Skip to main content
147

Dette jobopslag er udløbet

Akileraartarnermut Aqutsisoqarfiup aqutsisunut sullissiviani økonomitut atorfik

Akileraartarnermut Aqutsisoqarfimmi suliassat assigiinngitsorpassuit suliarineranni suleqatissatsin­nik ujarlerpugut.
 
Akileraartarnermut Aqutsisoqarfik 125-nik sulisoqarpoq Nuummi, Qaqortumi, Maniitsumi, Sisimi­u­ni, Ilulissani kiisalu Danmarkimi allaffinni agguataarsimasunik.
 
Aqutsisunut sullissiviup suliassaasa pingaarnerit ilagaat Akileraartarnermut Aqutsisoqarfiup aqutsi­su­inik, Aningaasaqarnermut Naalakkersuisoqarfimmik kiisalu politikerinik siunnersuineq. Taakku saniatigut aamma sullippavut Akileraartarnermut Aqutsisoqarfimmi immikkoortortaqarfiit allat.
 
Neqeroorutigaarput suliffik persuarsiorfiunngitsoq kiinneraarfiusorlu, assigiingitsunik suliaqarfiu­soq toqqaannartumillu suliakkiiffiusartoq aammalu eqeersimaartunik suleqateqarfiusoq. Su­lif­fipput immikkoortortaqarfiit assigiinngitsut suliaat pillugit siunnersoqatigiinnissamut ineriartornissamullu peri­arfissagissarfiuvoq.
 
Aaqqissuussaanikkut inissisimaneq
Atorfik Akileraartarnermut Aqutsisoqarfiup qullersaqarfiani Nuummiittumi aqutsisunut sullissi­vim­miippoq. Aqutsisunik sullissivik 11-nik sulisoqarpoq, taakkunannga økonomit marluullu­tik. Øko­­no­m­itta aappaa sulianik allanik misiliiumalluni 1. april 2019-imi soraartussaavoq, taamaammallu øko­no­­mimik nutaamik suleqatissarsiorpugut.
 
Økonomissarput aqutsisunik sullissiviup allaffimmi pisortaanut atassuteqassaaq, sulianili assigiin­ngitsuni apeqqutit pillugit toqqaannartumik atassuteqarfigissallugu Aningaasaqarnermut Immik­koor­tortaqarfimmi pisortaq.
 
Suliassat
Aqutsisunik sullissiviup suliassai assigiinngisitaartuupput, suleqatitaassattalu ingerlatsinermi sulias­sa­nik aammalu ineriartortitsinermi suliniutinik suliaqartarnissani naatsorsuutigisinnaavaa. Ujartu­gar­put tassaavoq suleqat suliassamik pisariusumik suliaqaraluarluni – suleqatit avataaneersut sulif­fi­ul­lu iluaneersut Akileraartarnermut Aqutsisoqarfiup suliassaqarfiisa iluanni aningaasaqarnermut tun­­ngasut pingaarnerit pillugit saaffiginnissutaannik imaaliallaannaq isumaginnissalluni nangaas­su­te­qanngitsoq.
 
Suleqatitaassatta maanna økonomigisarput qanimut suleqatigalugu suliassai ilaatigut makkuupput:

  • Aqutsisunik suleqatinillu aningaasaqarnermut tunngasuni siunnersuineq – aammalu nali­ngin­­naasumik siunnersuisuunissaq
  • Aningaasanut inatsimmut ilassutitullu aningaasaliissutit pillugit inatsisinut tunngatillugu mis­singersuusia­nut ilaatitanik suliaqarneq
  • Aningaasaqarnermut Ataatsimiititaliap apeqqutaasa saaffiginnissutaasalu akissuteqarfiginis­saat
  • Eqqussuinermi akitsuutinik nalunaarsuillunilu malinnaaffiginninneq
  • § 37 naapertorlugu apeqqutit akissuteqarfiginissaat
  • Missingersuusianik malinnaaffiginninneq
  • Kommuninut akileraarutit nalimmassarneqarnissaat pillugu siunnersuusiornerit, matumani ilan­ngullugit Naalakkersuisut isummernissaannut tunngavissat
  • Iluanaarutisianit akileraarutit aamma inuit selskabillu akileraarutaasa kommuninut Nammi­ner­sorlutillu Oqartussanut agguataarneqarnissaat
  • Iluanaarutsisianit akileraarutit maleruagassat isumaqatigiissutillu naapertorlugit utertinnissaat
  • Selskabit akileraarutaannik aamma iluanaarutisianit akileraarutinik nalunaarsuineq, naatsorsuuserineq malinnaaffiginninnerlu
  • Akileraarutitigut ilanngaatissat angissusilerneqarnissaannik piareersaaneq, matumani ilanngullugit Naalakkersuisut isummernissaannut tunngavissat
  • Akileraartarnermut Aqutsisoqarfiup suliassaqarfiisa iluanni kisitsisitigut naatsorsueq­qis­saarnernik suliaqarlunilu misissueqqissaarneq
  • Immiorfeeqqat immiaaqqanut akitsuutaat
  • Naatsorsuutit inaarneqarneranni, ukiup akileraarusiiffiusup naammassineqarnerani assi­gi­saannilu Aningaasaqarnermut Immikkoortortaqarfimmut ikiuunnissaq
  • Aningaasaqarnermi atortussap nutaap ERP-p atuutilersinneqarnerani Aningaasaqarnermut Im­mikkoortortaqarfimmut ikiuunnissaq
  • Akileraartarnermut Aqutsisoqarfiup inatsisissatut siunnersuutinut, politikkikkut suliniutinut il.il. tunngatillugu tusarniaanernut akissutaanik suliassaanillu allanik suliaqarneq, matumani ilanngullugit taakku aningaasartaannut tunngasunik naatsorsuinerit
  • Suliat apeqqutaatinnagit suleqatigiissitaliani Namminersorlutik Oqartussat immikkoortorta­qarfiisa assigiinngitsut peqataaffigisaanni Akileraartarnermut Aqutsisoqarfik sinnerlugu pe­qa­taanissaq
  • Suliassani suliniutinilu immikkut suliassat

 
Suliassat tamatigoortuupput – aamma illit tamatigoortuunissat naatsorsuutigaarput. Naatsorsuutigin­ngi­larpulli suliassat tamaviisa sapinngeriissagitit.
 
Illit
Tassaavutit:

  • Kandidatitut, soorlu cand.oecon.-itut, cand.polit.-itut, cand.merc.-itut assigisaattulluunniit aningaasaqarneq samminerullugu ilinniagalik
  • Aningaasaqarnermut tunngasunik pingaarnernik suliaqarnermi kiisalu naatsorsuuserinermik nalinginnaa­sumik suliaqarnermi tamatigoortumik piginnaasalik
  • Suliassat assigiinngisitaartut arlariiaat pimoorutivillugit suliarissallugit aaqqissuussaasumik suleriaasilik
  • Inuiaqatigiinnik soqutigisalik alapernaatsorlu; suliassanik nutaanik ilikkagaqarnissamik pi­gin­naasaqarlunilu soqutiginnissuseqartoq
  • IT-mik atortunik atuinissamik sungiussisimalluartoq, aamma excel-imik misilittaga­qar­lu­ar­toq
  • Inunnik assigiinngitsunik tunuliaqutalinnik oqaloqateqarluarsinnaallunilu suleqateqarlu­ar­sin­­naa­soq, aamma økonomitut ilinniagaliunngitsunik
  • Oqaatsitigut allattariarsornikkullu piginnaaneqarluartoq

 
Taakku saniatigut pitsaasuussaaq:

  • Paasissutissanik katersivinnik kisitsiserpassuarnillu suliaqarnermik misilittagaqaruit
  • Ukiuni arlaqartuni misilittagaqaruit, aammali ilinniakkamik naammasserlaajuguit pikkoris­soq piukkunnarsinnaavutit
  • Akileraartarnermut akitsuusiisarnermullu tunngasunik ilisimasaqaruit
  • Pisortat ingerlatsineranni aamma suliffimmi politikkikkut aqunneqartumi sulinermik misi­lit­ta­gaqaruit
  • Kalaallisut, qallunaatut tuluttullu oqalussinnaallutillu allassinnaaguit
  • Kalaallit kulturiannik inuiaqatigiillu kalaallit pillugit ilisimasaqaruit

 
Aningaasarsiatigut atorfinitsitaanermilu atugassarititaasut
Sapinngisamik piaartumik atorfinittoqassaaq. Suliassanulli naleqquttoq utaqqisinnaavarput.
 
Piffissaq suliffissaq aallaaviusumik tassaavoq sap.ak. nalunaaquttap akunneri 40-t.
 
Atorfik aallaaviusumik tassaavoq fuldmægtigitut atorfeqartussamik inuttaligassaq. Sulilersussarli mi­silittagaqarluartoq immikkut siunnersortitut imaluunniit siunnersortit pisortaattut tapeqartinne­qar­sinnaavoq.
 
Akissarsiat atorfinitsitaanermilu atugassarititaasut, tassunga ilanngullugit atorfinitsitaanermi soraar­nermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
 
Namminersorlutik Oqartussat isumaqatigiissutaat uani takukkit: http://naalakkersuisut.gl/kl-GL/Naalakkersuisut/Job/Overenskomster-og-aftaler
 
Najugaq
Atorfimmut atatillugu sulisunut inissiamik pequsersorneqanngitsumik malittarisassat qaquguk­kul­luunniit atuuttut naapertorlugit innersuussisoqarsinnaavoq. Malittarisassat qaqugukkulluunniit atuut­tut naapertorlugit inissiamut innersuussutigineqartumut akiliutit qularnaveeqqutillu akilerne­qassapput. Qinnuteqartoq sulisunut inissiamik Namminersorlutik Oqartussani atorfinitsitaanermut atasumik ineqareerpat sulisut inissiaannik innersuunneqarnissamut pisinnaatitaaffeqarneq atuutiin­nassaaq.
 
Atorfimmut atatillugu inigisaq atorfeqarnermut tunngavoq, atorfeqarnerullu kipinerani qimanneqas­salluni.
 
Ineqarnermut akiliut aamma inissiap pitsaassusia nikerarsinnaapput inissiap qanga sananeqarsi­ma­ne­ra, piginnittua il.il. apeqqutaallutik. Sulisutut ataavartumik initaarnissaq utaqqinarsinnaavoq, taa­maattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiif­fin­nut minnerusunut imaluunniit akunnittarfimmi inissianut inissiisoqarallarsinnaalluni, taakkulu aki­leraarusersorneqassallutik.
 
Danmarkimi sulinngiffeqarnissamut periarfissat:
Naalagaaffimmi atorfillit (tjenestemandit) kiisalu atorfillit AC-mut isumaqatigiissutit arlallit tun­nga­­vigalugit atorfillit piginnaatitaapput Namminersorlutik Oqartussani atorfininnermut atatillugu aningaasarsiaqaratik sulinngiffeqarnissaminnut. Kiisalu Indenrigsministeriap kommuninut piuma­sa­raa, Namminersorlutik Oqartussani atorfininnermut atatillugu, aningaasarsiaqarnani sulinngiffeqar­nissamik qinnuteqaateqartoqartillugu akuersaartoqartarnissaa. Sulinngiffeqarnissamut tunngatillugu aalajangersakkanut ilaatinneqarput Namminersorlutik Oqartussani atorfinittup katissimasaa/ka­tissi­manngikkaluarlugu inooqatigisaa.
 
Paasissutissat amerlanerusut
Atorfik pillugu annertunerusumik paasisaqarusukkuit Rannvá Clementsenimut, aqutsisunik sul­lis­si­vim­mi allaffimmi pisortaasumut saaffiginninnissannut tikilluaqqusaavutit, oqarasuaat 346579 ima­luunniit e-mail ranv@nanoq.gl.
 
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. E-mailikkut qinnuteqaatinik tigusineq ajorpugut. 
 
Qinnuteqarnissamut killissarititaq: 8. april 2019.
 
Atorfinitsitsinissamut atatillugu oqaloqateqarneq piffissap qinnuteqarnissamut killiliussap naanerata kingunitsianngua ingerlanneqassasoq naatsorsuutigineqarpoq.
 
Akileraartarnermut Aqutsisoqarfiup oqaloqatiginiarlutit aggersassappatit kingornalu atorfinitsinni­as­sappatit, pineqaatissinneqarsimannginnermut allagartavit assilineqarneranik Akileraartarnermut Aqutsisoqarfiup qinnuigissavaatit. Atorfinitsinneqassagaanni pineqaatissinneqarsimannginnissaq piumasaqaataavoq avaqqunneqarsinnaanngitsoq.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk