Skip to main content
111

Dette jobopslag er udløbet

Akileraartarnermut akitsuusiisarnermullu siunnersorti

Akileraartarnermut Aqutsisoqarfimmi sulisuunissat kajumigaajuk ullullu assigiinngisitaartut pissanganartullu atussallugit iluaraajuk, taava neriuppugut tusarfigissallutit.

Akileraartarnermut akitsuusiisarnermullu Siunnersortimik ataatsimik pissarsiorpugut 1. oktober 2019-imiit imaluunniit isumaqatigiissuteqarnikkut atorfinittussamik. Atorfik Nuummi inissisimavoq.

Atorfik nutaajusoq Akileraartarnermut Nakkutilliinermullu Immikkoortortaqarfiup ataani Akileraaruseriffimmi inissisimavoq. Atorfik Nuummi inissisimavoq.

Akileraaruseriffimmi ilaatigut suliaraagut akissarsiortut akileraartarnermut tunngatillugu nammineerlutik nalunaarsuinerat misissuiffigisarneri, siunnersuisarnerit ilitsersuisarnerillu.

Akileraaruseriffimmi akileraartarnermut akitsuusiisarnermullu siunnersortitut pingaarnertut suliassaraatit:

  • Akileraartarnermut tunngatillugu pigisanit pissarsiat akileraarutaannik   nammineerlutik nalunaarsuutit misissuiffigineri (KAS)       
  • Akileraartarnermut tunngatillugu akissarsiortut nammineerlutik nalunaarsuutaannik    misissuiffigineri aammalu akissarsiortut aningaasarsiaanik angissusiliinerit.
  •  Inaarutaasumik naatsorsuutit suliarineqarneri.
  • Kiisalu suliassat nalinginnaasut allat akileraaruserinermut tunngassuteqartut.

Piginnaasassatut piumasaqaatit
Suliaqarfitsinni suliamut paasisimasaqarnerit aamma assingusumik atorfeqarnermi misilittagaqarnissat naat-sorsuutigaarput, kisitsisilerinermut piginnaaneqassaatit, peqqissaartuuneq aammalu suleqatikkuminartuuneq piginnaasaqarfigilluassallugit. Iluaqutaassaaq akileraarusiisarnermut inatsisinik ilisimasaqarluaruit soorlu iluaqutaalluinnassasoq marlunnik oqaaseqartuuguit kalaallisut aamma danskisut kiisalu tuluttut oqaatsinik atuisinnaasuuguit.
 
Pingaaruteqarpoq suleqammit ilinniartinneqarnermi sammisamut soqutiginnittuunerit nutaanillu ilisimasaqalernissamut kajumissuseqartuunerit.
Oqaloqatigiiffigiuminartumi pimoorussiffiusumili, ilaannikkullu ulluinnarni ulapaarfiusinnaasumi sulinissat kis-saatigivat, suliassaqarluarnissat nuannarisuullugu, aaqqitassanik nutaanik periarfissaq sivikitsoq atorlugu paasinnissinnaasuseqarlutit. Pitsaasumik suleqatiginnissinnaassuseqartuuvutit, ataatsimoorussamillu sulias-sanik oqaluinnarnikkut allakkatigullu ersarissumik saqqummiussisinnaallutit.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaa-sut atorfininnerup nalaani atuuttut naapertorlugit ingerlanneqassapput.
 
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Atorfik pillugu saaffiginninneq
Paasissutissanik annertunerusunik pissarsiniarnissamut tikilluaqquneqarputit attavigissallugu allaffimmi pisortaq Debora Møller, oqarasuaat 34 65 06, e-mail demo@nanoq,gl
 
Qinnuteqaat
Qinnuteqarnissamut killissarititaq: 12. august 2019.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk