Find job
Dette jobopslag er udløbet
Akileraartarnermut Aqutsisoqarfik immikkoortoqarfimmi aqutsisussarsiorpoq
Akileraartarnermut Aqutsisoqarfik immikkoortoqarfimmi aqutsisussarsiorpoq
Akileraartarnermut Aqutsisoqarfiup Maniitsumi naatsorsuuserivia, Akileraartarnermut Aqutsisoqarfiup Aningaasaqarnermut Immikkoortortaqarfianut atasumi, atorfimmik ulloq 1. april 2023-imiit isumaqatigiinnikkulluunniit atorfiniffiusinnaasumik immikkoortoqarfimmi aqutsisussarsiorpoq. Atorfik Maniitsumi inuttalerneqarnissaa ilimagineqarpoq, atorfininnermilu inissiamik innersuussisoqarsinnaavoq.
Suliassat:
Immikkoortoqarfimmi aqutsisup naatsorsuuserinermut allaffimmi naatsorsuuserinerit suliarineqarnerani aaqqissornissaa akisussaaffigissavaa, allaffimmilu suliassat naammassinninnissap pitsaasuunissaanik sulisutigut suliamullu naleqquttumik suliarineqarnissaat, allaffiup ulluinnarni neqeroorutigisartagaannik pitsaasumik ingerlanneqartuarsinnaanissaannik qulakkeerinneqataassalluni.
Tamatuma saniatigut immikkoortoqarfimmi aqutsisoq sulianik suliaqarnermut ilaasassaaq tamatuma ataani Akileraartarnermut Aqutsisoqarfiup suliassaanik aaqqiineq.
Immikkoortortami pisortap allaffiup ineriartortinnissaa qaqugukkulluunniit qularnaartussaavaa, taamaaliornikkut naatsorsuuserinermut allaffimmi naatsorsuuserinermi anguniakkat eqquutsinneqarnissaat qulakkeerniarlugu.
Atorfimmuttaaq saniatigut uku suliassaat attuumassuteqarput:
- Akileraartarnermut Aqutsisoqarfimmi aningaasanut inatsip kontoani naatsorsuuserinerit.
- Akileraartarnermut Aqutsisoqarfimmi Akiliititsiniartartoqatigiinnut naatsorsuuserinerit.
- Qaammatikkaartunik aamma ukiup pingajorarterutikkaartumik malitseqartitsiniarluni nalunaarusiornerit. Suliffeqarfiup iluani kontonik ingerlaavartumik naligiissaarinerit malitseqartitsinerillu tassungalu Akileraartarnermut Aqutsisoqarfimmi suliassaqarfiit immikkoortortaani atugassanik malitseqartitsinerit.
- Akileraartarnermut Aqutsisoqarfiup suliassaqarfianut allaffinnit sullitanillu avataaneersunit naatsorsuussinermut tunngasunik ikiorsiinerit ilitsersuinerillu.
Atorfinitsinneqarninni suliassaqarfinnut qulaani pineqartunut soorunami ilinniartinneqassaatit.
Maanna Naatsorsuisarfimmi sulisunik 7-nik sulisoqarpoq, taakkunani 5-it Maniitsumi sulisut 2-llu Nuummi inissisimallutik.
Aningaasaqarnermut Immikkoortortaqarfiup Naatsorsuuseriviani akitsuuserivianilu allaffiup pisortaa pisortarissavat.
Piginnaasarineqartussat:
Takorloorparput, aningaasaqarnermik aamma pigisanik nalilinnik aqutsinermik qaffasinnerusumik ilisimatusarsimanissat, EVU imal. assingusumik ilinniarsimanissat.
Qarasaasialerillaqqissuuvutit.
Oqalloripputit, oqaatsitigut allattariarsornikkullu pisinnaasaqarluarlutit, iluaqutaassaarlu Kalaallisut Qallunaasullu piginnaasaqaruit.
Atorfinnik assingusunik misilittagaqarputit.
Ammasuuvutit, ataavartoq, namminersorsinnaasoq, piumassusilik akisussaassuseqartorlu.
Akissarsiat atorfeqartitaanermilu atugassarititaasut:
Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit pissapput.
Ineqarneq
Atorfinittumut atatillugu inissiamik innersuussisoqarsinnaavoq. Qinnuteqartorli Namminersorlutik Oqartussani atorfeqarnini aqqutigalugu sulisutut ineqareersimaguni sulisunut inissiamik innersuussivigineqarsinnaanini pigiinnassavaa. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Atorfik pillugu saaffiginninneq
Atorfik pillugu paasissutissat sukumiinerusut immikkoortortaqarfimmi pisortamut Kirstine Josefsenimut saaffiginnilluni pissarsiarineqarsinnaapput, oqarasuaammut +299 34 55 71 / e-mail: kijo@nanoq.gl.
Qinnuteqaat:
Qinnuteqaatit, CV, ilinniarsimanermut pikkorissarsimanermullu uppernarsaatit kiisalu paasissutissat attuumassutillit allat "qinnuteqaat nassiuguk" toorlugu nassiukkit.
Mail aqqutigalugu qinnuteqaatinik tigusineq ajorpugut.
Qinnuteqarnissamut piffissaliussaq:
Qinnuteqaat Akileraartarnermut Aqutsisoqarfimmeeriissaaq kingusinnerpaamik ulloq 03.april 2023.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job