Skip to main content
109

Dette jobopslag er udløbet

Akileraartarnermut Aqutsisoqarfik nutaamik sulisussarsiorpoq

Namminersorlutik Oqartussat
Akileraartarnermut Aqutsisoqarfik
nutaamik sulisussarsiorpoq

Akileraartarnermut Aqutsisoqarfik suliffigissallugu pilerigigukku, aammalu pissanganartumik allanngorartumillu suliaqarneq nuannarigukku tusarfiginissat neriuutigaarput.

Ulloq 1. november 2020 isumaqatigiissuteqarnerluunniit tunngavigalugu atorfinittussamik kontorfuldmægtigissarsiorpugut.

Atorfik Akileraartarnermut Aqutsisoqarfiup Akileraarusiinermik Nakkutilliinermillu immikkoortortaani Akileraarusiinermik Allaffimmi suliffiuvoq.
Atorfik Nuummiippoq.

Akileraarusiinermik allaffimmi suliavut ilaatigut tassaapput inuit nammineerlutik nalunaarsugaannik misissuineq, siunnersuineq ilitsersuinerlu.

Akileraarusiinermik Allaffimmi kontorfuldmægtigitut suliassatit pingaarnerit tassapput:

  • Akissarsiortut nammineerlutik nalunaarsugaannik misissuineq, soorlu akileraarusiineq aamma pigisanit pissarsiat akileraarutaat pillugit inaarummik naatsorsuusiorneq (KAS) kiisalu soraarnerussutisiaqalernissamut aaqqissuussinermut peqataasussaatitaaneq pillugu ukiumoortumik naatsorsuusiorneq (OP)
  • KAS aamma OP pillugit suliassat nalinginnaasut allat
  • Innuttaasunik suliffeqarfinnillu ilitsersuineq


Pisinnaasassat
Atorfik kalaallisut danskisullu oqaatsit atorlugit suliaqarfiummat allattariarsornikkut oqalussinnaanikkullu marluinnik oqarseqartuunissat pingaarluinnartuuvoq.

Allaffimmiutut ilinniarsimasuunissat allaffissornermulluunniit assingusumik ilinniagaqarsimanissat naatsorsuutigaarput.
Ukiut arlallit misilittagaqaruit pitsaasuussaaq, aammali ilinniakkamik naammasserlaaq pikkorissoq sulisussarsiarineqarsinnaavoq.
Pisortat ingerlatsiviannik misilittagaqaruit suliaqarfimmilu politikkikkut aqunneqartumi sulisimaguit pitsaasuussaaq.

Akileraartarnermut inatsisinik aamma/imaluunniit soraarnerussutisianut tunngasunik ilisimasaqaruit pitsaassaaq – tamannali piumasaqaataanngilluinnarpoq, suleqatimmi suliamik pimoorussisut ilikkagassannik ilinniartikkumaarpaatsit.

Suliaqarfimmik soqutiginnittuunissat, suleqatinillu ilinniartinneqarlutit nutaanik ilikkagaqarusussuseqarnissat pingaaruteqaruteqarput.

Suliaqarfimmi ilumoorsaaginnarfiunngikkarluarluni ilungersuussilluni suliffiusumi, ilaanneeriarlunilu ulapaarfiulluartartumi sulinissaq pilerigissavat. Taamaattumik ulapilluni sulineq nuannaralugulu maleruagassanik paasisaqarusussuseqarlutillu unammilligassanik nutaanik paasiniaasinnaassuseqassaatit.

Allanik suleqateqarsinnaassuseqarluartuussaatit kiisalu suliat paasiuminaassinnaasut nassuiarnissaat oqaluttariarsornikkut allattariarsornikkullu paasisitsiniutiginissaannut piginnaasaqartuussallutit.

Kiisalu aamma inuit assigiinngitsunik tunuliaqutallit attaveqaqatigilluarsinnaassavatit suleqatigisinnaassallugillu. Innuttaasut suliffeqarfiillu e-mail-ikkut, oqarasuaatikkut namminerlu ornigullutik saaffiginnittut sullisissavatit.

Suliassat naammassillugit isumagisassavatit, soorunami naammattumik ilinniartinneqareerlutit.

Pillagaasimannginnermut allagartaqarnissat piumasaqaataavoq avaqqunneqarsinnaanngitsoq.

Aningaasarsiatigut atorfinitsitaanermilu atugassarititaasut
Piffissaq suliffiusoq nalinginnaasumik tassaavoq sap.ak. nal.ak. 40-t. Atorfik kontorfuldmægtigitut atorfittut inuttalerneqassaaq.
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Atorfik pillugu saaffiginniffissaq
Paasissutissat sukumiinerusut kontorchef Debora Møller, oqar. (+299) 34 65 06, e-mail demo@nanoq.gl aqqutigalugit saaffigalugu piniarsinnaavatit. 

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Ulloq qinnuteqarfissaq kingulleq: 27. oktober 2020.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk