Skip to main content
91

Dette jobopslag er udløbet

Akileraartarnermut Aqutsisoqarfik Allaffimmi pisortassarsiorpoq

Akileraartarnermut Aqutsisoqarfimmi, Ingerlatanut ineriartortitsivimmi allaffimmi pisortatut atorfik inuttassarsiuunneqarpoq, januarip aallaqqaataani 2021–imi imalt. isumaqatigiissuteqarnikkut aallartittussamik.

Aaqqissuussaanermi inissisimaffik suliassallu:
Ulluinnarni aqutsisoqarfimmi Ingerlatanut ineriartortitsinermut suliassat aqutsisunullu sullissineq akisussaaffigissavatit, aqutsisoqarfimmi pisortamullu toqqaannartumik atassuteqassallutit. Ineriartortitsineq ilusilersussavat eqqarsaammiit atuutilersinneqarnissaata tungaanut.

Ulluinnarni suliassanut ilaapput, Ingerlatanut ineriartortitsinermut aqutsineq, tassunga ilanngullugit sammisat pillugit ilitsersuineq siunnersuinerlu sulisunillu aqutsineq. Ingerlatanut ineriartortitsiviup suliassat assigiinngitsorpaaluit suliassarai, tassunga ilanngullugit aqutsisunut allaffissornikkut sullissineq siunnersuinerlu, naalakkersuisoqarfimmut politikkikkullu susassaqarfiinut tunngasut, pilersaarusiornerit periusissanullu ataqatigiissaarinerit ineriartortitsinerillu, paasissutissiinerit, aalisakkanut akitsuutit aqunneqarneri, isumaqatigiissutinullu aqutsinerit.

Piginnaasat:
Suleqatigiligassatut naatsorsuutigaarput, sammisat assigiinngiiaartut akornanni, soorlu atortutigut pisiortorfitsinnut assigiinngitsunut aqutsineq, politikkikkut suliaqarnermut, Akileraartarnermut Aqutsisoqarfiullu immikkoortortaani assigiinngitsuni suleqatit ineriartortitsiqataaffigisinnaagitit. Pilersaarusiorsinnaanermut pisunullu tappiffeqarneq piginnaaneqarfigilluarpat tamannalu inunnut allanut ingerlateqqissinnaassuseqarfigivat. Naatsorsuutigaarput akileraaruserinermut misilittagaqarnerit ilisimasaqarfigigilluunniit. Suliassanik imaaliallaannaq naammassiuminaassinnaasunik ineriartortitsinermut misilittagaqarfigigit. Oqartussaassuseqarnermik ilisimaarinnittuussaatit attaveqaqatigiillaqqissuullutillu oqaloqatigiinnillaqqissuussallutit politikkikkullu paasinnillaqqissuullutit ersarissumillu allakkatigut oqaatsitsigullu attaveqaqatigiillaqqissuussallutit. Akisussaaffimmik tigusinissannut tunuarsimaartuunngilatit allanulluunniit kajuminnartunngorlugu ingerlatitseqqissinnaassuseqarlutit.

Iluaqutaassaaq kalaallisut qallunaatut tuluttullu oqalussinnaaguit allassinnaallutillu. Taamatuttaaq iluaqutaassaaq kalaallit kulturiannik Kalaallit Nunaannilu inuiaqatigiinnermut tunngasunik ilisimasaqaruit.

Angusassatit makkuupput:

  • Akisussaaffik annertooq malitseqassaarli periarfissanik, Akileraartarnermut Aqutsisoqarfimmut Kalaallit Nunaannilu innuttaasunut pitsaasumik sunniuteqarneq.
  • Suleqatigiit, ineriartortitsinermut siunnersortit pilersaarusiornermullu aqutsisut pikkorissut.
  • Akileraartarnermut Aqutsisoqarfik tamakkerlugu suleqatigiinneq pitsaasoq.


Atorfik pillugu saaffiginninneq:
Atorfik pillugu paasissutissanik annertunerusunik pissarniarnissamut tikilluaqquneqarputit attavigissallugu aqutsisoqarfimmi pisortaq, Kim Neumann Nielsen, oqarasuaat 346531, e-mail knn@nanoq.gl

Atorfinitsitsinissamut atatillugu oqaloqatiginninnerit, qinnuteqarnissamut killissarititap kinguninnguaq aallartinneqassapput.

Akileraartarnermut Aqutsisoqarfiup oqaloqatiginninnissamut qaaqqussappatit tamatumalu kingorna atorfinitsitsinissaq siunertaralugu ingerlateqqissappagu, Akileraartarnermut Aqutsisoqarfiup piumasarissavaa pillagaasimanngitsutut allagartap assilinera uppernarsaatitut takujumallugu.
Pillagaasimannginnermut allagartaq atorfininnissamut piumasaqaataavoq saneqqunneqarsinnaanngitsoq.

Akissarsiat atorfeqartitaanermilu atugassarititaasut:
Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk