Skip to main content
155

Dette jobopslag er udløbet

Akileraartarnermut Aqutsisoqarfik Allaffimmi pisortassarsiorpoq

Namminersorlutik Oqartussat
Akileraartarnermut Aqutsisoqarfik
Allaffimmi pisortassarsiorpoq
 
Akileraartarnermut Aqutsisoqarfimmi allaffimmi pisortatut atorfik 1. oktober 2022-miit inuttalerneqartussanngorlugu imaluunniit isumaqatigiissuteqarnikkut inuttassarsiorneqarpoq. 

Aaqqissuussaanikkut inissisimaffik suliassallu:
Atorfik Kukkunersiuisarfiup allaffianiippoq, Akileraarnermut Aqutsisoqarfiup Akileraarutit Nakkutilliinermilu immikkoortortaqarfiup ataani inissisimavoq. Immikkoortortaqarfiup akileraartarnermut inatsisinut tunngasut tamaasa, tamatumunngalu ilanngullugit innuttaasut akileraartarnerannut nalimmassaaneq, kukkunersiuineq, apeqquteqaatinik akissuteqarneq, aammalu innutaasunut suleqatinullu naliginnaasumik siunnersuisarneq, sulisitsisunillu nakkutiginninneq isumagisarai.
Ulluinnarni Nuummi, Aalborgimi, Københavnimilu sulisut 19-it agguataarneqartuni Ingerlatseqatigiiffimmi, Inuttut Inuussutissarsiornermi, Akissarsianik isertitat pillugit akileraaruteqaatissanik naatsorsuisarnermi aammalu KAS-imi (kapitalafkastskat) akisussaaffigissavatit. 
Suliassat makkununnga tunngasuupput; ulluinnarni Kukkunersiuisarfiup allaffiani aqutsisarneq, taakkununnga ilaallutik sulianut tunngasutigut siunnersuisarnerit aammalu sulisunik aqutsisarnerit.
Immikkoortortaqarfimmi pisortaq peqatigalugu allaffimmi pisortap qulakkiissavaa, innuttaasut suliffeqarfiillu akileraartarnermut tunngasut pillugit eqqortumik piffissarlu eqqorlugu kiffartuunneqartarnissaat.  Suliassanut attuumassuteqartunik arlalinnik allaffissornikkut suliassaqartassaaq.

Piginnaasarineqartussat:
Naatsorsuutigaarput sulisussaq akileraartarnikkut suliassanut tunngasutigut siamasissumik itisuumillu ilisimasaqartuussasoq, saqqummiillaqqissuussasoq allanillu oqaloqateqarluarsinnaassasoq, nammineerluni allanillu suleqateqarluni sulilluarsinnaasuseqassasoq,  suliassanik pisariusinnaasunik isumaginnilluarsinnaassasoq kiisalu allattariarsornikkut oqaatsitigullu pitsaasunik piginnaasaqassasoq.
Taamatuttaaq iluaqutaassaqaaq, kalaallisut, qallunaatut tuluttullu oqalussinnaallutillu allassinnaaguit, soorluttaaq Kalaallit kulturiannik inuiaqatigiinnerannillu ilisimasaqarluarneq iluaqutaassaqaaq.

Atorfik pillugu saaffiginninneq
Atorfik pillugu paasissutissat sukumiinerusunik pissarserusukkuit, immikkoortortaqarfimmi pisortaq Thomas Holm Jensen attaviginerani piniarneqarsinnaapput ugguuna oqarasuaat 34 65 29, e-mail thoj@nanoq.gl.
Qinnuteqaatit, siusinnerusukkut suliffigisimasavit allattorsimaffiat, ilinniarsimasanut pikkorissaatigisimasanullu uppernarsaatit kiisalu paasissutissat allat attuumassuteqartut "qinnuteqaat nassiuguk" toorlugu nassiutikkit. Maili atorlugu qinnuteqaatinik tigusineq ajorpugut.
 
Atorfinitsitsinissamut oqaloqateqarnissat qinnuteqarnissamut killigititap naanerata kingunitsianngua ingerlanneqassasut naatsorsuutigineqarpoq.
 
Akileraartarnermut Aqutsisoqarfiup oqaloqatigiinnissamut aggeqqullutit toqqarpagu tulliusutullu qinnuteqaatippit ingerlannera ingerlateqqissallugu, Akileraartarnermut Aqutsisoqarfiup pineqaatissinneqarsimannginnermik uppernarsaativit nuutinneranik qinnuigissavaatit. Pineqaatissinneqarsimannginnermik uppernarsaateqarnissat saneqqunneqarsinnaanngitsumik piumasaqaataavoq.
 
Ulloq qinnuteqarfissaq kingulleq: Qinnuteqaat Akileraartarnermut Aqutsisoqarfiup tigoreersimassavaa kingusinnerpaamik ulloq 31. august 2022

Akissarsiat atorfeqartitaanermilu atugassarititaasut:
Atorfik akissaateqarfimmi (LR 36-mi) maanna inissisimavoq.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Aallaaviusumik sapaatip akunnerani suliffiuvoq akunneri 40-t, atorfimi qaanngiuttornermusiaqarsinnaavoq ukiumoortumut akunneri 320 qaanngersimagaani, qaammatinullu pingasunut avillugit 80-t, taammaatoq ulloq sulinngiffiusussaasoq annaagaani ajunngitorsiassaqarfiunngilaq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.   Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk