Skip to main content
92

Dette jobopslag er udløbet

Akileraartarnermut Aqutsisoqarfik kontorfuldmægtig-imik pissarsiorpoq

Akileraartarnermut Aqutsisoqarfik kontorfuldmægtig-imik ataatsimik pissarsiorpoq
 
Akileraartarnermut Aqutsisoqarfik kontorfuldmægtig-imik ataatsimik pissarsiorpoq atorfinittussamik 1. februar 2022 imaluunniit isumaqatigiinnikkut pisussamik.
Atorfik aaqqissuussaanermi Akileraarutit aammalu nakkutilliinermi, Sulisitsisut allattorsimaffianni (Sulinal) inissisimavoq
Atorfiup imarisai:
Sulinal-ip ulluinnarni akisussaaffigivai allaffissornikkut ingerlatsineq sulisitsisuniit nalunaarutigisartakkat.
Sulisitsisuniit nalunaarutigineqartartunut eqqortuunissaannut kivitseqatigisinnaasatsinnik misilittaqartuumik suleqatissarsiorpugut.

  • Saaffiginnissutinut sullissineq, oqarasuaatikkut, allakkatigut aammalu qarasaasiakkut allakkat isaasunut, sullissineq pitsaassutsimigut isumannaatsumik sivikinnerpaamillu immikkoortortaqarfiup suliarissarisartagai suliarineqarnissai  
  • sulisitsisuniit nalunaarsukkat naligiissaassallugit, sulisitsisut ingerlanerani aammalu sulisitsisutut taamaatittut nalunaarneri.
  • Sullissinermi pitsaassutsimigut naammassisaqarsinnaaneq innuttaasuniit, suliffeqarfinniit aammalu pisortat sulisitsisuniit nalunaarutit eqqortuunissaannut.
  • Ajornannginnerusumik eqaallisaaqataanissamillu qarasaasianut tunngasunut atorneqarnissaanik
  • Eletronisk-imik akileraarutit allagartaanik pilersitsiniarnermi peqataasarnissaq
  • Suliassat nalinginnaasut saniatigut allanut suliassanut peqataasarnissaq, immikkoortortaqarfiillu allat akimortumik suleqatigisarnissai.
     

Suleriaatsit qulaani taaneqartut pillugit ilinniartitsinneqarumaarputit.
Ullumikkut immikkoortortaqarfimmi suleqatigiit sisamaapput, ataatsimillu ilinniartoqarluni.
Immikkoortortami aqutsisoq aammalu nakkutilliinermi allaffimmi pisortaq qaninnertut aqutsisorissavatit.

Piginnaasassat:

  • TNI, NI2 imaluunniit AU assingusumik ilinniagaqarsimanissat aammalu misilittagartuunissat.
  • Qarasaasiatigut sullissinissamik pikkoriffeqarnissaq
  • Sullisserusussuseqarnissaq, namminersorlutit sulisinnaanissat, peqataalluartuunissat aalajaallutillu akisussaaffeqarnissat aammalu suleqatikkuminartuunissaq
  • Allattariarsornikkut oqaluttariarsornikkullu pikkoriffeqarnissat, kalaallisut oqalussinnaaneq, qallunaatut tuluttullu iluaqutaassaaq.
  • Ulapaarfinni sulianik tulleriiaarilluarsinnaaneq
  • Suliassaqarfimmut, inatsisinut aammalu naatsorsuuseriaasermut nalunngisaqarnissaq
  • Atorfimmut ilisimasaqareerneq, inatsisitigut naatsorsuuserinermullu paasinnilluarsinnaaneq.

 
Atorfik pillugu saaffiginniffissaq:
Atorfik pillugu annertunerusumik paasissutissat Allaffimmi Aqutsisumut Karen Marie Petersen, oqarasuaat toqqaannartoq 34 65 48 / mail: kmap@nanoq.gl imaluunniit Allaffimmi Pisortamut Charlotte R. Lyberth saaffigineqarsinnaapput, oqarasuaat toqqaannartoq 34 65 14, e-mail: cly@nanoq.gl
 
Qinnuteqaat:
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
 
Piffissaq qinnuteqarfissarititaasoq kingulleq:
Qinnuteqaat kingusinnerpaamik Akileraartarnermut Aqutsisoqarfiup tigusimassavaa 15. december 2021.


Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk