Skip to main content
97

Dette jobopslag er udløbet

Allaffeqarfiani allaffissornermi ataqatigiissaarisoq

Nuummi Ilinniartut Ineqarfiisa Allaffeqarfiat (KAF) allaffissornermi ataqatigiissaarisussamik piaartumik atorfinissinnaasumik pissarsiorpoq.
 
Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoqarfiup ataani inissisimasutut Nuummi kollegiani inissiat 738 sinnilaarlugit allaffissornikkut KAF isumaginnittuuvoq. KAF-imut aningaasaliissutit 14,2 mio. kr.-t ataatilaarsimavai, ulluinnarni ulapaarfiulluni allaffissornermi ataqatigiissaarisussamik sullissinikkullu pissutsinik pitsanngorsaaniarneq annertuumik aallunneqarluni.
 
Atorfimmi suliassat assigiinngitsorpassuit ulluinnarni ulapaarfiusumi suliassaraatit, taakkununnga ilaapput:

  • Ilinniartunut/ineqartunut ulluinnarni attaveqartarneq
  • Qinnuteqaatit immersugassanik assigiinngitsut ineriartortinneqarneri
  • Matuersaasersuineq (Salto & ILoq)
  • Inigineqartunik nalunaarsorsimaffiup atajuartinnissaanut nutartertarnissaanullu peqataaneq
  • Suliffeqarfiup paasissutissiisarnerani atortut aaqqissuuttarnissaat (intranet, nittartagaq aammalu Smartsign)
  • Allaffimmi suliassat tamalaat


Sapaatip akunneranut suliffiit akunnerit 40-put. Aqutsisup tullersortaa ulluinnarni qullersarissavat.

Naatsorsuutigaarput:

  • Suliamut attuumassutilinnik ilinniagaliussasutit taamatullu sullissinermik misilittagaqarnissaq
  • Oqaatsitigut attaveqatigiilluarsinnaaneq
  • Kiffartuusserusussuseqartutit, nuannaartuullutillu suleqatigiuminartuussasutit
  • Nammineersinnaasutit, aaqqissuisinnaassuseqartutit ineriartorusussuseqartutillu
  • Marluinnik kalaallisut/danskisullu oqaaseqarnissat iluaqutaassaqaaq kisianni piumasaqaataanngilaq


Allaffissornermi sakkussat uku misilittagaqarfiginissaat kissaatigineqarpoq, kisiannili piumasaqaataanngilaq, ilinniartinneqarneq ingerlanneqarumaarmat:

  • Microsoft Office-pakken (Word, Outlook og Excel)
  • IRIS
  • XAL


Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
 
Qinnuteqarnissamut killiliussaq ulloq 16. december 2020 nal. 12:00. Annertunerusumik paasisaqarusukkuit, kontorchef Peter Hardenberg Davidsen, oqarasuaat 34 23 80-imut sianerlutit attavigisinnaavat.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk