Skip to main content
121

Dette jobopslag er udløbet

Akileraartarnermut Aqutsisoqarfik nussuinermi akiliisitsisarnermik kukkunersiuinermut sulisussarsiorpoq

Nussuinermi akiliisitsisarnermik kukkunersiuerusuppit aamma nalilersuerusuppit? Kisitsisinik paasinnittaaseqarluarpit, aamma tigusisussamut paasinartumik erseqqissumillu nassuiarsinnaallugit? Suliami itinerusumik paasisaqarusukkuit aamma pissanganartunik suliaqarusukkuit, taava Akileraartarnermut Aqutsisoqarfimmi atorfik ilinnut tulluukkunarpoq.

Akileraartarnermut Aqutsisoqarfik akileraartarnermut, akitsuutinut kiisalu akiliisitsisarnermut il. il. tunngatillugu qitiusumik immikkoortoqarfiuvoq. Nunap inatsisai aquppavut ataatsikkullu politiit aningaasaqarnermi pinerluttulerinerani ikorfartorlugit. Ulluinnarni pisortaqarfiit allat – politiit ilanngullugit – qanimut suleqatigisarpavut.

Suliassatit – kukkunersiuisarneq aamma nalilersuisarneq
Akileraartarnermut Aqutsisoqarfimmi eqiasuittunik aamma kukkunersiuisarnermi nalilersuisarnermilu immikkut ilisimasalinnik suleqateqassaatit.
Pingaarnermik suliassatit ingerlatseqatigiiffiit/ingerlatseqatigiiffissuit attuumassuteqannginnissamik periuseq naapertorlugu sulinersut kukkunersiortarnissaanut nalilersortarnissaanullu tunngapput. Nakkutilliisarneq pisariusinnaavoq, kisiannili pissanganarluni. Suliassat allaffimmi aamma ingerlatseqatigiiffinni nakkutilliilluni suliarineqarsinnaapput.

Nussuinerup akiliisitsisarnermi assigiinngitsunik suliassaqassaatit. Suliassatit ilaatigut ukuussapput:

  • ingerlatseqatigiiffiit/ingerlatseqatigiiffissuit sorliit nakkutilliiffigisassaanersut qinertassavatit
  • nunat assigiinngitsut akornanni ingerlatseqatigiiffissuit nussuinermi akiliisitsisarnermik pissuserisai nalilersortassavatit kukkunersiorlugillu
  • sulianik saqqummiussisarnermi aamma nussuinermi akiliisitsisarnermik sulianik aalajangiussinermi suliaqartassaatit.


Suliaqarnerup nalaani ikilluta, nalinginnaasumik marlukkaarluta sulisarpugut. Nussuinermi akiliisitsisarnermik suliaqarnerup nalaani attavigisartagassatit amerlapput aamma suliffimmit avataanillu, tassunga ilanngullugu Danmarkimi Akileraartarnermut Aqutsisoqarfik kiisalu siunnersortit aamma nunatsinni ingerlatseqatigiiffinnut akileraarusiinermi akisussaasut suleqatigisassavatit.

Suliassat aamma ajornartorsiutit pisariusunut isersinnaanissat aamma oqaluttariarsornikkut allattariarsornikkullu attaveqatigiilluarsinnaanissat pisariaqarpoq. Atorfik akisussaaffeqarluarnermik aamma ilisimasanik pisariaqartitsivoq.

Qajannaassaatit, alapernaallutit atuagarsornermilu pikkorillutit
Siunnersuisarnermi suliffimmit, imminik akileraartarnermut immikkoortoqarfimmit assigisaanilluunniit nussuinermi akiliisitsisarnermik misilittagaqarnissat naatsorsuutigaarput. Cand. merc. aud., cand. merc. fir. assigisaanilluunniit ilinniagaqartariaqassaatit.
Taakku saniatigut ilinnit uku pisariaqartippavut:

  • iluserissumik sulisinnaassaatit kiisalu ajornartorsiutit pisariusut pisariillisarsinnaallugit.
  • kisitsisinik paasinnittariaasit pitsaassavoq aamma tigusisussamut paasinartumik eqqortumillu ingerlateqqissinnaassallugit.
  • iligiikkuminassaatit ataatsikkullu namminersorlutit suliassannut akisussaasinnaallutit.
  • immikkoortoqarfiup iluani avataanilu suleqatinik akuullutit suleqataasinnaassaatit kiisalu suliffiup avatangiisianik pitsaaliueqataallutit.
  • Kalaallit Nunaanni inuiaqatigiinnik aamma inuussutissarsiornermi aaqqissuussamik kiisalu suliffinnik il.il. ilisimasaqassaatit.
  • Oqaluttariarsornermi allattariarsornermilu kalaallisoorsinnaassaatit, qallunaatoorsinnaassaatit pingaarnermilu tuluttoorsinnaallutit.

Akileraartarnermut Aqutsisoqarfik – suliffiit nutaaq 
Kukkunersiuisarnermut allaffeqarfimmi – Akileraartarnermut Aqutsisoqarfiup allaffeqarfiisa ilaat – atorfeqassaatit. Allaffeqarfik 12-inik pikkorissunik sulisoqarpoq. Kukkunersiuisarnermut allaffik Akileraartarnermut Aqutsisoqarfimmi nakkutilliinermut allaffiup akisussaaffiini Akileraartarnermut aamma Nakkutilliinermut ilaavoq.
Ulluinnarni suleqatigiilluta suliassat suliarisarpavut. Pitsaasumik suliffimmi avatangiiseqarpugut sulisuusullu piumassuseqarlutik suleqatigiittuullutik pingaartorsiunngitsumillu periaaseqarfiulluni, avatangiisillu sulliviusut ammasuullutik aamma suliaqarfinni aamma inuttut assigiinngissutsinut ataqqinniffiusumi. Suleqatigiiuvugut suleqatigiinnermik, ineriartornermik aamma ataqqinninnermik pisariaqartitsisut.

Qinnuteqarneq aamma attaveqatigiinneq    
Kingusinnerpaamik 15. juli 2021-mi qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

Piffissaq ingerlanerani oqaloqatiginnerit ingerlanneqassapput. Isumaqatigiissut naapertorlugu piaartumik inuttalerneqassaaq.

Pineqaatissinneqarsimannginnermut uppernarsaatit nassiutissavat. Tamanna akeqanngitsumik najukkami politeeqarfimmit imaluunniit sullissivik.gl-imi aaneqarsinnaavoq.

Atorfimmut tunngatillugu paasissutissat sukumiinerusut pissarsiarerusukkukkit, telefon +299 346531 imaluunniit knn@nanoq.gl aqqutigalugit pisortaq Kim Neumann Nielsen attavigisinnaavat.

Akileraartarnermut Aqutsisoqarfimmi atorfinissaatit. Suliffissat Akileraartarnermut Aqutsisoqarfik isumaqatigiissuteqarfigalugu inissinneqassaaq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk