngitsumillu systemimut superbrugeriussallutit
•    Allaffissornermi sulisut ikiortaasullu sulianik ineriartortitseqatigissavatit
•    Sulisut tiimiisa webtasimut nalunaarsortarnerannut nakkutilliisoq
•    Inatsisit maleruagassat Nunatta Atuagaateqarfiatalu sulisoqarnermut tunngasut         maleruaqqusaat allallu pisortatigoortut ingerlannissaat akisussaaffigissavatit

Naatsorsuutigaarput:

•    Aningaasatigut allaffissornermilu aalajangingassanut piginnaaneqartuusutit 
•    Aningaasanik aqutsisinnaanermik ingerlatsinermilu misilittagaqartutit 
•    Aningaasaqarnermut allaffissornermullu tunngasunik ilinniagaqarsimassaatit imaluunniit       AU-tut aningaasaqarnermut aqutsisinnaanermullu ilinniagaqarsimassasutit
•    Kalaallisut qallunaatullu allassinnaallutillu oqalussinnaassaatit
•    Suleqateqallaqqittuusutit suleqatillu allanik ilinniagaqarsimagaluartut       suleqatigilluarsinnaagitit

Uagut pilluta:
Nunatta Atuagaateqarfia, Nuummi innuttaasunut atuagaateqarfiuvoq nunatsinnilu qitiusumik atuagaateqarfiulluni. Groenlandica, Nunarput Inuilu pillugit Atuagaateqarfik Nunatta Atuagaateqarfiata ataaniippoq, Ilimmarfimmi inissisimalluni.
 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk