Skip to main content
152

Ado Lyngep Atuarfia Ilinniartitsisussarsiorpoq (Allagarsiuteqqitaq)

Namminersorlutik Oqartussat Aasianni atuafiutaat , isumaliortaatsimikkut innarluutillit atuarfiat, Ado Lyngep Atuarfia ilinniartitsisussarsiorpoq, 1.september 2019 isumaqatigiissuteqarnikkulluunniit atorfinittussamik.

Ado Lyngep Atuarfia isumaliortaatsimikkut innarluutilinnik 16-nik atuartuuteqarpoq. Atuartut 14-niit 20-it akornanni ukioqarput, angerlarsimaffitsik qimallugu immikkut ittumik atuartinneqarnissaminnut pisariaqartitsisut. Atuarfiup siunertarivaa, atuartut atuarnerminnik ingerlatsitseqqissinnaanerat annertusassallugu, imaluunniit ulluinnarni inuunerminni sapinngisamik inuiaqatigiit akornanni nammineersinnaanerullutik inooqataalersinnaanerat siunertaralugu sungiusassallugit. Siunertap taamaattup pisariaqartippaa ilinniartitsisut perorsaasullu akornanni qanimut suleqatigiissinnaanissaq, suleqataasullu allat akornanni suleqatikkuminartuunissaq. Ado Lyngep Atuarfiani sulisut imannak agguataaqqapput: Atuarfiup pisortaa taassumalu tullersortaa.

Ilinniartitsisut sisamat, perorsaasut pingasut, immikkoortortami aqutsisoq, perorsaanermi ikiortit, asaasoq aammalu pedeleq.

Atorfinitsitsineq Kalaallit Nunaanni Naalakkesuisut aamma Ilinniartitsisut meeqqat atuarfianeersut Kattuffiata IMAK-ip isumaqatigiissutaat tunngavigalugit pissaaq. Qinnuteqartoq tjenestemandiureersimaguni taanna tunngavigalugu atorfinitsinneqarsinnaavoq. Kalaallit Nunaanni Namminersorlutik Oqartussani kommunenilu tjenestemandit pillugit Inatsisartut inatsisaat nr. 21, 18 December 2003-meersoq malillugu. Tjenestemanditut atorfeqareersimagaanni , tamanna qinnuteqarnermi uppernarsarneqassaaq.

IMAK-ip Namminersorlutik Oqartussallu Meeqqat atuarfianni ilinniartitsisunut isumaqatigiissutaat aallaaviussaaq. Sulinerup piffissalersorneqarneranut atatilugu Ado Lyngep Atuarfianut nutaamik 1. august 2019 atuutilersussamik isumaqatigiissuteqarpoq, taannalu Ado Lyngep Atuarfiata tapianik taaguuteqarpoq, taannalu ukiumut 42 000 kr.-imik annertussuseqarluni.

Inissaq
Malittarisassat sukkulluunniit atuuttut malillugit atorfinittumut sulisunut inissiamik pequtsersugaanngitsumik innersuussisoqarsinnaavoq. Inissiamut innersuussutigineqartumut illumut akiliut qularnaveeqqusiinerlu malittarisassat qaqugukkulluunniit atuuttut malillugit akilerneqassapput. Inigisap qanoq pisoqaatiginera, piginnittuuneq il.il. apeqqutaallutik ineqarnermut akiliutit inillu qanoq pitsaatiginera assigiinngissinnaapput.

Sulisunut inissiaq atorfeqarnerup atorunnaarnerani qimanneqassaaq. Ataavartumik sulisutut inissiaqalernissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffiit minnerusut imaluunniit akunnittarfimmi inissiat.

Ilinniagaqarsimanermut uppernarsaatit, suliffigisimasamilu oqaaseqaatit, ilaqutaqarnermullu paasissutissat qinnuteqaammut ilanngullugit, kingusinnerpaamik 21. juli 2019 nassiutereerneqarsimassapput.

Annertunerusumik paasisaqarusukkuit atuarfimmi pisortamut Frantz Lundblad-mut saaffiginnissinnaavutit, oqarasuaat: 89 48 70 mobil: 53 94 74 Email: adolynge@adolynge.gl.

Ado Lyngep atuarfia
Ikerasannguup Qaava 2-4
Box 320
3950 Aasiaat