Skip to main content
93

Dette jobopslag er udløbet

Akileraartarnermut Aqutsisoqarfik nutaamik sulisussarsiorpoq

Namminersorlutik Oqartussat
Akileraartarnermik Aqutsisoqarfik
nutaamik
sulisussarsiorpoq


Akileraartarnermut Aqutsisoqarfimmi sulerusussuseqarpit, ulluinnarnilu allanngorartumi pissanganartumi sulissallutit toqqissisimanarissagukku, taava tusarfiginissat neriuutigaarput.

Akileraartarnermut Aqutsisoqarfimmi Kukkunersiuinermut allaffimmi 1. februar 2022 aallarnerfigalugu isumaqatigiissuteqarnikkulluunniit sulilersussamik suleqatissarsiorpugut. Siullertut akileraaruserinermut akitsuuserinermullu siunnersortitut pissarsiorpugut, naleqquttunilli piginnaasaqaruit immikkut siunnersortitut atorfinitsinneqarsinnaassallutit.  

Ingerlatsiveqatigiiffinnut suliassaqarfimmut inissinneqassaatit, tassanilu sulisut tallimaapput. Atorfik Akileraartarnermut Aqutsisoqarfiup qullersaqarfiani Nuummi inissisimavoq.

Kukkunersiuinermut allaffimmi nalunaarsuisarnerit, siunnersuisarnerit, ilitsersuisarnerit aammalu ingerlatsiveqatigiiffiit inuussutissarsiutinillu ingerlataqartut akileraartarnermut tunngasutigut nakkutilliiffigisarnerinik ilaatigut suliaqartarpugut.

Kukkunersiuinermi allaffimmi sulisutut ingerlatseqatigiiffinnut sullissisunut pingaarnertut ilaatigut suliassarissavatit:

  • Nunatsinni ingerlatsiveqatigiiffinnit namminneq nalunaarutaasa qaammammut nassiussuunneri, kiisalu aningaateqarfinnut peqatigiiffinnullu akileraartussaatitaanngitsunut
  • Nalunaarusianik naatsorsuutinillu isaasunik nalunaarsuisarneq aqutsisarnerlu.
  • Ingerlatsiveqatigiit akileraarutitigut naatsorsuutannik ingerlaavartumik piareersaasarneq nassiussuisarnerlu
  • Akileraarutinik naatsorsuinermi allannguinissaq pillugu qinnuteqaatinik nalunaarsuisarneq aqutsisarnerlu suliarinnittarneq.
  • Kipungasumik ukiumik naatsorsuusiorfeqarnissamut  qinnuteqaatinik suliarinnittarnerit.
  • ingerlatsiveqatigiiffinnut tunngasutigut apeqquteqaatinik nalinginnaasunut akissuteqartarnerit
  • Ingerlatseqatigiiffiit pissarsiaannik tunniussinermut aqutsineq
  • Ingerlatseqatigiiffiit akiligassaannik ingerlaavartumik naligiissaarinerit
  • Ingerlatseqatigiiffiit sulisuisa amerlassusaannik nutarterineq
  • Aningaasaateqarfiit peqatigiiffiillu akileraartussaannginnermik qinnuteqaataannik suliarinninneq

Ilinniartitsereernermi suliassat makku tunniunneqarsinnaapput:

  • Aningaasaateqarfiit peqatigiiffiillu naatsorsuutaannik akileraarutitigut nakkutilliinerit, matumanilu ileqqoreqqusat
  • Immikkut qinnuteqaatinik suliarinninnerit
  • Ingerlatseqatigiiffiit akileraarutitigut uppernarsaataannik qinnuteqaatinik suliarinninneq
  • Allallu pisinnaasat malillugit

 Piginnaasatigut piumasaqaatit:

  • Sulianut tunngasutigut paasisimasaqarputit atorfimmullu assingusumik misilittagaqarlutit.
  • Naatsorsuutigineqarpoq nalinginnaasumik naatsorsuusiornermik, kukkunersiuinermik assigisaannillu ilinniagaqarlutillu sulinermik misilittagaqarnissat, ass. naatsorsuusiornermik suliaqarnermik imaluunniit assingusumik ilinniagaqarnermik.
  • Aalajangiisuussaaq akileraartarnermik suliassaqarfimmik soqutiginnittuunissat nutaamillu ikiorteqarluni ilisimasaqalernissamut aamma / imaluunniit ilinniaqqinnissamut kajumissuseqaruit.
  • Suliffimmi persuarsiunngitsumi pimoorussilluinnarfiusumili sulinissamut kissaateqaruit, ilaanni ulluinnaat ulapaarfiusinnaalluartut.  Taamaammat ulapaarlutit nuannaraat malittarisassanut iserluarlutit isummerfigisassallu nutaat aamma eqqarsaatigalugit.
  • Suleqatiginnillaqqissuussaatit isummerfigisassallu paatsuunganarsinnaasut ersarissumik oqaatsitigut allakkatigullu ingerlateqqissinnaassallugit.
  • Allattariarsornikkut oqaatsitigullu kalaallisut qallunaatullu piginnaasaqartutit.


Atorfik pillugu saaffiginninneq
Immikkoortortami pisortaq Debora Møllerimut paasissutissanik allanik pisariaqartitsiguit saaffiginninnissannut tikilluaqqusaavutit oqarasuaammut  (+299) 34 65 06, e-mail demo@nanoq.gl

Ulloq qinnuteqarfissaq kingulleq: Qinnuteqaatit Akileraartarnermut Aqutsisoqarfimmeeriissaaq kingusinnerpaamik 17. december 2021.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk