Find job
Dette jobopslag er udløbet
Akileraaruserinermik ilisimasaqarlualertussanik sulisussarsiorpoq
Namminersorlutik Oqartussani
Akileraartarnermut Aqutsisoqarfik
Akileraaruserinermik ilisimasaqarlualertussanik sulisussarsiorpoq
Akileraartarnermut Aqutsisoqarfimmi sulisuunissat kajumigaajuk ullullu assigiinngisitaartut pissanganartullu atussallugit iluaraajuk taava neriuppugut tusarfigissallutit
Akileraartarnermut Aqutsisoqarfimmi kukkunersiuinermi allaffimmi nuummiittumi suliffiit arlallit inuttassarsiorneqarput 1. August 2023-miit imaluunniit isumaqatigiissuteqarnikkut atorfinittussanik.
Akileraarusernermi Kukkunersiuinermut Allaffimmi namminersortut ingerlatseqatigiiffiillu nammineerluni nalunaarutaat naatsorsuutaallu misissuiffigineqartarput suliassallu suliarineqarlutik
Taakku saniatigut ilaatigut suliarineqartarput
- Siunnersuinerit ilitsersuinerillu
- Suliareqqitassanik kukkunersiuinermillu suliaqarneq
- Apeqquteqaatit asigisaallu suliassartaanik suliaqarneq
- Nalinginnaasumik allaaffimmi suliassanngortunik sulineq
- Nalinginnaasunik saaffiginnissutinik/apeqqutinik sullissineq
Piginnaasassatut piumasaqaatit
Atorfinni pineqartuni suliassanut ilisimasaqarnerit atorfinnilu assingusuni suliffigisimasanni misilittagaqarnerit takorusunnarpoq. Aamma naatsorsuutigineqarpoq naleqquttumik atuagarsiornermik aamma/ imaluunnit suliaqarsimanermik misilittagaqarsimanissat aamma naatsorsuuserinermik, kukkunersiuinermik assingusumilluunniit ilisimasaqarnissat. Amma ilinniarsimasutut nammasserlaajusinnaavutit. Pingaaruteqarpoq suliaqarfinnut pineqartunut soqutiginninnerit nutaanillu ikikkagaqarnissamut piumassuseqarnissat. Ilassutaasumik ilinniagaqaqqinnissamut- aamma ilinniaqalernissamut periarfissaqarumaarpoq
Oqaloqatigiiffigiuminartumi pimoorussiffiusumili, ilaannikkullu ulluinnarni ulapaarfiusinnaasumi sulinissat kissaatigigukku, suleqateqallaqqissuunissamut piginnaasaqassaatit. Inatsisinut malittarisassanut paasisaqarnissamut, aamma ajornartorsiutitn sussusersinissai aaqqinnissaalu oqaatsitigut allakkatigulluunnit ersarissumik oqaasinngortitsinikkut paasissutissiisinnaanermut nuannarisaqartussaatit.
Atorfik pillugu saaffiginninneq
Atorfik pillugu paasissutissanik annertunerusunik pissarsinissamut tikilluaqquneqarputit attavigissallugu allaffiimi pisortaq Ludvig Lyberth, oqarasuaat 34 65 19, e-mail luly@nanoq.gl
Qinnuteqaat e-mailikkut nassiunneqassanngilaq.
Qinnuteqarnissamut killissarititaq: Qinnuteqaat Akileraartarnermut Aqutsisoqarfimmit tiguneqareersi-massapput kingusinnerpaamik tallimanngorneq ulloq 19.juni 2023.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Misilittagaqassutsit aallaavigalugu atorfigisinnaavat fuldmægtig, siunnersorti imaluunniit immikkut siunnersortitut.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisumut ataasiinnarmut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job