Skip to main content
79

Dette jobopslag er udløbet

Akileraartarnermut Aqutsisoqarfiup akiliisitsiniartarfianut inatsisileritooq

Akileraartarnermut Aqutsisoqarfiup akiliisitsiniartarfianut inatsisilerinernut tunngasunut suliassanut assigiinngisitaartorpassuarnut suleqatissarsiorpugut.

Akiliisitsiniartarfimmi 25-inik sulisoqarpoq Nuummi, Qaqortumi, Maniitsumi, Sisimiuni Ilulisssanilu allaffeqarfitsinni. Illit Nuummi allaffeqarfitsinni sulissaatit.

Akiliisitsiniartarfiup suliassaatai pingaarnertut tassaapput pisortanut akiitsut innuttaasuni suliffeqarfinnilu akilersinniassallugit.

Suliffik persuarsiorfiunngitsumik ammasumillu sulinermi atugassaqarfiusoq, assigiinngiiaartunik suliassaqarfiusoq, suliakkiisartunut qanittumik inissisimasoq sulilluartunillu sulisulik neqeroorutigaarput. Suliffeqarfiuvugut isummersoqatigiittarnertigut suliatigullu immikkoortortaqarfiit ineriartornissaannut pitsaasunik periarfissaqarluta.

Suliassat
Atorfik assigiinngitsorpassuarnik suliassaqarfiusoq, taakkununnga ilaapput:

  • Sulisunik ilinniartitsinerit piginnaanerinillu kivitseqataaneq
  • Inatsisinik malittarisassanillu nutaanik pioreersunillu suliarinnittarnermut peqataasarneq
  • Inatsisinut malittarisassanullu tunngasunut nassuiaaneq, kiisalu taakkunannga tunngaveqartunik nammineq immikkoortotaqarfiusumi avataanullu ilitsersuutinik suliarinninnernut ilanngussineq
  • Suliassat aalajangersimasut suliarineqartarnerat
  • Politik-erinut nalunaarutinik tusarniaanernullu akissutinik atorsussanillu suliaqartarneq
  • Akileraartarnermut Aqutsisoqarfimmi qitiusumillu allattoqarfimmi namminermi sulissutigineqartunut assigiinngitsunut atatillugu peqataasarneq
  • Akiliisitsiniartarfimmi suleqatinut siunnersuisarnerit
  • Inatsisinut tunngasunik apeqqutinik aqutsisunut siunnersuisarnerit


Ilinnut tunngasut

  • Kallaallit kulturiannut aamma inuiaqatigiinnut kalaallinut ilisimasaqaruit iluaqutaassaaq
  • Kalaallisut, qallunaatut tuluttullu oqalussinnaallutillu allassinnaaguit iluaqutaassaaq
  • Suleqatitit qanittumik suleqatigalugit suliassat assigiinngiiaartut arlallit ataatsikkut suliarisarsinnaavatit
  • Aaqqissuussamik suleriaaseqarputit suliannullu akisussaassuseqarnermik misigisimasarlutit
  • Inunnik assigiinngitsunik tunuliaqutilinnik suleqateqallaqqillutillu attaveqaqateqallaqqissuuvutit, aammattaaq inatsisilerituujunngitsunut
  • Oqallorissuullutillu allallaqqissuussaatit
  • Pisortat ingerlatsiviini misilittagaqarsimanissaq aaqqissuussaanermilu naalakkersuinikkut aqutaasumi sulisimanissat kissaatiginarpoq
  • Ukiorpaalunni misilittagaqartuuvutit, kisiannili aamma pikkorissoq ilinniarnerminut naammasseqqammersoq eqqarsaatigineqarsinnaavoq
  • Bacheloritut qaffasitsigisumik inatsisilerituutut ilinniagaqarsimaneq, ajornanngippat kandidatitut qaffasitsigisumik ilinniagaqarsimasoq


Aningaasarsiat atorfinitsitaanermilu atugassarititaasut
Isumaqatigiissuteqarnikkut atorfinittoqarsinnaavoq.

Pifissaq suliffiusoq aallaavittut sapaatip akunneranut nalunaaquttap akunnerinik 40-nik sivisussuseqarpoq.
Atorfik aallaaviatigut fuldmægtigip atorfiatut inuttalerneqassaq. Qinnuteqartumut eqqotumut naleqquttumik misilittagalimmut pissutsit malillugit immikkut siunnersortimut imaluunniit siunnersortaanertut tapinik tunniussisoqarsinnaavoq.

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kallallit Nunaanni Namminersorlutik Oqartussat kattuffiullu isumaqatigiinniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit pissapput.

Kalaallit Nunaanni Namminersorlutik Oqartussat isumaqatigiissutaat uani takukkit:
http://naalakkersuisut.gl/da/Naalakkersuisut/Job/Overenskomster-og-aftaler

Ineqarneq
Atorfimmut atatillugu sulisunut inissiamik pisatsersorneqanngitsumik innersuussisoqassaaq, pifissami atorfininnermi atugassarititaasut aallaavigalugit.
Ineqarnermut akigititat depositumilu piffissami atugassarititaasut aallaavigalugit.
Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Ineqarnermut akigititaq inillu isikkua inigisap nutaanngissusaanut, piginnittuanut il.il. assiginngissinnaavoq. Sulisutut inissarititaasumik ataavartumik tunineqarnissaq utaqqinarsinnaavoq, taamaammallu utaqqiissaasumik inissiisoqarsinnaalluni, aamma ineqateqartitsisinnaalluni imaluunniit hotelit inissiaataanniititsisoqarsinnaalluni, taakkualu akileraaruteqataasussaallutik.

Danmarkimi sulinngiffeqarnissamut periarfissat
Naalagaaffimmi atorfillit aamma AC-mi isumaqatigiissutit arlallit malillugit sulisut Namminersorlutik Oqartussani atorfinitsinneqarnerminnut atatillugu aningaasarsiaqaratik sulinngiffeqarsinnaatitaapput.
Aammataaq Nunamullu namminermut Ministeriaqarfiup Kalaallit Nunaanni Namminersorlutik Oqartussani atorfinitsitaanerminnut atatillugu akissarsiaqaratik sulinngiffeqarallarnissamik qinnuteqaateqartunut akuersaartumik pissusilersortoqassasoq kommuninut nunanullu immikkoortortanut inassutigisimavaa.
Sulinngikkallarneq pillugu aalajangersakkat Kalaallit Nunaanni Namminersorlutik Oqartussat ataani inunnut atorfinitsinneqartunut aappaasut/inoqatigisat ilaapputtaaq.

Paasissutissat sukumiinerusut
Atorfik pillugu sukumiinerusumik paasisaqarusukkuit allaffimmi aqutsisoq Marie Sommer oqarasuaammut 345544 imaluunniit e-mailimut maso@nanoq.gl-imut attaviginissaanut tikilluaqqusaavutit.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. E-mailikkut qinnuteqaatinik tigusineq ajorpugut.

Qinnuteqarfissastut kingulliussaaq: 19. april 2021.

Atorfinitsitsinissamut oqaloqateqarnissat qinnuteqarnissamut killigititap naanerata kingunitsianngua ingerlanneqassasut naatsorsuutigineqarpoq.

Akileraartarnermut Aqutsisoqarfiup oqaloqatigiinnissamut aggeqqullutit toqqarpagu tulliusutullu qinnuteqaativit ingerlannera ingerlateqqissallugu, Akileraartarnermut Aqutsisoqarfiup pineqaatissinneqarsimannginnermik uppernarsaativit nuutinneranik qinnuigissavaatit. Pineqaatissinneqarsimannginnermik uppernarsaateqarnissat saneqqunneqarsinnaanngitsumik piumasaqaataavoq.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk