Skip to main content
138

Dette jobopslag er udløbet

Akiliisitsiniartartut Kontorfuldmægtig / Konsulent

Kalaallit Nunaanni Namminersorlutik Oqartussat
Akileraartarnermut Aqutsisoqarfik
Akiliisitsiniartartunik kontorfuldmægtig/konsulent-inik marlunnik sulisussarsiorpoq

Akileraartarnermut Aqutsisoqarfimmi akiliisitsiniartartutut atorfiit marluk ulloq 01. juli 2022-imiit imaluunniit isumaqatigiissuteqarnikkut inuttassarsiuunneqarput.
Aaqqissuussaanikkut atorfiit akiliisitsiniartarnermut immikkoortortaqarfimmi inissisimapput, Sisimiuni allaffeqarfimmi sullivittut inissisimallutik.

Suliassat:
Pingaarnertut suliassaallutik innuttaasunut namminersortunullu akiliisitsiniaaneq, taamaattumillu nammineerluni suliassanik suliarinnissinnaanissamut piginnaasaqarnissaq naatsorsuutigineqarluni, aammalu ajornanngippat akiliisitsiniartarnermi inatsisinut attuumassutilinnut ilisimasaqarnissaq, naatsorsuusiornermullu paasinnissinnaaneq, kiisalu pitsaasumik oqaasiliorsinnaanermut – isumaqatigiissuteqarniarsinnaanermullu piginnaasaqarnissaq.
Taamatuttaaq akiliisitsiniartarnermi suliassanut tamanut peqataasassaatit, akileraartarnermut Aqutsisoqarfimmi immikkoortortaqarfiit allat suleqatigalugit.
Saaffiginnittunik sullisserusuttuussaatit. Nutaanik ilinniagaqassallutit soqutigisarissavat, suliassa-nillu nutaanik suliaqassallutit akunnattoorfigissanagu. Atorfinititsinermut atatillugu suliassanut qulaani taaneqartunut ilinniartinneqassaatit.
Akiliisitsiniartarnermi immikkoortortaqarfimmi pisortanut akiitsunik tamanik akiliisitsiniaaneq ingerlanneqartarpoq.
Akiliisitsiniartarnermi immikkoortortaqarfik katillugit 26-inik sulisoqarpoq. Illoqarfinnilu ukunani inissisimallutik: Nuuk, Qaqortoq, Maniitsoq, Sisimiut aammalu Ilulissat.
Akiliisitsiniarnermi allaffimmi pisortaq qaninnertut aqutsisorissavat.

Piginnaasat:
Naatsorsuutigineqarpoq allaffimmiutut assigisaanilluunniit ilinniagaqarsimanissat, assingusumillu misilittagaqareersimanissaq, kiisalu qarasaasiamik atuisinnaanissat, namminersorlutillu sulisinnaa-nissat, peqataalluartuunissat, aalajaallutillu akisussaaffeqarluartumik sulisinnaanissat.
Kalaallisut/qallunaatut/tuluttullu piginnaasaqartuunissaq iluaqutaassaaq.
Kalaallit kulturiannik inuiaqatigiinnilu pissutsinik ilisimasaqarnissaq piumasarineqarpoq.
Atorfimmut ilisimasaqareerneq, inatsisitigut naatsorsuuserinermut paasinnilluarsinnaaneq.

Atorfik pillugu saaffiginniffissaq:
Atorfik pillugu apeqquteqartoqarsinnaavoq uunga allaffimmi pisortaq Hans Lars Mathiessen oqarasuaat toqqaannartoq +299 34 65 34 / mail: hama@nanoq.gl
Qinnuteqaat ilinniarsimanermut paasissutissat, siusinnerusukkut suliffigisimasat soraarummeer-simanermullu uppernarsaatit nuutinneri ilanngullugit nassiunneqassapput:
niitartagaq www.naalakkersuisut.gl aqqutigalugu

Piffissaq qinnuteqarfissarititaasoq kingulleq:
Qinnuteqaatit Akileraartarnermut Aqutsisoqarfiup kingusinnerpaamik tigoreersimassavai 13.06. 2022.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job
Qinnuteqaat nassiuguk