Skip to main content
105

Dette jobopslag er udløbet

Akiligassat akilertissinnaasarpigit?

Suleqatissarsiorpugut Akileraartarnermut Aqutsisoqarfiup pisortanut akiligassanik kinguaattooruteqalersoqartarnera pinaveersaartinniarlugu sulineranut siuttuusussamik.

2019-imi ukiakkut Naalakkersuisut akilersuisarfik Ilanngaassivik pillugu inatsisissatut siunnersuummik saqqummiussissasut naatsorsuutigineqarpoq, siunnersuummut tunuliaqutaasut kinguliini isertarfinni annertunerusumik atuakkit.

Ilanngaassivimmik allaffissornikkut aqutsineq Akileraartarnermut Aqutsisoqarfimmi inissinneqassasoq naatsorsuutigineqarpoq - taamaammat ujartorpatsigit.

Uagut pilluta
Akileraartarnermut Aqutsisoqarfik 125-nik sulisoqarpoq Nuummi, Qaqortumi, Maniitsumi, Sisimiuni, Ilulissani kiisalu Danmarkimi allaffinnut agguataarsimasunik.

Aqutsisoqatigiiffiup pingaarnertut suliassai ilaatigut tassaapput Akileraartarnermut Aqutsisoqarfiup aqutsisoqatigiivinik, Aningaasaqarnermut Naalakkersuisoqarfimmik kiisalu naalakkersuinermik suliaqartunik siunnersuisarnerit. Tamakku saniatigut Akileraartarnermut Aqutsisoqarfiup sulianut tunngasutigut immikkoortortaqarfiisa sinnerinik kiffartuussisarpugut.

Suliffik persuarsiorfiunngitsumik ammasumillu sulinermi atugassaqarfiusoq, assigiinngiiaartunik suliassaqarfiusoq, suliakkiisartunut qanittumik inissisimasoq sulilluartunillu sulisulik neqeroorutigaarput. Suliffeqarfiuvugut isummersoqatigiittarnertigut suliatigullu immikkoortortaqarfiit ineriartortinnissaannut pitsaasunik periarfissaqarluta.

Aaqqissuussaanikkut inissisimaneq
Atorfik Akileraartarnermut Aqutsisoqarfiup Nuummi allaffeqarfiani aqutsisoqatigiinni inissisimavoq. Aqutsisoqatigiiffimmi sulisut qulingiluaapput, suleqatigiinnut marlunnut avissimallutik: Aningaasaqarneq & Inatsisilerineq aamma Ineriartortitsineq & Nunanut tamalaanut attaveqarnerit. Atorfik Ineriartortitsineq & Nunanut tamalaanut attaveqarnerni inissisimavoq.

Suliassat

  • Ilanngaassiviup ineriartortinneqarneranut atugaalerneranullu akisussaaneq.
  • Tamatigoortumik suliniummik aqutsineq, taamatuttaaq suliniutip siuariartornissaa qulakkeerniarlugu pingaarnertut ataqatigiissaarisuuneq ingerlatitsisuunerlu.
  • Suliffeqarfimmi taamatullu allani suliniut pillugu pingaarnertut inuttut attaveqaataaneq.
  • Suliniutip allaaserineqarnerinik suliaqarneq aamma suliniutip piffissalersugaaneranik taamatullu tamakkuninnga malinnaatitsinermik pilersaarusiorneq.
  • Suliniut pillugu Akileraartarnermut Aqutsisoqarfiup pisortaanik, Aningaasaqarnermut Naalakkersuisoqarfimmik taamatullu naalakkersuinermut tunngasunik sulialinnik sullissineq, taamatuttaaq pingaartumik allakkialiortarneq, assersuutigalugu § 37 malillugu akissutissanut ilanngussisarneq il.il. kiisalu assersuutigalugu aqutsisoqatigiit ataatsimiinnerinut peqataasarneq.
  • Pisiniarfigisartakkanut allanillu pisarialimmik suleqatigineqartunut ingerlaavartumik attaveqartarneq.
  • Suliassat nukinginnartut.


Suliassat tamatigoortuupput - naatsorsuutigaarpullu illittaaq taamaattuusutit. Taamaakkaluartoq naatsorsuutiginngilarput illit tamaasa sapinngeriissagitit.

Atorfiup suliniummut Ilanngaassivimmut taassuminngalu aallaaveqarlutik suliniutinut 2019-2020-mi tamakkiisumik sammititaalersimanissaa naatsorsuutigineqarpoq. Suleqaterput aammattaaq aqutsisoqatigiit ataatsimoorlutik suliarisartagaannut suleqataalluni peqataasassaaq, pingaartumik ingerlaavartumik ataatsimoorluni ataatsimiittarnernut.

Siunissami suliniutigineqartullu siuariartulernerat peqatigalugu atorfimmi suliassat aammattaaq IT-mik suliniutinik allanik ilaqalersillugit annertusineqarnissaat naatsorsuutigineqarpoq.

Ilanngaassivik pillugu inatsisissatut siunnersuutip tamanut tusarniaassutigineqarneranut isertarfik:
Kalaallisut:
http://naalakkersuisut.gl/kl-GL/Tusarniaanerit/Tusarniaanerit-pereersut/2019/Ilanngaassivik
Danskisut:
https://naalakkersuisut.gl/da/H%c3%b8ringer/Arkiv-over-h%c3%b8ringer/2019/Ilanngaassivik

Ilinnut tunngasut
Sulianut tunngasutigut piginnaasat

  • Eqqarsaatigaarput inuiaqatigiileraluni ilisimatusarnermik ilinniagaqarsimassasutit imaluunniit teknikimut tunngasunik suliaqarsimallutit kisianni sumik ilinniagaqarsimaneq pingaarnerpaajunngilaq.
  • IT-mut tunngasunik aaqqiissutissanik piviusunngortitsisarnermik misilittagaqarneq.
  • Suliniutinik aqutsinermik misilittagaqarneq.
  • IT-mik atortulersuutinik nalinginnaasunik atuinermik sungiussisimaneq (office-mik atortulersuutit pingaartumik) taamatullu IT-mik suleriaatsinik sukumiisumik ilisimasaqarneq.
  • Pisortat ingerlatsiviini misilittagaqarsimanissat aaqqissuussaanermilu naalakkersuinikkut aqutaasumi sulisimanissat kissaatiginarpoq.
  • Oqallorissuuneq allallaqqissuunerlu, ajornanngippat kalaallisut, danskisut tuluttullu.
  • Kalaallit kulturiannut aamma inuiaqatigiinnut kalaallinut ilisimasaqaruit iluaqutaassaaq.


Inuttut piginnaasat

  • Sakkortuumik ineriartortitserusussuseqarputit pissusissamisoortumik piumassuseqarneq ulluinnarsiutigalugu.
  • Suliassanut sakkortuumik akisussaassuseqaatigalutit suliassat assigiinngiiaartut arlallit suliarisarnissaannut pissusissamisoortumik piumassuseqarputit.
  • Inuttut alapernaatsuuvutit sammisassanut nutaanut pulasinnaassuseqarlutit piumassuseqarlutillu.
  • Inunnut assigiinngitsunik tunuliaqutalinnut IT-millu sammisaqanngitsunuttaaq attaveqallaqqissuuvutit.
  • Qamuuna ilukkut isumaqatiginninniallaqqissuuvutit ilaannikkooriarluni soqutigisallit isumaqataanngitsut peqatigalugit ataatsimoorluni aaqqiissutissanut aallaaviusinnaasumik.


Aningaasarsiat atorfinitsitaanermilu atugassarititaasut 
Atorfininnissaq piaarnerpaamik pissaaq.  Kisiannili atorfimmut piukkunnaatilik eqqortoq utaqqisinnaavarput.

Piffissaq suliffiusoq aallaavittut sapaatip akunneranut nalunaaquttap akunnerinik 40-nik sivisussuseqarpoq.

Atorfik aallaaviatigut fuldmægtigip atorfiatut inuttalerneqassaaq. Qinnuteqartumut eqqortumut naleqquttumik misilittagalimmut pissutsit malillugit immikkut siunnersortitut- imaluunniit siunnersortaanertut tapinik tunniussisoqarsinnaavoq.

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit pissapput.

Kalaallit Nunaanni Namminersorlutik Oqartussat isumaqatigiissutaat uani takukkit: http://naalakkersuisut.gl/da/Naalakkersuisut/Job/Overenskomster-og-aftaler

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqartassapput. Qinnuteqartorli Namminersorlutik Oqartussani atorfeqarnini aqqutigalugu sulisutut ineqareersimaguni sulisunut inissiamik innersuussiffigineqarsinnaanini attatiinnassavaa.

Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusia nikerarsinnaapput inissiap qanga sananeqarsimanera, piginnittua il.il. apeqqutaallutik. Sulisutut ataavartumik initaarnissaq utaqqinarsinnaavoq, taamaammat utaqqiisaasumik inissiisoqarsinnaasarpoq, matumani aamma najugaqatigiiffiit minnerusut imaluunniit akunnittarfinni inissiat pineqarput, taakkulu akileraarusersorneqassallutik.

Danmarkimi sulinngiffeqarnissamut periarfissat:
Naalagaaffimmi atorfillit aamma AC-mi isumaqatigiissutit arlallit malillugit sulisut Namminersorlutik Oqartussani atorfinitsinneqarnerminnut atatillugu aningaasarsiaqaratik sulinngiffeqarsinnaatitaapput. Aammattaaq Nunamut namminermut Ministeeriaqarfiup Kalaallit Nunaanni Namminersorlutik Oqartussani atorfinitsitaanerminnut atatillugu akissarsiaqaratik sulinngiffeqarallarnissamik qinnuteqaateqartunut akuersaartumik pissusilersortoqassasoq kommuninut nunallu immikkoortortaanut inassutigisimavaa.  Sulinngiffeqarallarnissaq pillugu aalajangersakkat Kalaallit Nunaanni Namminersorlutik Oqartussani inuit atorfinitsinneqartut uiinut/ nuliaannut/aappaannut aamma atuupput.

Paasissutissat sukumiisut
Atorfik pillugu annertunerusumik paasisaqarusukkuit, piumaguit attavigisinnaavat aqutsisoqatigiiffiup allaffimmi pisortaa Rannvá Clementsen, oqarasuaat 346579 imaluunniit e-mail ranv@nanoq.gl

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. E-mailikkut qinnuteqaatinik tigusineq ajorpugut.

Qinnuteqarfissap killinga:   4. september 2019.

Atorfinitsitsinissamut oqaloqateqarnissat qinnuteqarnissamut killigititap naanerata kingunitsianngua ingerlanneqassasut naatsorsuutigineqarpoq.

Akileraartarnermut Aqutsisoqarfiup oqaloqatigiinnissamut aggeqqullutit toqqarpagu tulliusutullu qinnuteqaaterpit ingerlannera ingerlateqqissallugu, Akileraartarnermut Aqutsisoqarfiup pineqaatissinneqarsimannginnermik uppernarsaativit nuutinneranik qinnuigissavaatit. Pineqaatissinneqarsimannginnermik uppernarsaateqarnissat saneqqunneqarsinnaanngitsumik piumasaqaataavoq.

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk