Find job
Dette jobopslag er udløbet
Akileraartarnermut Aqutsisoqarfik ilinniagartuumik attaveqaqateqarnermullu piginnaanilimmik sulisussarsiorpoq
Akileraartarnermut Aqutsisoqarfik ilinniagartuumik attaveqaqateqarnermullu piginnaaneqarluartumik, aqutsisunut sullissiviup naalakkersuinermillu suliallit suliffeqarfiup iluani avammullu nalunaaruteqartarneranni sullissisussamik sulisussarsiorpoq. Atorfik Nuummi qitiusumik allaffimmi inissisimavoq.
Suliffeqarfimmi pikkorissunik suleqateqarfiusumi atorfik pissanganartoq unammilligassaqarfiusorlu, sulinermilu assigiinngitsunik suliaqarnissamut aammalu inuttut ineriartornissamut periarfissiilluartoq neqeroorutigaarput.
Akileraartarnermut Aqutsisoqarfiup aqutsisunut sullissiviani suleqataaleruit pikkorissunik suliaminnullu tunniusimasunik suleqateqassaatit, suliffeqarfiullu aqunneqarnera ineriartortinneqarneralu sunniuteqaqataaffigisinnaallugu. Suliassat kissaatigisatit piginnaasaqarfitillu naapertorlugit nammineerlutit sunniuteqarfigilluarsinnaassavatit.
Kalaallit danskillu oqaasiinik, immaqalu aamma tuluttut, piginnaasaqarluartuuneq kiisalu aamma kalaallit kulturiannik inuiaqatigiinnullu tunngasunik ilisimasaqarneq pitsaalluinnassapput.
Suliassatit pingaarnerit tassaassapput:
- Akileraartarnermut Aqutsisoqarfiup aqutsisuinik sullissineq
- Naalakkersuinermik sulialinnik sullissineq, tassa Inatsisartut Naalakkersuisullu apeqqutaannik akissuteqartarnermi suleqataaneq naalakkersuinermillu sulialinnut nalunaarusiortarnermi suleqataaneq
- Tusagassiuutitigut avammut nalunaaruteqartarneq Akileraartarnermullu Aqutsisoqarfiup nittatagaatigut attaveqartarneq
- Sammisanik innuttaasunut suliffeqarfinnullu paasiuminaassinnaasunik paasinarsaalluni paasiuminarsaallunilu ingerlatitseqqittarnermi akisussaasuuneq
Suleqatissarput makkuninnga piginnaasaqartuussaaq:
- Attaveqaqatigiinnermik, pisortat allaffissornerannik, aningaasarsiornermik assigisaannilluunniit suliamut naleqquttumik ilinniagaqarneq
- Attaveqaqateqarnermik piginnaasaqarluartuuneq, allattariarsornikkut oqaluttariarsornikkullu
- Sammisanik paasiuminaatsunik paasiuminarsaalluni saqqummiussisinnaaneq
- Naalakkersuinerup iluani suleriaatsinik ilisimasaqarluarneq aamma siunnersuisinnaalluartuullunilu ilitsersuisinnaalluartuuneq
- Suliassat suliarineranni tamakkiisumik isiginnissinnaassuseqarneq
- Suleqatiginnilluarsinnaaneq
- Akisussaassuseqarneq suliassallu naammassinissaat tikillugu suliaqarsinnaaneq
- Avatangiisiminut alapernaatsoq namminerlu sulissuteqarluni suliassarsiorsinnaasoq
Pinerlussimannginnissat piumasaqaataavoq.
Akileraartarnermut Aqutsisoqarfiup sulinera sunniuteqaqataaffigerusukkukku suleqatigiumagutsigullu, taava qinnuteqaat aamma CV qarasaasiakkut qinnuteqarfissaq aqqutigalugu nassiutikkit.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job