Skip to main content
152

Dette jobopslag er udløbet

Akileraartarnermut Aqutsisoqarfik kontorfuldmægtigissarsiorpoq

Akileraartarnermut Aqutsisoqarfik kontorfuldmægtigissarsiorpoq siusinnerpaamik ulloq 1. maj 2019 isumaqatigiissuteqarnikkulluunniit sulilersussamik.
 
Atorfik Sulisitsisut allattorsimaffiata allaffiani Naatsorsuusserinermut Immikkoortortaqarfiup ataaniittumi Nuummi inissisimavoq. Ingerlatsiviup akisussaaffigivai allaffissornikkut suliassat sulisitsisunut nalunaarsuivimmi. 
 
Kontorfuldmægtigi sulisitsisut nalunaarsugaannik misissueqqissaarneq, sulisitsisutut aamma sulisitsisuujunnaarsimanermut nalunaarsuinerit.
  
Suliassat ukuupput inuttut, oqarasuaatikkut, allakkatigut aammalu allakkatigut saaffiginnissutigisanik allaffissornikkut sullissinerit, sulisitsisutut aamma sulisitsisuujunnaarsimanermut aamma allakkatigut nittartakkatigullu nalunaarsukkanik naqiterineq, misissueqqissaarineq, naatsorsuinikkut nalunaarsuineq, akiligassanik eqqaasitsiissutit, amerlasuunik akileraartarnermut qarasaasiakkut allagartanik pilersitsisarnernut peqataasarneq. 
  
Atorfimmi susassaqarfinnut allanut tunngasunut suliassaqartarsinnaasassaaq.
 
Suleriaatsit pillugit ilinniartitsisoqassaaq, suliassaqarfimmut pineqartumut tunngatillugu ilisimasa-qarneq iluaqutaassaaq.
 
Naatsorsuutigaarput qinnuteqartoq allaffimmiutut ilinniagaqarsimasuunissaa, naatsorsuinermut misilittagaqarnissaa, suleqatigiinnissamut pitsaasunik piginnaasaqassasoq aammalu marluinnik oqaaseqartuulluni oqaatsillu pineqarput kalaallisut danskisullu.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk