Skip to main content
89

Dette jobopslag er udløbet

Adjunkt-imik suliamut Inaarsaavik-mut

Adjunkt-imik suliamut Inaarsaavik-mut.

Suliap allaaserinera piginnasanullu piumasaqaatit
Ilisimatusarfik, Kalaallit Nunaata Universitetia, adjunktitut atorfimmut suliamik ”Inaarsaavimmik” ingerlatsisussamik pissarsiorpoq.  Suliaq Inaarsaavik aallarnisarneqarpoq immikkut ilinniagaqartut ilinniakkaminnik naammasinnittartut qaffassarniarlugit.

Atorfik aalajangersimasumik piffissaligaavoq, 1. februar 2020 inuttalerneqarnissaa kissaataalluni naassallunilu 31. maj 2020.

Qinnuteqartut suliamut naleqquttumik Universitetimi atuarsimassapput, aammalu takutissinnaas-sallugit ilisimatusarnerup ilinniartitsinerullu iluani piginnaasatik minnerpaamik adjunktimut nallersuussinnaasut.

Atorfimmut ilaapput Kulturimut, Oqaatsinut Oqaluttuarisaanermullu Instituttimi kiisalu Inuiaqatigiilerinermut, Aningaasaqarnermut Tusagassiuutinullu Instituttimi immikkut ilinniartunik aqqutissiuussineq atuartitsinerlu. Naatsorsuutigineqarportaaq atorfinittup aqqutissiuussinerup atuartitsinerullu saniatigut allaffissornermi suleqatillu akornanni suleqataanissaa.

Atorfimmut atatillugu atuartitsineq tassaanerussaaq allariaatsimik atuartitsineq aammalu allariaatsip iluani sammisaqartitsineq. Suliassattaaq makkua atorfimmut ilaatinneqarput: Ilisimatusarfimmi ilinniartunik immikkut allaaserinninnissamut piareersimasunik nalunaarsuineq; Immikkut allaaserinninnissamut piareersimagaluarlutik naammassinninngitsoorsinnaanerannut patsisaasinnaasunik nalunaarsuineq aammalu suliamik qaffassaanermi isumaqatigiissutinik naammassisaaneq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk