Skip to main content
152

Adjunktitut/lektoritut piffissap affaani tusagassiuutinik attaveqaatinillu suliaqartussamik pissarsiorneq

Tusagassiuutinut Immikkoortortaqarfimmi (TI) Ilisimatusarfiup (Grønlands Universitet) Nuummiittup ataaniittumi tusagassiornermik attaveqaatinillu suliaqartussamik piffissap affaanut adjunktitut/lektoritut atorfik 1. august 2019 isumaqatigiissuteqarnerluunniit malillugu sulilertussamik pissarsiorpoq. Atorfik ukiunut marlunnuugallartoq killilerneqarpoq.
TI ilisimatusartumik, tusagassiuutit attaveqaatillu pillugit ilisimatusartumik ph-d.-tut ilinniarsimasumik pissarsiorpoq. Iluaqutaassaaq sammisami Kalaallit Nunaanni pissutsit pingaarnerutillugit ilisimatusaateqaruit. Suliassat tassaassapput isumaqati-giissutit naapertorlugit ilinniartitsineq ilisimatusarnerlu.

Tusagassiuuteqarnermut Immikkoortortaq pingasunik aalajangersimasumik sulisoqar-poq, taakkunannga ataaseq pisortatut ilinniartitsinissamik pisussaatitaanertalimmik atorfiliulluni. Tamatuma saniatigut Immikkoortortaq tusagassiornermi ilisimatusarner-milu ilinniartitsisunik avataaneersunik nunaqavissunillu sulisoqartarpoq.

Suleqatigiinni ilisimasatigut ineriartortuni peqataassaatit, ilinniartitaanerup ineriartortinneqarnerani pissanganartumi, ilinniartitaanerup ineriartornerata qitiutinneqarnerani, Ilisimatusarfik pillugu Inatsit naapertorlugu.

Atorfik pillugu annertunerusumik paasisaqarsinnaavutit Immikkoortortami pisortap Naja Paulsen-iå attavigineratigut, oqarasuaat +299 38 56 00 imaluunniit mail-i una atorlugu: naja@uni.gl

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk