Skip to main content
152

Allaffeqarfimmi suleqataasoq

Nuummi atuarfiup allaffeqarfiani allaffimmi fuldmægtigitut atorfik 1, august 2019 inuttaarutissaaq. Pineqartoq tassaavoq atorfik piffissaq tamakkerlugu suliffiusoq sapaatit akunneranut nalunaaquttap akunnerini 40-ni.

Suleqatissarsiorpugut aalajaatsumik suliassarsiornissamut kajumissuseqartumik, qiimasumik, tamarmiusumik isiginnissinnaasumik ilaatigut ulluinnarni ulapiffiusaqisuni. Suleqataasussaq aaqqissuussilluartuussaaq nammineerluni sulisinnaasoq aamma allanik qanimut suleqateqarsinnaasoq. Attaveqarfigisartagassatit amerlassapput taamaattumillu piareersimaffigissavat attaveqaqatigiinneq annertujaartoq aamma ilinniartunik, sulisunik aamma avataanit saaffiginnittunik sullissisarnissat. Suliassanik assigiinngitsorpassuarnik suliassaqartassaatit taamaattumik pingaaruteqarpoq tulleriiaarillaqqissuunissat aamma pilersaarusiortarnissat, taamaalillutik suliassat naammassineqartassallutik piffissatut killiussatut aalajangersakkap iluani. Tassaagatta atuarfik annertusiartortoq aamma allanngoriartortoq pingaaruteqarpoq allannguisarnernut periareersimasuunissat, kiisalu suleriaatsinik nutaanik periarfissanillu ujartueqataanissat.
Suliassat pingaarnerit tassaapput:

Allaffissornermi suliassat atuarfiup sulisuinut atuartuinullu attuumassuteqartut soorlu assersuutigalugit:

  • Atuartussanik akuersisarneq / atuarunnaarnerit / nuutsitsisarnerit aamma ilinniartuunersianut tunngasut suliassat (ukunani "mit perspektiv" aamma "IT-reg")
  • Kollegianut isumaqatigiissutinik suliaqartarneq aamma nerisaqarnermut aaqqissuussinermut ilanngutititsinerit
  • Atuartut illoqarfimmiit allaneersut aamma atorfinittut nutaat angalanissaannut inniminniinerit
  • Allakkanik agguaasarnerit
  • E-mailinik misissuisarneq aamma akissuteqartarneq
  • Soraarummeersimanermut uppernarsaatinik suliaqartarneq aamma karakteerinik lectiomi allattuisarneq
  • Salto matuersaatinik tunniussisarneq aamma programilerineq
  • Allaffissornermi lærlinginik suleqateqartarneq aamma ilinniartinneqartarnerannik akisussaaqataaneq
  • Kollegiani sulisunik suleqateqarneq


Naatsorsuutigaarput: 

  • Uppernarsaasersinnaagit allaffissornermi ilinniagaqarsimasuunerit aamma sulianut matuma siuliani taaneqartunut misilittagaqarlutit.
  • IT-mi atortunik ilisimasaqartutit soorlu assersuutigalugit Excel, Word, kiisalu iluaqutaassaaq lectio aamma it-reg atorsinnaagukkit ulluinnarni IT-mi atortuni assigiinngitsorpassuarni suliaqarsinnaaneq, tassani uagut ilinniartitsineq pisariaqarpat isumagissavarput. 

Atorfimmut atatillugu inissaqartitsisoqanngilaq.

Paasissutissat sukumiinerusut ilinniartitaanermi aqutsisumut rektorimullu taartaasumut Ivalo Rosingimut telefon 00299-363389-imut sianerluni pissarsiarineqarsinnaapput. Atorfinitsinneqarnermi piffissaqassaaq qaammatinik pingasunik misiliiffiusumik, ataavartumillu tamanna oqaloqatigiissutigissavarput.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk