Skip to main content
63

Dette jobopslag er udløbet

AC-fuldmægtigi/specialkonsulenti perorsaanermut, isumaginninnermut aamma peqqissutsimut tunngasunik ilinniartitaanernut attuumassutilinnik suliaqartutut atorfinitsinneqartussaq ujarparput, Ilinniartitaanermut, Kultureqarnermut Ilageeqarnermullu Naalakkers

Inuussutissarsiutinut ilinniartitaanernik (EUD) suliassaqarfik tulleriiaarinermi qaffasissumik inissisimavoq, ilinniartitaanerni periarfissanik pitsaanerpaanik pilersitsisoqarsinnaaqqullugu, inuussutissarsiortullu sulisussanik ilinniarluarsimasunik pissarsisinnnaaqqullugit. Ilinniartitaanernut, Kultureqarnermut Ilageeqarnermullu Naalakkersuisoqarfiullu taamaattumik pissarsiariniarpaa suleqatissarput nutaaq, nukittuffeqartoq perorsaanermut, isumaginninnermut aammalu peqqissutsimut tunngasunik inuussutissarsiutinut ilinniartitaanerni suliassaqarfimmut.
Naalakkersuisoqarfimmi suleqatigiinnermut kultureqarpugut peqataasunut tamanut periarfissaqartitsisumik aaqqissuussaanitsinni nutaanik eqqarsaatersortarnermut, suliassanullu aaqqiissutissarsisarnernut. Taamaattumik, illit ammasuuguit, suleqatigiinnermik ileqqoqaruit, aammalu immikkut isumaginninnermut peqqissutsimullu tunngasunik ilinniartitaanerni soqutigisaqaruit, immaqa taannaavutit suleqatissarput.

Suliassat aamma akisussaaffiit
Illit akisussaaffiit pingaarneq tassaassaaq perorsaanermut, isumaginninnermut aammalu peqqissutsimut tunngasunik ilinniakkanik ingerlatsineq ineriartortitsinerlu, ilinniarfinni pisortaasut suleqatigalugit ingerlanneqartumik. Tamatuma saniatigut illit suliassatit, suleqatitillu qanittumut suleqatigalugit, tassaassapput qularnaassallugit suliat Naalakkersuisut /inatsisartut anguniagaannik naammassinnittuusarnissaat. Ilutigisaanillu aamma illit peqataassaatit Naalakkersuisoqarfiup nammineq iluani suliassaqarfiit assigiinngitsut akimorlugit suliniutini, ilinniartitaanerni suliassanik ad hoc -iusunik naammassinnittarnerni.

Illit suliassatit pingaarnerit ilaatigut makkuninnga ilaqassapput:

  • Ineriartortitsineq, nalilersuisarneq aamma suliniutissanik perorsaanermut, isumaginninnermut aammalu peqqissutsimut fagitigut inuussutissarsiutini ilinniartitaanernik atortuulersitsisarneq, ingerlatsiviit suleqatigalugit.
  • Nalinginnaasunik suliassanik suliaqartarneq
  • Naalakkersuisoqarfiup isumaginninnermut tunngasuni ilinniartitaanertigut immikkut suliniutaanik ataqatigiissaarisuuneq
  • Inuussutissarsiutinut ilinniartitaanernut atatillugu nalilersuinernik paasissutissanillu pisariaqartunik katersisarneq
  • Naalakkersuinikkut suliatigut sullissisarneq, allakkiortarneq, oqalugiaasiortarneq tusagassiorfinnullu nalunaarusiortarneq
  • Inuussutissarsiornermut pædagogikum-imut akisussaasuuneq ineriartortitsinerlu (KISII)
  • Ineriartortitsinernik suliniutini naleqquttuni peqataasarnerit, kiisalu suliassaqarfiit assigiinngitsut akimorlugit suliniutit
  • Qitiusumik ilinniarfinni ataatsimoorussamik siunnersuisoqatigiit ataatsimiittarnerini peqataasarneq


Pikkoriffigisat aamma piginnaasat
Pissarsiorpugut AC-fuldmægtigimik/specialkonsulentimik, piumassuseqartumik perorsaanermut, isumaginninnermut aammalu peqqissutsimut fagitigut suliassaqarfimmik ingerlatsinermut, fagitigut suliassanut pimoorussilluni sulerusussusilimmik, piginnaaneqartumik aammalu piumassuseqartumik suleqatigiinni ineriartortitsinermik pingaartitsilluinnartuni peqataanissamut. Ujarpatsigit illit, fagitigut suliassanik suliarilluagaasunik tunniussinissamik pingaartitsisoq, aaqqissuussamillu suliassanik ingerlatsisartoq.  

Kissaatigaarput:

  • Qaffasinnerusumik naleqquttumik ilinniagaqarsimasuunissat
  • Atorfimmit assingusumit misilittagaqartuunissat, imaluunniit atorfimmit ilinniartitaanernut tunngasuminngaaneernissat
  • Suliani immikkuualuttortaqarluartuni tamakkiisumik takunnissinnaanermik peqaannartarputit, ilutigisaanillu piffissamik sivikitsuinnarmik atugassaqaraluarluni naammassisaqarsinnaallutit
  • Inuiaqatigiinni pissutsinik ilisimasaqarluarputit
  • Oqaatitsigut kalaallisut, danskisut aamma tuluttut piginnaaneqarluassaatit.
  • Aningaasaqarnermut tunngasunik kisitsisinillu paasissutissanik paasinnilluartartuuvutit
  • Illit misilittagaqareersimassaatit perorsaanermut, isumaginninnermut imaluunniit peqqissutsimut suliassaqarfimmiit
  • Aningaasaqarnikkut aqutsinermik aammalu kisitsisinut paasissutissanut programminik ilisimasaqarnerit iluaqutaassaaq. 


Attaveqarfissaq aamma qinnuteqaat
Annertunerusunik paasisaqarumagaanni atorfimmut atatillugu, paasissutissat pissarsiarineqarsinnaapput Immikkoortortaqarfimmi Pisortamut Lotte Kjær-imut saaffiginninnikkut, oqarasuaatikkut (+299) 34 57 23 imaluunniit mail-ikkut lokj@nanoq.gl

Atorfiup 1. maj 2020 inuttalerneqarnissaa imaluunniit ersarinnerusumik isumaqatigiissuteqarnikkut kissaatigineqarpoq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Atorfik inuttassarsiuunneqarpoq periarfissaqartitsiviusumik specialkonsulentitut atorfimmi inissinneqarsinnaanermik. Specialkonsulentitut atorfimmi inissinneqarsinnaaneq neqeroorutigineqarsinnaavoq, atorfimmut qinnuteqartoq uppernarsarneqartunik eqqortunillu piginnaaneqarpat.


Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk