Skip to main content
144

Allaffeqarfimmi pisortaq siunissamut takorluuisoq aamma kisitsisilerillaqqissoq

Kalaallit Nunaanni inuussutissarsiornermi ilinniarfiit annersaat allaffeqarfimmi nutaamik pisortassarsiorpoq ilinniarfiup suli ineriartornissaanut peqataasussamik.

Teknikimik Ilinniarfik Namminersorlutik Oqartussat ataanniippoq inuussutissarsiornermi ilinniartitaanernik Saviminilerinermut, Sanaartornermut, Aatsitassalerinermut, Ilinniarnertuunngorniarnermut tunngasut aamma oqaatsinik pikkorissartitsinerit Nuummi aamma Sisimiuni ingerlatsisuulluni. Taamatuttaaq KTI ingeniørinngorniarluni ilinniartitaanernik ingerlatsiffiuvoq, tamanna Danmarks Tekniske Universitet (Arctic - DTU) suleqatigalugu ingerlanneqarluni.
Ukiuni kingullerni ilinniarfik assut pissanganartumik ineriartorpoq ingerlatsinerni annertussiartortitsinikkut taamatullu ilinniartut/ilinniakkamik ingerlatsisut amerlassusiatigut. Annertusititsinissamik pilersaarutit ingerlaavartumik sulisuutigaavut maannakkullu ilinniarfiup siulersuisui inuussutissarsiornermi ilinniartitaanernik aamma ingerlaqqiffiusumik ilinniartitaanernik nutaanik pilersitsiniarlutik angusaqariartorput DTU aamma Københavns Maskinmesterskole suleqatigalugit.

Kalaallit Nunaanni inuussutissarsiutitigut ineriartorneq qanimut malinnaaffigineqarpoq aamma soorlu assersuutigalugu aatsitassarsiornermi piiaaffiit angisuut ammarneqarnissaat piareerpat, ilinniarfimmit ilinniartitaanerit nutaat aallartinneqassapput aatsitassarsiornermut sammilluinnartut. aatsitassarsiornermut sammisumik ilinniarfiit aamma universitetit USA-mi, Canadami, Norgemi, Islandimi aamma Savalimmiuni suleqatigaagut.

Atorfik
Ilinniarfiup forstanderia, pisortap tullia, ilinniartitaanermut pisortat sisamat aamma kollegieinspektøri peqatigalugit aqutsinermi suleqataassaatit, siunissamut pilersaarutinut tunngatillugu taamatullu ingerlatsinermut sammisumik. Taaneqareersutut ilinniarfimmi ineriartornermut tunngasut assut pissanganartut ingerlapput, illit tamakkununnga allaffissornikkut tunngavissanik tunniussisuunissat naatsorsuutigissavat. Ilinniartitaanernut ingerlanneqartunut allaffeqarfimmi pisortaassaatit ilaatigut Nuummi aamma Sisimiuni allaffimmi aqutsisut ikiortigalugit.  

Ulluinnarni pingaarnertut akisussaaffigisassatit tassaapput:

  • Missingersuusiorneq aamma malinnaaffiginninneq, naatsorsuutinik siulersuisunut aamma Namminersorlutik Oqartussanut tunniussineq
  • Siulersuisunit sullissinermut peqataaneq
  • Ingerlatsinermi naatsorsuutinik aamma ilinniartitsisut nalunaaquttap akunnerinik atuinerinik Naalakkersuisoqarfimmut nalunaaruteqartarneq ilinniarfimmi pisortap tullia suleqatigalugu
  • Allaffeqarfimmi suliassanik aamma suleriaatsinik tamanik ataqatigiissaarineq.


Naatsorsuutigaarput illit

  • Pisortat suliffeqarfiutaanni allaffissornermik aamma aningaasanik aqutsinermik misilittagaqartutit aammattaaq immikkut kisitsisinik paasisimasaqartutit
  • Nalilersueqqissaarnermik pitsaasumik piginnaasaqartutit
  • Aallussilluartuusutit aammattaaq attaveqaqatigiinnermut pitsaasumik piginnaasaqartutit aamma suleqatigiinnissamut piumassuteqarlutit
  • Ataatsimoortitsillutit isiginnissinnaasutit taanna iluaqutigalugu pilersaarusiorsinnaallutit aamma suliassanik tulleriiaarisinnaallutit
  •  Ingerlaqqiffiusumik ilinniaqarsimasutit.

Annertunerusumik paasisaqarusukkuit
Forstander Jokum Møller sianerfigisinnaavat uunga telefon +299 867600 - jomo@kti.gl imaluunniit pisortap tullia
Finn Ommestrup +299 527388 – fimo@kti.gl

Qinnuteqaatit nassiuguk
Qinnuteqaatit ingerlaavartumik nalilersorneqassapput. Sapinngisamik piaartumik atorfinitsitsisoqassaaq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk