Skip to main content
150

Dette jobopslag er udløbet

AC-fuldmægtig/Specialkonsulent

Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik sulisussarsiorpoq AC-fuldmægtigimik / immikkut Siunnersortimik atorfimmut suleqatigiinni inissisimasussamut unamminartumut, suliassaqarfiit akimorlugit suliniutinik, paasissutissanik aamma nalilersuinernik suliaqarfiusussamut  
 
Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik suleqatissamik nutaamik pisariaqartitsivoq, suleqatigiinni suliassaqarfiit assigiinngitsut akimorlugit suliniutinik, paasissutissanik nalilersuinernillu ingerlatsisuni. – Suleqatigiit ilaatigut qitiusumik aallaaviupput ilinniartitaanernut attuumassuteqartunik suleqatigiinnermi Kalaallit Nunaata aamma EU-p (peqatigiinnermut isumaqatigiissut) akornanni. Pisariaqartipparput naalakkersuinikkut aqunneqartumik aaqqissuussaasumik ingerlatsivimmi suleqatissarput oqaluukkuminartoq ajornasaanngitsorlu, ajornanngippallu illit immikkut ittunik pingaarnertut piginnaaneqassaatit suleqatigiit suliassaqarfiisa pingaarnerit ilaanni arlaqartuni.
 
Atorfik pillugu:
Illit peqataalissaatit naalakkersuisoqarfiup suleqatigiissitaani suliniutinik, paasissutissanik nalilersuinernillu ingerlatsisuni, - piffissami matumani pingasunik sulisoqartumi, Ilinniartitaanermullu immikkoortortaqarfiup 14-inik sulisoqartup iluani.  Ilinniartitaaneq naalakkersuinikkut immikkut pingaartitatut suliniuteqarfiuvoq, taamaasimallunilu ukiuni maanna arlaqalersuni, ilisarnaataappullu pingaarnertut suliniutit iliuusaasut ineriartortitsinermut atasut arlaqartut, soqutigisaqartunillu amerlasuunit assigiinngisitaartunillu soqutigalugu malinnaavigineqartuulluni. Suliassat amerlasuut assigiinngisitaartullu suleqatigiinnut suliassiissutigineqartarput, suliassallu suleqatigiit akornanni qanoq katitsigaaneq tunngavigalugu agguaanneqartarlutik.  
Suliassaqarfiit assigiinngitsut akimorlugit suleqatigiit suliniutini, paasissutissanik nalilersuinernillu suliaqartartut qitiullutik inissisimapput siunissami ilinniartitaanerit ingerlaqqittumik ineriartortinneqarnerisa nalunaarsuivigineqarnerini. Suleqatigiinni ilaasutut illit peqataassaatit naalakkersuinikkut anguniakkat pingaarnerit ilinniartitaanernut tunngasut sulissutigineqarnerini, aalajangigassallu naammattunik tunngavissaqartumik aalajangersaavigineqartarnissaannut. Tamanna ilaatigut pisarpoq ukiumoortumik ilinniartitaanermut pilersaarummik suliaqartarnikkut, ingerlaavartumillu EU-mut nalunaarusiortarnikkut, peqatigiinnissamut isumaqatigiissutaasoq naapertorlugu ingerlanneqartartunik, nalilersuinernik suliniutit assigiinngitsut kiisalu suliniutinik assigiinngitsunik ineriartortitsisarnertigut ataqatigiissaarinertigullu.  
Illit pingaarnertut suliassatit ilaatigut makkuninnga imaqassapput:  

  • Nalilersuinerit aamma ineriartortitsineq aningaasanik atuisarnermi perrassaatinik inuusuttuaqqanik ilinniartitsinermut inuussutissarsiutinilu ilinniartitsinernut atatillugu aaqqissuussaasuni.  
  • Naalakkersuisoqarfimmi pisortaasunut, Naalakkersuisumut, Inatsisartunut aammalu EU kommission-imut nalunaarusiortarneq.
  • Nunat tamalaat akornanni ilinniartitaanerni suliniutini peqataasarnerit.
  • Naalakkersuisoqarfinniit allaniit avataanilu ingerlatsisuusuniit ilinniartitaanernut tunngasunik saaffiginnissutinut akissusiortarnerit.
  • Nalilersuinernik suliniutini annertuuni minnerusunilu peqataasarneq.
  • Ilinniartitaanerit iluanni ineriartortitsinikkut suliniutini aqutsisutut ingerlatsisarneq, assersuutigalugu ilitsersuisartutut suliassaqarfimmi.
  • Ilinniartitaanernut atatillugu kisitsisinik paasissutissanik assigiinngitsunik suliaqartarneq, assersuutigalugu kisitsisinik paasissutissanik nalilersueqqittarnerit.
  • EU-lu peqatigiinnermut isumaqatigiissut naapertorlugu ilinniartitaanernut atatillugu sulianik piviusunngortinneqartunik nalilersuinerni peqataasarneq.
  • Suleqatigiissitani peqataasarneq, naalakkersuisoqarfiup nammineq iluani suleqatigiissitani aammalu naalakkersuisoqarfiit / pisortaqarfiit allat peqatigalugit suliassaqarfiit akimorlugit suleqatigiissitani peqataasarneq.
     

Suliassaqarfiit assigiinngitsut akimorlugit suleqatigiissitaq suliniutinik, paasissutissanik nalilersuinernillu suliaqartartoq siamasissunik assigiinngisitaartunillu suliassaqartarpoq. Taamaattumik ujarparput inuk piginnaasaqarfigisaminik annertunerulersitsinissamik soqutigisaqartoq.
Piffissap ilaani angalanerit suleqatigiit suliaannut tunngatillugu annertungaatsiarsinnaasarput, Kalaallit Nunaanni namminermi aammali avataanut.  
 
Immikkoortortaqarfimmi pisortamut attaveqartuussaatit nalunaartarlutillu, kisiannili ulluinnarni suliassanik ingerlatsinermi taakkualu malersoqqittarnerini suleqatigiit nammineq aqutsisuat ataqatigiissaarisuuvoq.  
 
Taamaattumik uagut takorloorparput illit:

  • Kandidatitut naleqquttumik ilinniagaqarsimanissat, assersuutigalugu Cand.merc, Cand. Scient, Cand.soc
  • Aningaasarsiornikkut piginnaanerit annertuut, ilaatigut aningaasarsiornikkut nalilersuinernik suliaqarnissami pisariaqartut
  • Suleriaatsinik aaqqissuussaasunngortitsisarnissanut piginnaaneqarneq
  • Naalakkersuinikkut aqqunneqartumi aaqqissuussaanermi sulinermik misilittagaqarneq
  • Ilinniartitaanernut tunngasunik suliassaqarfimmik soqutigisaqarneq ilisimasaqarnerlu
  • Kisitsisinik paasissutissanik annertuunik suliaqarnermik misilittagaqarneq  
  • Piffissap sivikitsup iluani paasissutissanik annertuunik tunngavilinnik paasiniaasinnaassuseqarneq, tigusisussanullu siamasissunut ingerlatitseqqissinnaassuseqarneq.
  • Suliassat paasissutissallu amerlasuut sammineqartillugit tamakkiisumik isiginnissinnaassuseqarneq, taakkualu tunngavigalugit eqqortunik aalajangiinissamut tunngavissanik paasiuminartunillu suliaqarsinnaassuseqarneq
  • Piffissanik killiliussanik eqqortitsillaqqissoq
  • Suleqatigiinnermik oqaloqatigiittarnermillu pingaartitsisoq
  • Iluarissavarput tuluttut piginnaaneqarnerit
  • Ajornanngippat kalaallisut danskisullu oqaaseqartuunissat.

  
Suliffeqarfik pillugu:
Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik assigiinngisitaartunik suliffeqarfittut ingerlatsiviuvoq, pingaartorsiunngitsumik periaaseqarfiusoq, avatangiisillu sulliviusut ammasuullutik, sulisuusullu piumassuseqarlutillu suleqatigiittuullutik. Suleqatigiit 50-it misserpiaaniippugut, suliassaqarfitsinnillu ilisimasaqarluarneq pingaartitaralutigu, aamma avatangiisit susassareqatigiinnerullu pitsaasuunissaat.
 

Akissarsiat aamma atorfeqarnermut atatillugu atugassarititaasut:
Akissarsiat aamma atorfeqarnermi atugassarititaasut, tamatumani aamma atorfininnermut soraarnermullu atatillugu angalasinnaatitaaneq aamma pequtit nuunneqarneri, piffissami atorfiniffiusumi atuuttoq isumaqatigiissut Namminersorlutik Oqartussat aamma kattuffiup atorfinittumut isumaqatigiinniarsinnaatitaasup isumaqatigiissutaa naapertorlugu.
Atorfik inuttassarsiuunneqarpoq periarfissaqartitsiviusumik specialkonsulentitut atorfimmi inissinneqarsinnaanermik. Specialkonsulentitut inissinneqarsinnaaneq neqeroorutigineqarsinnaavoq qinnuteqartoq uppernarsaatitaqartunik piginnaaneqarpat.  
Suliffissaq Nuummiippoq.

Ini:
Atorfimmut inissiamik innersuussisoqarsinnaanngilaq. Qinnuteqartorli Namminersorlutik Oqartussani atorfeqareernini tunngavigalugu sulisunut inissiamik innersuunneqarsimaguni taanna pigiinnarsinnaavaa. Sulisutut inissiaq atorfimmut atasuuvoq, qimanneqassallunilu atorfeqarnerup atorunnaarnerani.

Qinnuteqarnissamut piffissaliussaq:
Siuliani allaaserineqartut ilinnut naleqquttutut nalilersimagukkit qinnuteqaatit CV paasissutissallu naleqquttut allat ilanngullugit nassiutikkit, ataaniittoq link aqqutigalugu, kingusinnerpaamik ulloq 7. juni 2021. Qinnuteqaatinik e-mail-ikkut tigusisanngilagut.
 
Paasissutissat allat:
Atorfik pillugu annertunerusunik paasisaqarumaguit immikkut siunnersorti Jesper Labansen oqarasuaatikkut  +299 346599 attavigisinnaavat, imaluunniit mail-imik allagit uunga; jela@nanoq.gl.

Namminersorlutik Oqartussat pillugit annerusumik paasisaqarniaruit takuuk www.naalakkersuisut.gl

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk