Skip to main content
92

Dette jobopslag er udløbet

AC-fuldmægtigi "Nunanut allanut sillimaniarnikkullu politikkimik" soqutigisalik

Nunanut Allanut Naalakkersuisoqarfik AC-fuldmægtigimik "Nunanut allanut sillimaniarnikkullu politikki" pillugu suliaqartussamik 1. martsi 2019-imiit atorfinittussamik inuttassarsiorpoq.

Naalakkersuisoqatigiinnissamut isumaqatigiissut aamma Naalakkersuisut aalajangiineri Kalaallit Nunaata nunanut allanut politikkikkut piginnaasaasa nukittorsarneqarnissaat tapersersorpaat. Taamatut ineriartornerup Namminersorlutik Oqartussani ataqatigiissarneqarneranut Naalakkersuisoqarfik akisussaavoq. Taamaattumik nunanut allanut tunngasuni inuttatigut nukittorsaaniartoqarpoq.

Atorfimmi siunertaq tassaavoq nunani tamalaani suleqatigiinnermi nunani tamalaani oqalliffinni arlalinni Kalaallit Nunaata soqutigisaanik isumaginninnermi peqataanissaq.  Tassunga atatillugu suliat illersornissamut politikkeqarnermut suliassanut kiisalu naalagaaffiit innuttanut pisussaaffii naapertorlugit suliassat aammalu naalagaaffiup qanoq ittuunera pillugu suliassanut                  ikiuuttussamik inuttassarsiorpoq.  Naatsorsuutigineqarpoq qinnuteqartussaq nunanut allanut sillimaniarnermullu tunngasut pillugit misissueqqissaarsinnaanermik pikkoriffeqassasoq.  Taamatuttaaq naatsorsuutigineqarpoq atorfimmut atatillugu suliassaqarfiit allat ilanngunneqarumaartut, sulinissannili misilittakkatit piginnaasatillu matumani apeqqutaajumaarput.  Assersuutaasinnaappullu suliassat naalagaaffik inuillu pillugit inatsisilerinermut tunngassuteqartut.

Suliassatit pingaarnerit

  • Nunanut Allanut Naalakkersuisoqarfiup Issittumilu Sakkutooqarfiup akornanni ataqatigiissaarinermut akisussaasoq. 
  • Kalaallit nunaanni Danmarkimilu oqartussanut attuumassuteqartunut illersornissakkut sillimaniarnikkullu politikkikkut ingerlatsinermi apeqqutinik ataqatigiissaarinermut ikiutaaneq, tassunga ilanngullugu Permanent Committeep Nunanut allanut ministeriaqarfimmut ataqatigiissaarnera.
  • Naalagaaffiit innuttanut pisussaaffii naapertorlugit suliassat aammalu naalagaaffiup qanoq ittuunera pillugu suliassanut suleqataasussaq
  • Nunanut allanut Naalakkersuisoqarfiup suliassaanut atatillugu suliassat attuumassutillit suliarinissaat, soorlu naalakkersuisumik sullissineq, suliat misissueqqissaarnermut tunngasut kiisalu nunat tamalaat suleqatigiinnerannut peqataasarneq.
  • Naalakkersuisoqarfiup suliaanut tunngatillugu ingerlatsinermut suliassat aaqqiiffiginissaannut aam-ma oqartussaasut nalinginnaasumik suliarinninnerannut peqataaneq.
  • Suliffeqarfiup iluani avataanilu tusarniaanerni ataqatigiissaarineq akissuteqarnerlu.
  • Nunanut allanut politikkikkut nalinginnaasumillu suliassaagallartut assigiinngitsut.


Nunanut Allanut Naalakkersuisoqarfik
Nunanut allanut Naalakkersuisoqarfik Namminersorlutik Oqartussani qitiusumik oqartussaqarfiuvoq, sulias-sanik aamma Kalaallit Nunaata nunani tamalaani soqutigisaanik isumaginnittuuvoq kiisalu suliatigut naalakkersuisoqarfiit nunani tamalaani ingerlataannik ataqatigiissaarisoq atortoqartitsisorlu.  Namminersorlutik Oqartussat nunani avannarlerni issittumilu suleqatigiinnerni peqataapput tassunga ilanngullugit Issittumi Siunnersuisoqatigiit kiisalu NP ingerlatat soorlu Inuit pisinnaatitaaffii pillugit siunnersuisoqatigiit aamma NP Nunat Inoqqaavisa pillugit suliassanut Permanent Forum.  Namminersorlutik Oqartussat aamma Kalaallit Nu-naannut attuumassuteqartuni illersornissamut sillimaniarnikkullu politikkikkut apeqqutinut naleqqiullugu pimoorussilluni peqataapput. USA-mik suleqateqarneq siullermik Joint Committeemi aamma Permanent Committeemi taaneqartartuni ingerlanneqarpoq.

Illit piukkunnaatitit piginnaasatillu

  • Ilinniagartuutut attuumassutilimmik ilinniagaqarneq (cand.jur., cand.Scient.pol, cand.soc., taamaaqataaluunniit).
  • Takunnilluarsinnaallutit sulisarputit kiisalu politikkikkut aamma/imaluunniit aaqqissuussaanermi oqaluuserisanut annertunerusunut atasunik suliassat aalajangersimasut qanoq ataqatigiinnerinut suliatigut ajunngitsumik misissuisarnikkullu paasinnittarputit.
  • Politikkikkut aqunneqartuni suleqatigiiffinni sulinermik misilittagaqarputit.
  • Nunani tamalaani suliffinni suleqatigiiffinnilu aamma/imaluunniit nunani allani sulinermik misilittagaqarputit.
  • Kalaallinut inuiaqatigiinnut taakkualu kulturiannut ilisimasaqarluaruit iluaqutaaginnassaaq.
  • Naliliilluarsinnaavutit pitsaasunillu angusaqarsinnaallutit. 
  • Kalallit, danskit, tuluit allallu oqaasiinik ilisimasaqarneq iluaqutaaginnassaaq.
  • Immikkoortunut suliassaqarfiusunut misilittagaqarputit, ilisimasaqarlutit ilmaluunniit soqutigisaqarputit.
  • Sulinermut atatillugu angalallattaasarnissaat piareersimaffigissavat.
  • Naalakkersuisoqarfimmi, Namminersorlutik Oqartussani suleqatinik aamma Danmarkimi oqartussanik suleqateqarnissamut pitsaasumik nammineersinnaallutillu akisussaasinnaavutit.

Uku neqeroorutigivavut 
Nunanut Allanut Naalakkersuisoqarfik suliffeqarfiuvoq nukissaqarluartoq ataqqaqatigiinnermillu pingaartitsisoq, taamaattumik suleqatinik inussiarnersunik nuannaartunillu neqerooruteqarsinnaalluta.
Nunanut allanut suliassanut Naalakkersuisoqarfiup akisussaaffigisai tassaapput ilaannikkut ulapiffiusinnaasut, suliassaqarfiillu tamaasa matussusernissaannut siunersioqatigiillutalu suleqatigiittarluta, tassunga ilan-ngullugu angalanerni.
Sulisut ataasiakkaat pingaartinneqartutut misiginissaat aamma suliartornerup isumaqarneranik misiginissaat sulissutigaarput. Ineriartoqqinnissamut ilinniaqqinnissamullu ataasiakkaat pisariaqartitaat tapersersorpavut, inuttut suliatigullu.

Atorfinitsitaanermi atugassarititaasut
Akissarsiatigut atorfininnermilu piumasaqaatit, tassunga ilanngullugit atorfininnermi soraarnermilu angala-nissamut pigisallu nuunneqarnissaannut pisinnaatitaaffiit, Namminersorlutik Oqartussat aamma suleqatigiiffiup isumaqatigiinniarsinnaatitaasup pineqartup akornanni isumaqatigiissutaat piffissami atorfininnermi atuuttut naapertussavai.
Sapaatip akunneranut piffissaq sulliffiusoq tassaavoq nalunaaquttap akunneri 40-it.  

Ineqarneq
Atorfinittumut sulisunut inissiaq pequsersugaanngitsoq malittarisassat sukkulluunniit atuuttut malillugit innersuussutigineqarsinnaavoq. Qinnuteqartorli Namminersorlutik Oqartussani atorfeqarnini aqqutigalugu sulisutut ineqareersimaguni sulisunut inissiamik innersuussiffigineqarsinnaanini attatiinnassavaa.
Inissiamut innersuunneqartumut maleruagassat qaqugukkulluunniit atuuttut malillugit ineqarnermut akiliummik qularnaveeqqutinillu akiliisoqassaaq.
Ineqarnermut akiliutit inissiallu qanoq ittuuneri inissiap pisoqaassusaa, piginnittut il.il. apeqqutaallutik allanngorarsinnaapput. Sulisunut inissiaq atorfeqarnermut pissutsit atorunnaarpata qimanneqassaaq.
Sulisutut inissamik innersuunneqarnissaq sivisuumik utaqqinarsinnaavoq, taamaattumik inimik utaqqiisaagallartumik najugarisassamik atugassiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfiup inissiaataanut inissiisoqarallarsinnaalluni.

Paasissutissat sukumiinerusut
Annertunerusumik atorfik pillugu paasisaqarusukkuit tikilluaqquneqarputit attavigissallugu allaffimmi pisortaq Uiloq Mulvad Jessen Oqa. +299 34 51 68 mail-ikkulluunniit irum@nanoq.gl.

Ulloq qinnuteqarfissaq kingulleq
Qinnuteqaat kingusinnerpaamik 07.02.2019 tigoreersimassavarput.
Naatsorsuutigaarput sapaatip akunnerani 7-mi oqaloqateqarnissat ingerlatissallugit.
Atorfininnissamut ulloq tassaavoq 01-03-2019 imaluunniit piaarnerpaamik isumaqatigiissuteqarnikkut.
Qinnuteqaat ilinniagaqarneq siusinnerusukkullu suliffigisimasat pillugit paasissutissartalik, soraarummeer-nermi uppernarsaatit il.il. assilineri ilanngullugit uunga “qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk